COVID-19
ជាតិ
ពលករមកពីថៃជាង ៤០០នាក់ ដែលសង្ស័យមានកូវីដ-១៩ បានធ្វើតេស្តអវិជ្ជមានទាំងអស់
×![]()
ភ្នំពេញ៖ ពលករមកពីប្រទេសថៃជាង ៤០០នាក់ ដែលសង្ស័យឆ្លងជំងឺកូវីដ១៩ ត្រូវបានធ្វើតេស្ត ដោយទទួលបានលទ្ធផលអវិជ្ជមានទាំងអស់។ នេះបើតាមការបញ្ជាក់របស់លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង នៅក្នុងសន្និសីទសារព័ត៌មានស្ដីពីបច្ចុប្បន្នភាពកូវីដ-១៩ កាលពីថ្ងៃទី២០មេសា។
ក្នុងចំណោមពលករ ៩ម៉ឺននាក់ ដែលធ្វើដំណើរមកពីប្រទេសថៃ មានពលករជាង ៤០០នាក់ សង្ស័យមានកូវីដ១៩។ ពលករជាង៤០០នាក់នេះ ត្រូវបានយកសំណាកទៅពិនិត្យ ដោយទទួលបានលទ្ធផលតេស្តអវិជ្ជមានទាំងអស់។
លោក លី សូវ៉ាន់ បញ្ជាក់យ៉ាងដូច្នេះ៖ «រហូតមកដល់ពេលនេះ គឺយើងតេស្តអ្នកដែលសង្ស័យកូវីដ១៩ ជាពលករដែលមកពីប្រទេសថៃបានជាង ៤១០ករណី។ ប៉ុន្តែលទ្ធផលដែលយើងយកចេញពីច្រកទាំងបី និងករណីស្នាក់នៅចត្តាឡីស័ក គឺលទ្ធផលអវិជ្ជមានទាំងអស់»។
សូមបញ្ជាក់ថា គិតត្រឹមថ្ងៃទី២១ មេសានេះ កម្ពុជាមានអ្នកឆ្លងកូវីដ-១៩សរុបចំនួន ១២២នាក់ ក្នុងនោះកម្ពុជាបានព្យាបាលអ្នកជំឲ្យ ជាសះស្បើយចំនួន ១១០នាក់ ស្មើនឹង ៩០.១៦ភាគរយ៕
Tag:
COVID19
ពលករ
ថៃ
© រក្សាសិទ្ធិដោយ thmeythmey.com
