ជាតិ
រថយន្ត
សុវត្តិភាព ចរាចរណ៍
ត្រឹម៣ម៉ោងព្រឹកនេះ ប៉ូលិសចរាចរណ៍រាជធានីឃាត់បានម៉ូតូ៩០០គ្រឿង និងរថយន្ត៨០គ្រឿង បណ្ណពិន័យម៉ូតូដែលខុសច្បាប់។ ថតដោយ ប៉ាន់ បូនី
× របាយការណ៍បឋមស្តីពីការអនុវត្តរឹតបន្តឹងច្បាប់ចរាចរណ៍ នៅរាជធានីភ្នំពេញ នៅថ្ងៃទី១ ខែឧសភា ឆ្នាំ២០២០ បង្ហាញថា ប្រតិបត្តិការត្រឹម៣ម៉ោងពីម៉ោង៧ ដល់ម៉ោង១០ព្រឹក សមត្ថកិច្ចឃាត់ម៉ូតូដែលល្មើសច្បាប់ចំនួន៩០០គ្រឿង និងរថយន្ត៨០គ្រឿង។
ក្នុងចំណោមម៉ូតូទាំង៩០០គ្រឿង មានករណីអត់មួកចំនួន៨៤៥គ្រឿង ដោយ១គ្រឿងៗ ត្រូវពិន័យជាទឹកប្រាក់៦ម៉ឺនរៀល អត់ផ្លាកលេខចំនួន៨គ្រឿង (១គ្រឿង១២ម៉ឺនរៀល), ល្មើសសញ្ញាចរាចរណ៍ ៤៧ គ្រឿង (១គ្រឿង១០ម៉ឺនរៀល)។
រីឯក្នុងចំណោមរថយន្ត៨០គ្រឿង ករណីអត់ពាក់ខ្សែក្រវាត់ចំនួន៦៣គ្រឿង (១គ្រឿងរងពិន័យ៧៥០០០ ទៅ១៥ម៉ឺនរៀល បញ្ច្រាស់ទិសមាន៧គ្រឿង (១គ្រឿងពី១៥ម៉ឺនទៅ៣០ម៉ឺនរៀល) អត់ផ្លាកលេខ២គ្រឿង (១គ្រឿងពី១.២លានទៅ២.៤លានរៀល) និយាយទូរសព្ទ ២គ្រឿង (១២ម៉ឺន ទៅ២២.៥ម៉ឺនរៀល) អត់បណ្ណសម្គាល់យាន១គ្រឿង (ពី១.២លានទៅ២.៤លានរៀល) ល្មើសសញ្ញាចរាចរណ៍ ៣ គ្រឿង (១គ្រឿងពី១៥ម៉ឺនទៅ៣០ម៉ឺនរៀល) និងសំពីងសំពោង ២ គ្រឿង (១គ្រឿងពី១៥ម៉ឺនទៅ៣០ម៉ឺនរៀល)៕
© រក្សាសិទ្ធិដោយ thmeythmey.com