ជាតិ
រូបតំណាង (thmeythmey)
×![]()
ដោយ: ឡាយ សុភាវតី
ភ្នំពេញ៖ សមាគមរោងចក្រកាត់ដេរនៅកម្ពុជា (GMAC) អំពាវនាវឲ្យម្ចាស់អគារជួល បញ្ចុះតម្លៃ៣០ភាគរយ យ៉ាងតិចពី៣ទៅ៦ខែ ដល់ម្ចាស់រោងចក្រ ដើម្បីជួយសម្រាកបន្ទុកចំណាយរបស់រោចក្រ និងស្ដារសេដ្ឋកិច្ចនៅកម្ពុជា។ 
លិខិតអំពាវនាវរបស់ GMAC ដែលចេញកាលថ្ងៃទី៨ ខែឧសភា បញ្ជាក់ថា ការចំណាយរបស់រោចក្រលើថ្លៃឈ្នួលអគារនិងទីតាំង គឺជាបន្ទុកចំណាយយ៉ាងធ្ងន់ ខណៈរោងកច្រ កំពុងរងគ្រោះដោយសារការលុបចោលនៃការបញ្ជាទិញនិងគ្មានអ្នកបញ្ជាទិញថ្មី។ GMAC លើកឡើងថា៖«ការចុះថ្លៃឈ្នួលនេះ នឹងអាចជួយសម្រាលបន្ទុកចំណាយរបស់រោងចក្រ និងចូលរួមចំណែកស្ដារសេដ្ឋកិច្ចនៅកម្ពុជាដើម្បីទ្រទ្រង់គ្រប់វិស័យនេះ»។
ជាមួយគ្នានេះដែរ GMAC បានសង្កត់ធ្ងន់លើវិស័យកាត់ដេរនៅកម្ពុជា ដែលកំពុងរងផលប៉ះពាល់កាន់តែធ្ងន់ទៅៗ។ ជាក់ស្ដែងតាមការអង្កេតរបស់ GMAC មានរោងចក្រ១៨០បានព្យួរការងារ ខណៈ៦០រោចក្រទៀត នឹងអាចបន្តព្យួរនាពេលខាងមុខ។ GMAC វាយតម្លៃថា ការព្យួរនេះ បញ្ជាក់ពីការមិនមានលទ្ធភាពទ្រទ្រង់។
រោងចក្រ១៨០ ដែលព្យួរការងារ បានបង្កការប៉ះពាល់ដល់កម្មករជាង១៥ម៉ឺននាក់ ហើយនឹងបន្តប៉ះពាល់ដល់កម្មករជិត២០ម៉ឺននាពេលខាងមុខឆាប់ៗនេះ រួមទាំងសមាជិកគ្រួសាររបស់កម្មករប្រមាណ២លាននាក់ទៀតផង៕
Tag:
GMAC
រោងចក្រ
© រក្សាសិទ្ធិដោយ thmeythmey.com
