ជាតិ
ខេត្តឧត្តរមានជ័យ មានតំបន់ទេសចរណ៍ធម្មជាតិ វប្បធម៌ ប្រវត្តិសាស្ត្រ និងប្រាង្គប្រាសាទ ចំនួន១៥១កន្លែង រូបភាពពីទំព័រហ្វេសប៊ុកមន្ទីរទេសចរណ៍ខេត្តឧត្តមានជ័យ
× ភ្នំពេញ៖ ខេត្តឧត្តរមានជ័យ មានតំបន់ទេសចរណ៍ធម្មជាតិ,តំបន់ទេសចរណ៍វប្បធម៌ និងប្រវត្តិសាស្ត្រ និងតំបន់ប្រាង្គប្រាសាទបុរាណ ដល់ទៅ១៥១កន្លែងឯណោះ។ អ្នកស្រី ចាន់នី មុន្នីរស្មី ប្រធានមន្ទីរទេសចរណ៍ខេត្តឧត្តរមានជ័យ បញ្ជាក់ដូច្នេះនៅក្នុងសន្និសីទកាសែត ស្តីពីវឌ្ឍភាព និងទិសដៅការងារបន្តរបស់រដ្ឋបាលខេត្តឧត្តរមានជ័យ នៅទីស្ដីការគណៈរដ្ឋមន្ត្រី កាលពីថ្ងៃទី១៩ ខែឧសភា។
បើតាមអ្នកស្រីប្រធានមន្ទីរទេសចរណ៍ដដែល នៅក្នុងខេត្តឧត្តរមានជ័យមាន៧កន្លែង, តំបន់ប្រវត្តិសាស្ត្រអន្លង់វែងមានចំនួន១៤កន្លែង និងមានប្រាង្គប្រាសាទ១០កន្លែងផងដែរ។ ចំណែកតំបន់ទេសចរណ៍ផ្សេងទៀត នៅមិនទាន់មានហេដ្ឋារចនាសម្ព័ន្ធផ្លូវថ្នល់ដែលអាចធ្វើដំណើរកម្សាន្តទៅបាននៅឡើយ ហើយកន្លែងខ្លះ ផ្លូវដំណើរទៅមានភាពលំបាក ជាពិសេសនៅរដូវវស្សា។
ក្រៅពីតំបន់ទេសចរណ៍ នៅក្នុងខេត្តឧត្តរមានជ័យ មានសណ្ឋាគារ និងផ្ទះសំណាក់ជាង៤០កន្លែង ភោជនីយដ្ឋាន និងអាហារដ្ឋានជាង៣០កន្លែង ដើម្បីរង់ចាំផ្តល់ជូនសេវាកម្មស្នាក់នៅ និងម្ហូបអាហារដល់ភ្ញៀវទេសចរ ដែលទៅកម្សាន្ត។
កាលពីឆ្នាំ២០១៩ ខេត្តបន្ទាយមានជ័យ ទទួលបានភ្ញៀវទេសចរជាតិប្រមាណ១៨២០០០នាក់ និងភ្ញៀវបរទេសជាង៥ពាន់នាក់។ នេះបើតាមអ្នកស្រី ចាន់នី មុន្នីរស្មី៕
© រក្សាសិទ្ធិដោយ thmeythmey.com