កីឡាជាតិ
ជាតិ
ចាប់ឆ្នោត AFC U19៖ កម្ពុជា ប៉ះម្ចាស់ផ្ទះអ៊ូសបេគីស្ថាន អ៊ីរ៉ង់ និងឥណ្ឌូណេស៊ី នៅពូល A
រូបភាពពីសហព័ន្ធកីឡាបាល់ទាត់កម្ពុជា FFC
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិកម្ពុជាក្រោមអាយុ១៩ឆ្នាំ ចាប់ឆ្នោតប៉ះម្ចាស់ផ្ទះអ៊ូសបេគីស្ថាន អ៊ីរ៉ង់ និងឥណ្ឌូណេស៊ី នៅពូល A សម្រាប់ការប្រកួតពានរង្វាន់ AFC U-19 Championship 2020។ ការចាប់ឆ្នោតនេះធ្វើឡើងនៅទីស្នាក់ការកណ្តាលសហព័ន្ធកីឡាបាល់ទាត់អាស៊ី (AFC) នៅប្រទេម៉ាឡេស៊ី នាថ្ងៃទី១៨ ខែមិថុនា។
ដោយឡែកពូលដទៃទៀត រួមមានពូល B មានកូរ៉េខាងត្បូង ជប៉ុន អ៊ីរ៉ាក់ និងបារ៉ែន។ ពូល C មានអារ៉ាប៊ីសាអូឌីត អូស្ត្រាលី វៀតណាម និងឡាវ ខណៈពេល D មានកាតា តាហ្ស៊ីគីស្ថាន ម៉ាឡេស៊ី និងយ៉េមែន។ តាមគម្រោង សម្រាប់ព្រឹត្តិការណ៍ AFC U19 Championship 2020 នៅប្រទេសអ៊ូសបេគីស្ថាននេះ នឹងចាប់ផ្តើមការប្រកួតនៅក្នុងខែតុលា ឆ្នាំ២០២០។
សូមបញ្ជាក់ថា មុនឈានមកដល់ការចាប់ឆ្នោតនេះ គឺបន្ទាប់ពី U19 កម្ពុជា បានឆ្លងផុតវគ្គជម្រុះកាលពីឆ្នាំ២០១៩ ដោយទទួលបានចំណាត់ថ្នាក់ទី២ក្នុងពូល G ដែលមានក្រុមចំនួន៥ ដូចជាកម្ពុជា ម៉ឡេស៊ី កោះម៉ារីយ៉ា ថៃ និង ព្រុយណេ។
កាលនោះ ជម្រើសជាតិកម្ពុជាក្រោមអាយុ ១៩ឆ្នាំ បានធ្វើជាម្ចាស់ផ្ទះសម្រាប់ការប្រកួតជម្រុះពូល G ដោយបញ្ចប់ក្នុងចំណាត់ថ្នាក់លេខ២ ខណៈម៉ាឡេស៊ីឈរកំពូលតារាង។ ដូច្នេះក្នុងពូល G នេះមានកម្ពុជា និងម៉ាឡេស៊ីដែលទទួលបានសិទ្ធិទៅកាន់វគ្គបន្ត។
៤ក្រុមដែលឡើងទៅកាន់វគ្គពាក់កណ្តាលផ្តាច់ព្រ័ត្រព្រឹត្តិការណ៍ នឹងបានកៅអីស្វ័យប្រវត្តិទៅកាន់ World Cup ២០២១ ក្រោមអាយុ២១ឆ្នាំដែលឥណ្ឌូណេស៊ីធ្វើជាម្ចាស់ផ្ទះ។ ប្រសិនបើឥណ្ឌូណេស៊ីស្ថិតក្នុងចំណោម៤ក្រុមនេះ តម្រូវឲ្យក្រុមដែលចាញ់នៅវគ្គ១/៤ផ្តាច់ព្រ័ត្រ ត្រូវប្រជែងគ្នាម្តងទៀតដើម្បីយក១កៅអីទៀត ទៅកាន់ការប្រកួតបាល់ទាល់ពិភពលោក U21 នៅប្រទេសឥណ្ឌូណេស៊ី៕
៤ក្រុមដែលឡើងទៅកាន់វគ្គពាក់កណ្តាលផ្តាច់ព្រ័ត្រព្រឹត្តិការណ៍ នឹងបានកៅអីស្វ័យប្រវត្តិទៅកាន់ World Cup ២០២១ ក្រោមអាយុ២១ឆ្នាំដែលឥណ្ឌូណេស៊ីធ្វើជាម្ចាស់ផ្ទះ។ ប្រសិនបើឥណ្ឌូណេស៊ីស្ថិតក្នុងចំណោម៤ក្រុមនេះ តម្រូវឲ្យក្រុមដែលចាញ់នៅវគ្គ១/៤ផ្តាច់ព្រ័ត្រ ត្រូវប្រជែងគ្នាម្តងទៀតដើម្បីយក១កៅអីទៀត ទៅកាន់ការប្រកួតបាល់ទាល់ពិភពលោក U21 នៅប្រទេសឥណ្ឌូណេស៊ី៕
© រក្សាសិទ្ធិដោយ thmeythmey.com
