​ទ្រាំ​ឈរ អើយ​រ៉ា មិន​ត្អូញត្អែរ​ ​ ​ ​មើលថែ អើយ​រ៉ា រក្សា​ផ្លូវ​

​បែងចែក អើយ​រ៉ា ឲ្យ​ត្រឹមត្រូវ​ ​ ​ ​ដៅ​ផ្លូវ អើយ​រ៉ា ឲ្យ​បាន​ច្បាស់​។​

 

​ក្រែង​គេ អើយ​រ៉ា ពិបាក​ចរ​ ​ ​ ​បើកបរ អើយ​រ៉ា ចៀស​ពារ​ប៉ះ​

​ខ្លួនឯង អើយ​រ៉ា គ្រោះ​ក្រៃ​ក្រាស់​ ​ ​ ​ឃើញច្បាស់ អើយ​រ៉ា ខ្ញុំ​ឥត​ក្លែង​។​

 

​ខ្ទេច​ក្បាល អើយ​រ៉ា ដាល​ដល់​ប្រាណ​ ​ ​ជាំ​ដាន អើយ​រ៉ា គួរ​រអែង​

​ពេលនេះ អើយ​រ៉ា ទ្រូងផ្លូវ​ថ្លែង​ ​ ​ ​គិតក្រែង អើយ​រ៉ា ដល់​អាត្មា​។​

 

​បើ​មិន អើយ​រ៉ា អាណិត​ខ្ញុំ​ ​ ​ ​ ​ប្រមុម អើយ​រ៉ា គិត​គ្រួសារ​

​បើកបរ អើយ​រ៉ា ចៀស​ជែង​វ៉ា​ ​ ​ ​មេត្តា អើយ​រ៉ា គោរព​ច្បាប់​។​

 

​យានយន្ត អើយ​រ៉ា ត្រួត​ឲ្យ​ច្បាស់​ ​ ​ ​គ្រឿង​ចាស់ អើយ​រ៉ា ពុក​ច្រែះ​ចាប់​

​កង់​ហ្វ្រាំង អើយ​រ៉ា គ្រប់​ប្រដាប់​ ​ ​ ​រឹត​ចាប់ អើយ​រ៉ា ឬ​ប្តូរ​ថ្មី​។​

 

​ស្រវឹង អើយ​រ៉ា កុំ​បើកបរ​ ​ ​ ​ ​ប្រាប់ត អើយ​រ៉ា ទាំងប្រុស​ស្រី​

​ផ្គើន​ច្បាប់ អើយ​រ៉ា មិនបាន​អ្វី​ ​ ​ ​ខ្ញុំ​ស្តី អើយ​រ៉ា ប្រាប់​តាម​ត្រង់​៕

​ ​ ​ ​ ​

 

 

 

 

 

 

 

​