ជាតិ
រថយន្ត
កង់បីម៉ាក INNOCENTI Lambro 550 ផលិតខ្ទង់ឆ្នាំ១៩៦៥ ក៏ក្លាយវត្ថុលម្អដ៏ទាក់ទាញដែរ
× កំពង់ឆ្នាំង៖ ខាងលិចទីខេត្តកំពង់ឆ្នាំងបន្តិច តាមផ្លូវជាតិលេខ៥ មានពលរដ្ឋខ្មែរបារាំងមួយរូប បានយកកង់បីម៉ាក INNOCENTI Lambro 550 ផលិតនៅឆ្នាំ១៩៦៥ ឬ១៩៦៦ មកដាក់តាំងនៅភោជនីយដ្ឋានរបស់ខ្លួន។ វាបានរួមចំណែកទាក់ទាញភ្នែកអ្នកដំណើរ ដោយត្រីចក្រយានមួយគ្រឿងនេះ ស្ថិតក្នុងចំណោមយានបុរាណជាច្រើនគ្រឿងទៀត ដែលគេតាំងនៅទីនេះ ដែលមានរថយន្ត៥គ្រឿង, ម៉ូតូ២គ្រឿង និងកង់ម៉ាស៊ីន១គ្រឿងទៀត។ យានទាំងនេះសុទ្ធតែជិះមិនកើត ដោយសារបញ្ហាមេកានិកផង និងច្បាប់ផង(គ្មានស្លាកលេខ និងបណ្ណសម្គាល់យានយន្ត)។
ត្រីចក្រយានយន្ដ INNOCENTI ប្រភេទ Lambro ម៉ូឌែល550 នេះគឺជាកង់បីដឹកអ្នកដំណើរ ពណ៌ស ដែលមានរាងមូលគួរឲ្យស្រលាញ់។ វានៅស្អាតដូចដើម ដោយសារការបាញ់ថ្នាំពណ៌ដើមឡើងវិញ ដូរឈើដាក់ថ្មីវិញ និងដូរស្បែកកៅអីដែរ។ ចំណែកខាងលើដំបូលមានរបងសម្រាប់ដាក់អីវ៉ាន់។
ដើម្បីជ្រាបច្បាស់សូមអញ្ជើញស្តាប់ការអត្ថាធិប្បាយរបស់នាយ យ៉ាន នៃសារព័ត៌មានថ្មីៗ ដូចតទៅ៖
ត្រីចក្រយាន INNOCENTI Lambro ត្រូវបានផលិតចាប់ពីឆ្នាំ១៩៦៣ រហូតដល់ឆ្នាំ១៩៧២ ដោយមានម៉ូឌែលខុសៗគ្នាច្រើនអាស្រ័យតាមតួនាទី : ដឹកអ្នកដំណើរ ដឹកទំនិញ ដឹកទឹក។ ល។ ម៉ូឌែល550 ត្រូវបានបង្កើតនាឆ្នាំ១៩៦៥។ ទោះបីជាខ្មែរយើងច្រើននិយាយថា «កង់បីឥណ្ឌា» ប៉ុន្តែវាត្រូវបានប្រឌិតមុនគេបង្អស់នៅប្រទេសអ៊ីតាលី។ ពីដំបូងក្រុមហ៊ុន INNOCENTI ផលិតឧបករណ៍មេកានិកគ្រប់មុខ។ ក្រុមហ៊ុនអ៊ីតាលីនេះ ក៏បានផលិតឡានលើសពី ១០ប្រភេទដែរ។ ក៏ប៉ុន្តែក្រុម FIAT បានទិញ INNOCENTI ឆ្នាំ១៩៩០ មុននឹងលុបបំបាត់ឈ្មោះនេះឆ្នាំ១៩៩៧។ INNOCENTI បានផលិតត្រីចក្រយានយន្ដ ពីឆ្នាំ១៩៤៩ រហូតដល់ឆ្នាំ១៩៧២។ នៅពេលដែលចប់នោះ INNOCENTI លក់រោងចក្រផលិតកង់បីទៅឲ្យរដ្ឋាភិបាលឥណ្ឌា…
Tag:
កង់បី
ត្រីចក្រយាន
© រក្សាសិទ្ធិដោយ thmeythmey.com