បទយកការណ៍ / បទសម្ភាសន៍
ជាតិ
×![]()
បណ្តាពាណិជ្ជករ និងអ្នករកស៊ីមួយចំនួន មានក្តីរំពឹងថា ក្នុងជំនួបចរចា ដែល នឹងប្រព្រឹត្តទៅនៅថ្ងៃអង្គារស្អែកនេះ អ្នកនយោបាយនឹង អាចរកផ្លូវដោះ ស្រាយបញ្ហាបាន ក្រោយពីជាប់គាំងរយៈពេលជាង៣ខែក្រោយថ្ងៃបោះឆ្នោតមក។
អ្នកស្រី សុខា ជាអ្នកលក់គ្រឿងម៉ាស៊ីននៅផ្សារទួលទំពួងនិយាយថា រយៈពេល៣ខែចុងក្រោយនេះ ការបញ្ជាទិញនិងលក់របស់អ្នកស្រីមានការធា្លក់ចុះ។ អ្នកស្រីថា ៖«ខ្ញុំសង្ឃឹមថា ពួក គេ នឹងដោះស្រាយបានជោគជ័យទៅចុះ ព្រោះពិបាករកស៊ីណាស់»។
មិនមែនមានតែអ្នកលក់ដូរនៅក្នុងរាជធានីភ្នំពេញនោះទេ ដែលរអ៊ូពីរឿងស្ងាត់ភ្ញៀវទិញទំនិញពួកគេ សូម្បីនៅតាមបណ្តាខេត្តក្រុងមួយចំនួន ដែលធ្លាប់តែមានភ្ញៀវច្រើនកុះករនោះ ក៏មានការនឿយណាយពីបញ្ហានយោបាយនេះផងដែរ។ តួយ៉ាងដូចជាំ ហាងអាហារដ្ឋានមួយកន្លែងក្នុងទឹកដីខេត្តមណ្ឌលគិរីនោះវិញ ក្នុងហាងមានសភាពស្ងាត់ជ្រងំ។
អ្នកស្រី ចិន្តាម្ចាស់ផ្ទះសំណាក់ និងហាងបាយមួយកន្លែងនិយាយថា ហាងអ្នកស្រី ស្ងាត់បែបនេះ ចាប់តាំងពីបោះឆ្នោតរួច។ ជាកន្លែងដែលសម្បូរជនបរទេសចេញ ចូលនោះ ប្រែក្លាយជាស្ងប់ស្ងាត់ ក្រោយពីអ្នកខ្លះសម្រេចទៅស្រុកកំណើតវិញ នៅពេលស្រុកខ្មែរ មានការចល័តកងកំលាំងប្រដាប់អាវុធ ដែលធ្វើឲ្យពួកគេមានភាពភ័យខ្លាច។
អ្នកស្រី ចិន្តាសង្ឃឹមថា អ្នកនយោបាយនឹងត្រូវរូវគ្នា ចាប់ដៃគ្នា និងដឹងពីសុខទុក្ខប្រជាជនជាធំ ហើយដោះស្រាយគ្នាដោយសន្តិវិធី ដើម្បីឲ្យស្ថានការបច្ចុប្បន្ននេះ វិលទៅរកសភាពដើមវិញ។
នៅក្នុងរាជធានីភ្នំពេញ គេប្រទះឃើញម្ចាស់ហាងជនបរទេសខ្លះ បន្តបិទទ្វានៅឡើយ ។ ពួកគេកំពុងតាមដានស្ថានការណ៍ នយោបាយយ៉ាងយកចិត្តទុកដាក់ មុននឹងពួកគេសម្រេចបើកអាជីវកម្មពួកគេឡើងវិញ។
បើទោះជាមានសេចក្តីរាយការណ៍ពីអាជ្ញាធរតាមបណ្តាខេត្តក្រុងពីចំនួនអ្នកទេសចរទៅទស្សនា មិនបានធ្លាក់ចុះយ៉ាងណាក្តី ប៉ុន្តែសម្រាប់អ្នកបម្រើសេវាកម្ម និងប្រជាពលរដ្ឋវិញ ពួកគេ មើលឃើញផ្ទុយពីនេះ គឺចំនួនអ្នកទេសចរមានការធ្លាក់ចុះគួរឲ្យកត់សម្គាល់ ក្រោយថ្ងៃបោះឆ្នោត៕
អ្នកស្រី សុខា ជាអ្នកលក់គ្រឿងម៉ាស៊ីននៅផ្សារទួលទំពួងនិយាយថា រយៈពេល៣ខែចុងក្រោយនេះ ការបញ្ជាទិញនិងលក់របស់អ្នកស្រីមានការធា្លក់ចុះ។ អ្នកស្រីថា ៖«ខ្ញុំសង្ឃឹមថា ពួក គេ នឹងដោះស្រាយបានជោគជ័យទៅចុះ ព្រោះពិបាករកស៊ីណាស់»។
មិនមែនមានតែអ្នកលក់ដូរនៅក្នុងរាជធានីភ្នំពេញនោះទេ ដែលរអ៊ូពីរឿងស្ងាត់ភ្ញៀវទិញទំនិញពួកគេ សូម្បីនៅតាមបណ្តាខេត្តក្រុងមួយចំនួន ដែលធ្លាប់តែមានភ្ញៀវច្រើនកុះករនោះ ក៏មានការនឿយណាយពីបញ្ហានយោបាយនេះផងដែរ។ តួយ៉ាងដូចជាំ ហាងអាហារដ្ឋានមួយកន្លែងក្នុងទឹកដីខេត្តមណ្ឌលគិរីនោះវិញ ក្នុងហាងមានសភាពស្ងាត់ជ្រងំ។
អ្នកស្រី ចិន្តាម្ចាស់ផ្ទះសំណាក់ និងហាងបាយមួយកន្លែងនិយាយថា ហាងអ្នកស្រី ស្ងាត់បែបនេះ ចាប់តាំងពីបោះឆ្នោតរួច។ ជាកន្លែងដែលសម្បូរជនបរទេសចេញ ចូលនោះ ប្រែក្លាយជាស្ងប់ស្ងាត់ ក្រោយពីអ្នកខ្លះសម្រេចទៅស្រុកកំណើតវិញ នៅពេលស្រុកខ្មែរ មានការចល័តកងកំលាំងប្រដាប់អាវុធ ដែលធ្វើឲ្យពួកគេមានភាពភ័យខ្លាច។
អ្នកស្រី ចិន្តាសង្ឃឹមថា អ្នកនយោបាយនឹងត្រូវរូវគ្នា ចាប់ដៃគ្នា និងដឹងពីសុខទុក្ខប្រជាជនជាធំ ហើយដោះស្រាយគ្នាដោយសន្តិវិធី ដើម្បីឲ្យស្ថានការបច្ចុប្បន្ននេះ វិលទៅរកសភាពដើមវិញ។
នៅក្នុងរាជធានីភ្នំពេញ គេប្រទះឃើញម្ចាស់ហាងជនបរទេសខ្លះ បន្តបិទទ្វានៅឡើយ ។ ពួកគេកំពុងតាមដានស្ថានការណ៍ នយោបាយយ៉ាងយកចិត្តទុកដាក់ មុននឹងពួកគេសម្រេចបើកអាជីវកម្មពួកគេឡើងវិញ។
បើទោះជាមានសេចក្តីរាយការណ៍ពីអាជ្ញាធរតាមបណ្តាខេត្តក្រុងពីចំនួនអ្នកទេសចរទៅទស្សនា មិនបានធ្លាក់ចុះយ៉ាងណាក្តី ប៉ុន្តែសម្រាប់អ្នកបម្រើសេវាកម្ម និងប្រជាពលរដ្ឋវិញ ពួកគេ មើលឃើញផ្ទុយពីនេះ គឺចំនួនអ្នកទេសចរមានការធ្លាក់ចុះគួរឲ្យកត់សម្គាល់ ក្រោយថ្ងៃបោះឆ្នោត៕
© រក្សាសិទ្ធិដោយ thmeythmey.com
