ជាតិ
តាកែវ ជាខេត្តកសិកម្ម បន្ទាប់ពីព្រៃវែង និងបាត់ដំបង សម្ដេច ហ៊ុន សែន នាឱកាសចុះពិនិត្យមើកសកម្មភាពបង្កបង្កើនផល នៅខេត្តតាកែវ
× ខេត្តតាកែវ ៖ ស្ថិតនៅចំណាត់ថ្នាក់លេខ៣ លើវិស័យកសិកម្ម ក្នុងចំណោមបណ្តាខេត្តទាំងអស់នៅកម្ពុជា។ នេះបើតាម ការលើកឡើងរបស់សម្ដេច ហ៊ុន សែន នាយករដ្ឋមន្ត្រីកម្ពុជា នៅក្នុងឱកាសជួបសំណេះសំណាលប្រជាកសិករ ក្នុងស្រុកព្រៃកប្បាស ខេត្តតាកែវ នៅព្រឹកថ្ងៃទី ២១ ខែកក្កដា។
ប្រមុខរដ្ឋាភិបាល មានប្រសាសន៍ដូច្នេះ ៖«ខេត្តតាកែវ គឺជាដែនដីដ៏មានសក្តានុពលមួយលើវិស័យកសិកម្ម កន្លងមកខេត្តតាកែវ បានជាប់ចំណាត់ថ្នាក់លេខ៣ លើវិស័យកសិកម្ម បន្ទាប់ពីព្រៃវែង និងបាត់ដំបង»។
ប្រជាពលរដ្ឋខេត្តតាកែវប្រមាណ ៧៩ភាគរយ ប្រកបរបរកសិកម្ម ដូចជាធ្វើស្រែចម្ការ នេសាទ និងចិញ្ចឹមសត្វ។ ក្នុងមួយឆ្នាំកសិករអាចធ្វើស្រែបានពី ២-៣ ដង និងទទួលបានទិន្នផលជាមធ្យម ៥ តោនក្នុងមួយហិកតា។ នេះបើតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ៕
© រក្សាសិទ្ធិដោយ thmeythmey.com