COVID-19
ជាតិ
COVID-19៖ បុរសឥណ្ឌាអាយុ៣២ឆ្នាំ ជាអ្នកជំងឺទី២២៦នៅកម្ពុជា
× ក្រសួងសុខាភិបាល នាព្រឹកថ្ងៃអង្គារ នេះ បានប្រកាសពីករណីវិជ្ជមានកូវីដ-១៩ មួយករណីទៀត ដែលជាបុរសឥណ្ឌាអាយុ៣២ឆ្នាំ។ គាត់ជាករណីទី២២៦នៅកម្ពុជា។
តាមសេចក្តីជូនព័ត៌មាន បុរសឥណ្ឌារូបនេះ បានធ្វើដំណើរមកពីប្រទេសឥណ្ឌា ដោយឆ្លងកាត់ប្រទេសម៉ាឡេស៊ី និងកូរ៉េខាងត្បូង ហើយមកដល់កម្ពុជានៅថ្ងៃទី២៦ ខែកក្កដា។
ក្រសួងសុខាភិបាល បានបញ្ជាក់ថា បុរសជនជាតិឥណ្ឌារូបនោះបានរួមដំណើរតាមជើងយន្តហោះហើរនៅប្រទេសកូរ៉េខាងត្បូងដោយរួមដំណើរជាមួយមនុស្សចំនួន៩០នាក់។ ក្នុងចំណោមនោះ ចំនួន៧នាក់កំពុងតែស្ថិតនៅក្រោមការធ្វើចត្តាឡីស័កនៅអនុវិទ្យាល័យពោធិ៍ចិនតុង និងចំនួនសណ្ឋាគារមួយកន្លែងនៅរាជធានីភ្នំពេញចំនួន ៨២នាក់។
គិតត្រឹមថ្ងៃទី២៨ ខែកក្កដានេះ កម្ពុជាមានអ្នកឆ្លងចំនួន២២៦នាក់ ក្នុងនោះមានស្ត្រី៤៦នាក់ និងបុរស១៨០នាក់ ជាសះស្បើយចំនួន១៤៧នាក់ និងសល់ចំនួន៧៧នាក់កំពុងបន្តការព្យាបាលនៅមន្ទីរពេទ្យមិត្តភាពខ្មែរ-សូវៀត មណ្ឌលសុខភាពចាក់អង្រែ និងពេទ្យបង្អែកខេត្តកំពង់ស្ពឺ រីឯពលរដ្ឋអាមេរិក២នាក់បន្តព្យាបាលនៅក្នុងស្ថានទូតអាមេរិក៕
© រក្សាសិទ្ធិដោយ thmeythmey.com