ជាតិ
រថយន្ត
រថយន្ត Mercedes-Benz GLS ស៊េរីថ្មីឆ្នាំ២០២១ មានវត្តមាននៅក្នុងឆ្នាំ២០២០នេះហើយ!
× រថយន្ត Mercedes-Benz GLS ស៊េរីថ្មីឆ្នាំ២០២១ គឺជាប្រភេទរថយន្ត SUV ធំជាងគេ និងប្រណីតបំផុត របស់ Mercedes-Benz និងផ្តល់ជូននូវអ្វីៗជាច្រើនទៀតដូចជា៖ កន្លែងទំនេរកាន់តែទូលាយ កាន់តែមានផាសុកភាព កាន់តែមានភាពប្រណីតលើសគេថែមទៀត។
វត្តមានប្រកបដោយទំនុកចិត្ត នៃផ្នែកខាងក្រៅរបស់រថយន្តនេះ បានមកពីវិមាត្រគួរឱ្យទាក់ទាញ និងចាប់អារម្មណ៍របស់វា ដែលធំជាងទំហំមុនរបស់វា រហូតដល់ប្រវែងជាង +៧៧ មីល្លីម៉ែត្រ និងទទឹងប្រវែងជាង +២២ មីល្លីម៉ែត្រ។ រថយន្ត Mercedes-Benz GLS ស៊េរីថ្មីឆ្នាំ២០២១ ជារថយន្តប្រណីតបែបSUV មានកម្លាំងមហិមាគ្រប់កាលៈទេសៈ។ រចនាប័ទ្មប្លែកទំនើបទាន់សម័យ មានភាពទាក់ទាញ បំពាក់ដោយប្រព័ន្ធបច្ចេកវិទ្យាវៃឆ្លាតទំនើបចុងក្រោយ។
ផ្ទៃខាងក្នុងមានភាពទូលាយ ងាយស្រួលក្នុងការធ្វើដំណើរជួបជុំគ្រួសារ ប្រកបដោយផាសុកភាពបំផុត។ កៅអីអង្គុយជួរទី២ និងទី៣ អាចបត់បាន ដើម្បីបន្ថែមផ្ទៃខាងក្រោយ ឲ្យកាន់តែមានទីទំនេរ កាន់តែមានភាពទូលាយ ងាយស្រួលក្នុងការធ្វើដំណើរផ្លូវឆ្ងាយ ដោយអាចដាក់អីវ៉ាន់បានច្រើន សម្រាប់ដំណើរផ្សងព្រេងតាមបែបស៊ីវីល័យ។ មានបូមខ្យល់អាចបញ្ជាឡើងចុះទាបខ្ពស់ ដែលធ្វើឲ្យរថយន្តមិនមានភាពរលាក់ និងមានទំហំកង់ធំពោរពេញដោយភាពស្រស់ស្អាត លេចធ្លោជាងគេ ហើយរឹតតែធ្វើឲ្យការបើកបរ មានភាពជឿជាក់ និងរីករាយខ្លាំង ជាមួយប្រព័ន្ធទប់លំនឹងរថយន្ត ដ៏ពិសេសមិនគួរឲ្យជឿ។
បដិវត្តន៍សម័យទំនើបលើច្ចេកវិទ្យាថ្មី បានបង្កើតឲ្យមានកម្មវិធីថ្មីដ៏ទំនើបអស្ចារ្យបំផុត របស់រថយន្ត Mercedes-Benz ដែលមានឈ្មោះថា MBUX ដែលអនុញ្ញាតឲ្យលោកអ្នក អាចគ្រប់គ្រងលើការបញ្ជាប្រព័ន្ធភ្លើងព័ទ្ធជុំវិញរថយន្ត ដែលមានច្រើនពណ៌ ច្រើនជម្រើស។ លោកអ្នក អាចបញ្ជាប្រព័ន្ធវិទ្យុ ទូរទស្សន៍ ម៉ាញ៉េ បាស់បំពងសំឡេងពីរោះរណ្តំ ប្តូរពណ៌តាបឡូបានបួនម៉ូដ ប្លែកទាក់ភ្នែក និងស៊ីវិល័យបំផុត ហើយអាចបញ្ជាបានរហូតដល់កៅអីក្តៅត្រជាក់ជាដើម។ បច្ចេកវិទ្យាថ្មីដ៏វៃឆ្លាតនេះ នឹងនៅជាមួយលោកអ្នក រៀនសូត្រពីភាពបត់បែនរបស់លោកអ្នក ដើម្បីសម្របខ្លួនទៅនឹងទម្លាប់លើការបើកបរមួយប្រកបដោយភាពវៃឆ្លាត និងទំនើបបំផុតដែលលោកអ្នកចង់បាន។ នៅពេលផាសុកភាពប្រសើរជាងមុនជួបនឹងសុវត្ថិភាពរឹតតែពិសេសនោះ ធ្វើឲ្យរថយន្ត GLS ស៊េរីថ្មីឈានដល់គោលដៅរបស់អ្នកប្រកបដោយមហាផាសុកភាពនិងសុវត្ថិភាពបំផុត។
រថយន្ត Mercedes-Benz GLS ផ្តល់នូវបច្ចេកវិទ្យាចុងក្រោយ នៅក្នុងប្រព័ន្ធជំនួយសុវត្ថិភាពនិងការបើកបរ។ ជាមួយនឹងឧបករណ៍ជំនួយចម្ងាយសកម្ម ជួយបានក្នុងការកែសម្រួលល្បឿនរថយន្ត ដោយផ្អែកលើចម្ងាយពីរថយន្ត ទៅនឹងឧបសគ្គនីមួយៗ ដែលជាហេតុធ្វើឲ្យរថយន្តGLSថ្មីនេះ អាចឆ្លើយតបទៅនឹងទិន្នន័យ ពីព័ត៌មានចរាចរណ៍ដោយផ្ទាល់បាន។ ហើយប្រព័ន្ធជំនួយចតរថយន្តសកម្ម PARKTRONIC ធ្វើឱ្យមានភាពងាយស្រួល ក្នុងការស្វែងរកកន្លែងចតរថយន្ត និងចូលទៅកន្លែងចង្អៀត បានដោយសុវត្តិភាពមិនគួរឲ្យជឿ។
ម្យ៉ាងវិញទៀត មុខងារថ្មីនៃឧបករណ៍ជំនួយសកម្មនៃចង្កូតរថយន្ត ជួយគ្រប់គ្រងលើការបើកបរក្នុងគ្រាអាសន្ន លើផ្លូវដែលមានគន្លងផ្លូវច្រើន ខ្វាត់ខ្វែងគ្នា។ ឧបករណ៍ជំនួយហ្វ្រាំងសកម្ម អាចជួយអ្នកក្នុងការជៀសផុត ពីការប៉ះទង្គិចគ្នា ដែលអាចកើតមានឡើងជាយថាហេតុ នៅលើផ្លូវខាងមុខ ឬនៅពេលដែលមានយានជំនិះ និងមនុស្សឆ្លងកាត់ជាដើម។
សម្រាប់ព័ត៌មានបន្ថែម សូមអញ្ជើញមកទស្សនារថយន្តដោយផ្ទាល់ នៅអគារតាំងបង្ហាញរថយន្ត Mercedes-Benz ស្ថិតនៅមហាវិថី សម្តេច ហ៊ុន សែន (ផ្លូវ៦០ម) ឬទំនាក់ទំនងតាមទូរស័ព្ទលេខ 017231488 ឬ 023 231 488៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com