កីឡាអន្តរជាតិ
អន្តរជាតិ
COVID-19៖ FIFA និង AFC ពន្យារពេលប្រកួតជម្រុះ World Cup និង Asian Cup
× សហព័ន្ធកីឡាបាល់ទាត់អន្តរជាតិ (FIFA) និងសហព័ន្ធកីឡាបាល់ទាត់អាស៊ី (AFC) ឯកភាពគ្នាគ្នាពន្យារពេលការប្រកួតវគ្គជម្រុះព្រឹត្តិការណ៍ World Cup 2022 និង Asian Cup 2023 ទៅឆ្នាំ២០២១វិញ ដោយសារបារម្ភពីជំងឹ COVID-19។ នេះបើតាមការប្រកាសរបស់ FIFA នៅថ្ងៃទី១២ ខែសីហា។
ដោយមើលឃើញពីស្ថានភាពបច្ចុប្បន្ន នៃការកើនឡើងវិញនៃជំងឺរាតត្បាតសកលនៅក្នុងប្រទេសជាច្រើននោះ FIFA និង AFC បានឯកភាគ្នាថា ការប្រកួតជម្រុះកីឡាបាល់ទាត់ពិភពលោកនៅកាតា ២០២២ និងជើងឯកប្រចាំទ្វីបអាស៊ីឆ្នាំ ២០២៣នៅចិន ដែលគ្រោងចាប់ផ្តើមនៅខែតុលា និងខែវិច្ឆិកាឆ្នាំ២០២០ នឹងត្រូវប្តូរៀបចំឡើងនៅឆ្នាំ ២០២១ វិញ។
ការសម្រេចពន្យារពេលនេះ មានគោលបំណងការពារសុខភាព និងសុវត្ថិភាពរបស់អ្នកចូលរួមទាំងអស់ ដោយក្នុងនោះស្ថាប័នគ្រប់គ្រងបាល់ទាត់ពិភពលោក និងតំបន់អាស៊ី នឹងបន្តធ្វើការជាមួយគ្នាដើម្បីតាមដានពីស្ថានភាពជំងឺ COVID-19 ក្នុងតំបន់ និងកំណត់កាលបរិច្ឆេទថ្មីសម្រាប់ការប្រកួតជម្រុះរៀងៗខ្លួន។
ការពន្យារនេះ ក៏ប៉ះពាល់ដល់ការប្រកួតរបស់ក្រុមជម្រើសកម្ពុជាផងដែរ។ ក្រុមរហស្សនាមគោព្រៃក្រោមការដឹកនាំរបស់លោក Keisuke Honda នៅសល់ការប្រកួតជម្រុះ World Cup ឆ្នាំ២០២០ ក្នុងដីមួយលើកទៀតជាមួយអ៊ីរ៉ង់ និងក្រៅដីចំនួន២ប្រកួតក្នុងនោះប៉ះបារ៉ែន និងអ៊ីរ៉ាក់។
ព័ត៌មានលម្អិតបន្ថែមអំពីកាលបរិច្ឆេទថ្មីនៅឆ្នាំ២០២១ សម្រាប់ការប្រកួតជម្រុះជុំបន្ទាប់ នឹងត្រូវប្រកាសជាផ្លូវការនៅពេលក្រោយ៕
Tag:
World Cup
Asian Cup
FIFA
© រក្សាសិទ្ធិដោយ thmeythmey.com