រថយន្ត
អន្តរជាតិ
ក្រុងម៉ុមបៃ មានកំណើនប្រើប្រាស់យានយន្តអគ្គិសនីនារយៈពេល៣ឆ្នាំចុងក្រោយ
×![]()
ដោយ: ធីតា
ស្ថិតិនាយកដ្ឋានដឹកជញ្ជូនឥណ្ឌា បានគូសបញ្ជាក់ពីកំណើននៃការចុះបញ្ជីនយានយន្តអគ្គិសនីនៅឥណ្ឌានារយៈពេល៣ឆ្នាំចុងក្រោយ ជាពិសេសនៅក្រុងម៉ុបបៃ និងរដ្ឋ Maharashtra។ តួលេខនេះ បង្ហាញពីសញ្ញាល្អក្នុងការកាត់បន្ថយការបំពុលបរិស្ថានក្នុងប្រទេសដ៏ធំជាងគេនៅអាស៊ីខាងត្បូង។
ពីឆ្នាំ២០១៧ ដល់ឆ្នាំ២០២០ ការចុះបញ្ជីយានយន្តអគ្គិសនី និង e-scooters នៅរដ្ឋ Maharshtra កើនពី១៤៥៩គ្រឿងដល់៧៤០០គ្រឿង ស្មើនឹង៤០៧ភាគរយ ខណៈនៅម៉ុបបៃ កើនពី៤៦ ទៅ៦៧២គ្រឿង ឬដល់ទៅ ១៣៦០ភាគរយឯណោះ។
នៅឆ្នាំ២០១៩-២០ ក្រុមហ៊ុនដែលបានចុះបញ្ជីច្រើនជាងគេគឺ Wadala ដែលមាន២៤៥គ្រឿង Andheri មាន២២៣គ្រឿង Borivli RTO មាន១០៦គ្រឿង និង Tardeo មាន៩៨គ្រឿង ដោយក្រុងនោះមាន រថយន្ត កង់អគ្គិសនី e-scooters រួមទាំងរថយន្តដឹកអ្នកដំណើរ ធុនស្រាល និងធុនធ្ងន់។
នាយកដ្ឋានដឹកជញ្ជូនឥណ្ឌា បានកត់សម្គាល់ពីនិន្នាការនៃការប្រើប្រាស់ e-scooters ជាពិសេសនៅតាមតំបន់ជាយក្រុង ដែលជាផ្នែកមួយដ៏សំខាន់ក្នុងការរួមចំណែកទប់ស្កាត់ការបំពុលបរិស្ថាន៕
© រក្សាសិទ្ធិដោយ thmeythmey.com
