បរិវេណមុខអង្គរវត្តកំពុងប្រែមុខមាត់ថ្មី ត្រៀមស្វាគមន៍ទេសចរក្រោយចប់កូវីដ១៩

ជាតិ

បរិវេណមុខអង្គរវត្តកំពុងប្រែមុខមាត់ថ្មី ត្រៀមស្វាគមន៍ទេសចរក្រោយចប់កូវីដ១៩

03, Oct 2020 , 8:39 am

រូបភាព

ដោយ: អុីសា រ៉ហានី (Isa Rohany)

សៀមរាប៖ បរិវេណមុខប្រាសាទអង្គរវត្តបានចាប់ផ្តើមប្រែមុខមាត់ថ្មី ក្រោយមានការអភិវឌ្ឍជាបន្តបន្ទាប់ ដោយមានការរៀបចំជាសួនច្បារ និងផ្លូវថ្នល់ថ្មី។ ជាងនេះទៅទៀត ការលក់ដូរដោយគ្មានសណ្ដាប់ធ្នាប់ក៏លែងមានដែរ។ បច្ចុប្បន្ន ការរៀបចំនៅបរិវេណមុខអង្គរវត្តបាននិងកំពុងមមាញឹក ដោយរួចរាល់មួយផ្នែកធំ និងកំពុងរៀបចំបន្ត ដោយរំពឹងថា រួចរាល់ជាស្ថាពរនៅចុងឆ្នាំ២០២០នេះ។ ក្រៅពីប្រាសាទអង្គរវត្ត នៅតាមប្រាសាទផ្សេងៗទៀតក៏មានការរៀបចំថ្មីដែរ ដូចជាការរៀបចំតូបលក់ដូរថ្មី រីឯតាមសងខាងផ្លូវមានដាំដើមឈើ និងប្រភេទផ្កាព្រៃលម្អជាច្រើន។ រមណីយដ្ឋានអង្គរ បានចាប់ផ្តើមប្រែមុខមាត់ថ្មី ត្រៀមស្វាគមន៍ទេសចរគ្រប់ជាតិសាសន៍ក្រោយចប់ជំងឺកូវីដ១៩៕