ភ្នំពេញ ថ្ងៃទី០៨ ខែតុលា ឆ្នាំ២០២០ - ក្រុមហ៊ុន Natha Residences ដែលជាក្រុមហ៊ុនល្បីល្បាញ ខាងផ្នែករចនាបទគេហដ្ឋានល្អឯកប្លែកពីគេ បានធ្វើសន្និសីទកាសែតមួយ នៅសណ្ឋាគារ Sunway ស្តីពីដាក់លក់គម្រោងទី២ របស់ខ្លួន។ គេហដ្ឋានគម្រោងទី២ ឈ្មោះថា “The Boulevard » ត្រូវបានាងសង់នៅផ្ទៃដីចំនួន ៧ហិកតា ស្ថិតក្នុងសង្កាត់ព្រែកកំពឹស ខណ្ឌដង្កោ ចម្ងាយ៥០០ ម៉ែត្រតែប៉ុណ្ណោះ ចេញពីផ្លូវ៦០ម៉ែត្រ។
ក្រុមហ៊ុនអភិវឌ្ឍន៍អចលនទ្រព្យ Natha Residences ត្រូវបានបង្កើតនៅក្នុងឆ្នាំ២០១៨ ។ ទោះបីមានរយៈពេលខ្លីក៏ដោយ ក៏ក្រុមហ៊ុនមួយនេះ បានបញ្ចប់គម្រោងទី១ គឺ “the Wood” ជាស្ថាពរ នូវការសាងសង់ និងការលក់ជូនដល់អតិថិជនរបស់ខ្លួន ១០០ភាគរយ នាដើមឆ្នាំនេះ។
ដោយមានការគាំទ្រពីអតិថិជនយ៉ាងលើសលប់ ពីគម្រោង“the Wood” ក្រុមហ៊ុនអចនទ្រព្យមួយនេះ ក៏បានដាក់ចេញនូវគម្រោងថ្មី ជាគម្រោងទី២ “The Boulevard” ដែលនឹងបើកកម្មវិធីលក់ជាផ្លូវការចាប់ពីថ្ងៃទី២៣ រហូតដល់ ថ្ងៃទី២៥ ខែតុលា ឆ្នាំ២០២០ នេះ នៅទីតាំងរបស់គម្រោង “The Boulevard” ផ្ទាល់តែម្តង ដែលមានអាស័យដ្ឋានស្ថិតនៅលើផ្លូវជាតិលេខ០២ សង្កាត់ព្រែកកំពឹស ខណ្ឌដង្កោ ចម្ងាយ៥០០ ម៉ែត្រតែប៉ុណ្ណោះចេញពីផ្លូវ៦០ម៉ែត្រ។
“The Boulevard” ជាគម្រោងរបស់ Natha Residences អភិវឌ្ឍន៍លើផ្ទៃដី ៧ហិកតា នៅក្នុងចំណោមគម្រោងអភិវឌ្ឍន៍សរុប ២០០ហិកតា។ តំបន់គម្រោង “The Boulevard” ក្លាយជាតំបន់មុំបី ដោយមានផ្លូវសំខាន់ៗចំនួន៣ខ្សែ ដោយខ្សែទី១ ជាផ្លូវជាតិលេខ២ ខ្សែទី២ ជាផ្លូវ៦០ម៉ែត្រ ឆ្ពោះទៅព្រលានយន្តហោះថ្មី និងខ្សែទី៣ ជាផ្លូវជាប់គម្រោងផ្ទាល់តែម្តង ដែលមានទំហំផ្លូវដល់ទៅ ៣០ម៉ែត្រ។ ទាំងអស់នេះហើយ ដែលបញ្ជាក់ឲ្យឃើញថា “The Boulevard” ជាតំបន់ដែលមានសក្តានុភាពខ្លាំងក្លា នៅក្នុងវិស័យអចលនទ្រព្យ ហើយតំបន់នេះ នឹងមានតម្លៃកើនឡើងខ្លាំង នាពេលថ្ងៃអនាគត។
ក្រៅពីតំបន់ដែលមានសក្តានុភាពនោះហើយ “The Boulevard” ត្រូវបានបង្កើតឲ្យមានហេដ្ឋារចនាសម្ព័ន្ធត្រឹមត្រូវ ទៅតាមស្តង់ដារ ដោយមានប្រព័ន្ធទឹក ប្រព័ន្ធភ្លើង ប្រព័ន្ធលូ ផ្លូវជាតិ សាលារៀន ហាងទំនិញ មន្ទីរពេទ្យ និងខ្សែបណ្តាញគមនាគមន៍ជាដើម។
គួរបញ្ជាក់ផងដែរថា “The Boulevard” មានការចែកចេញជាប្លុកផ្សេងៗគ្នា ដូចជាផ្ទះសម្រាប់ធ្វើអាជីវកម្ម ផ្ទះវីឡា និងផ្សារសហគមន៍ រួមជាមួយនឹងប្រភេទគេហដ្ឋានចំនួន៤ ប្រភេទ ដូចជា វីឡាឃ្វីន (Queen Villa) វីឡាកូនកាត់ (Link Villa) វីឡាភ្លោះ (Twin Villa) និងផ្ទះល្វែង (Flat House) ដែលមានប្លង់ស្ថាបត្យកម្មទំនើបល្អឯកប្លែកគេ អាចធ្វើឲ្យបុរីមាននូវផាសុកភាព ភាពស៊ីវិល័យ សុវត្ថិភាព និងសុភមង្គល។
ចំនុចមួយទៀតគួរឲ្យកត់សម្គាល់ សម្រាប់អ្នកវិនិយោគិនទាំងអស់ ឬ ក៏អ្នកដែលចង់បានគេហដ្ឋានរស់នៅផង និងអាចប្រកបអាជីវកម្មបានផងនោះ គឺ shop house របស់ “The Boulevard” ពិតជាប្លែកខុសពី shop house បុរីផ្សេងៗទៀត។ ជាពិសេសនោះ shop house នីមួយៗមានផ្ទះ និងចិញ្ចើមផ្លូវសរុប ទៅដល់ទៅ ៣៣ម៉ែត្រ (ចិញ្ចើមផ្លូវមាន១៤ម៉ែត្រ) ដែលធ្វើឲ្យគេហដ្ឋាននីមួយៗ មានលក្ខណៈវែងខ្លាំង ដើម្បីងាយស្រួលឲ្យអតិថិជនប្រកបអាជីវកម្ម និងទុកធ្វើជាកន្លែងចំណត សម្រាប់ភ្ញៀវរបស់ម្ចាស់គេហដ្ឋានផងដែរ។
ការសម្ពោធជាផ្លូវការ នៃការដាក់លក់គម្រោង “The Boulevard” នឹងធ្វើឡើងនៅថ្ងៃទី២៣ ដល់ ថ្ងៃទី២៥ ខែតុលា ឆ្នាំ២០២០ ចាប់ពីម៉ោង ៩ព្រឹកដល់ ៦ល្ងាច នៅទីតាំងគម្រោងផ្ទាល់តែម្តង។ នៅថ្ងៃនោះ ពីក្រុមហ៊ុន Natha Residences នឹងមានកម្មវិធីប្រូម៉ូសិនពិសេសៗ សម្រាប់ជូនអតិថិជន ដែលគ្រាំទ្រក្រុមហ៊ុនដោយគ្រប់អតិថិជនទាំងអស់ អាចទទួលបានការបញ្ចុះតម្លៃរហូតទៅដល់ ៧% ដោយលោកអ្នកបង់ត្រឹមតែ ៨៣៨ដុល្លារ នៅក្នុងមួយខែ ជាមួយនឹងការបង់រំលស់គ្មានការប្រាក់រហូតទៅដល់ ១៨ខែ។
សម្រាប់អ្នកមានចំណាប់អារម្មណ៍ និងព័ត៌មានបន្ថែម សូមទំនាក់ទំនងមកកាន់៖
ការិយាល័យលក់៖ ផ្លូវជាតិ លេខ០២ សង្កាត់ព្រែកកំពឹស ខណ្ឌដង្កោ ចម្ងាយ៥០០ ម៉ែត្រតែប៉ុណ្ណោះចេញពីផ្លូវ៦០ម៉ែត្រ។
ទូរស័ព្ទ៖ 098304333 / 085900777៕
(អត្ថបទពាណិជ្ជកម្ម)