បើតាម CDC ក្រុមហ៊ុនវិនិយោគទាំង៤នេះ មានដូចជា ក្រុមហ៊ុន Southeast Asia Paint Chemical Industry Co., Ltd ក្រុមហ៊ុន Ying Hai Coating (Cambodia) Co., Ltd.: ក្រុមហ៊ុន Flying Feather (Cambodia) Wood Industry  Co., Ltd. ដែល CDC បានចេញអនុញ្ញាតដោយចេញវិញ្ញាបនបត្រចុះបញ្ជីនៅថ្ងៃទី២៧ ខែតុលា និងថ្ងៃទី២៨ ខែតុលា អនុញ្ញាតចុះបញ្ជីឲ្យក្រុមហ៊ុន HUMBLE APPAREL MANUFACTURING CO., LTD ។ 
 

ក្រុមហ៊ុន Southeast Asia Paint Chemical Industry Co., Ltd. បានស្នើសុំបង្កើតរោងចក្រផលិតថ្នាំលាប កាវទឹក និងសារធាតុរំលាយ ដែលមានទីតាំងស្ថិតនៅក្នុងតំបន់សេដ្ឋកិច្ចពិសេស ហាយផាក ខេត្តស្វាយរៀង។ ក្រុមហ៊ុននេះមានទុនវិនិយោគចំនួន ៥០០ពាន់ដុល្លារអាមេរិក និងអាចបង្កើតការងារបានចំនួន ៧០កន្លែង។
 

សម្រាប់ក្រុមហ៊ុន Ying Hai Coating (Cambodia) Co., Ltd.បានសុំបង្កើតរោងចក្រផលិតសម្ភារ:បរិក្ខារទោចក្រយាន ទឹកថ្នាំ បោះពុម្ភតែម និងសម្ភារវេចខ្ចប់ ដែលមានទីតាំងស្ថិតនៅក្នុងតំបន់សេដ្ឋកិច្ចពិសេស តាយសេង បាវិត ខេត្តស្វាយរៀង។ ក្រុមហ៊ុននេះ មានទុនវិនិយោគចំនួន ១,៩៤លានដុល្លារអាមេរិក និងអាចបង្កើតការងារបានចំនួន ១៣០កន្លែង។

រីឯ ក្រុមហ៊ុន Flying Feather (Cambodia) Wood Industry  Co., Ltd. ស្នើវិនិយោគគម្រោងបង្កើតរោងចក្រផលិតស៊ុមទ្វារ គ្រឿងបំណែកគ្រឿងសង្ហារឹម និងសម្ភារតុបតែងធ្វើពីឈើ ដែលមានទីតាំងស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ  ព្រមទាំងមានទុនវិនិយោគចំនួន ១០លានដុល្លារអាមេរិក និងអាចបង្កើតការងារបានចំនួន ១៨០កន្លែង។
 

សម្រាប់ក្រុមហ៊ុន  HUMBLE APPAREL MANUFACTURING CO., LTD បានស្នើសុំវិនិយោគលើគម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ក្រុមហ៊ុននេះ មានទុនវិនិយោគប្រមាណ ២លានដុល្លារអាមេរិក និងអាចបង្កើតការងារបានចំនួន ៥៩៧កន្លែង៕