ប្រវត្តិវិទូមួយចំនួនបាននិយាយថា លោក Orellana និងក្រុមជនជាតិដែលរស់នៅក្នុងតំបន់នោះ មានឈ្មោះថា Tupuyas បានបង្កឲ្យមានជម្លោះនឹងគ្នា។ ជនជាតិដែលរស់នៅទីនោះ មានទាំងភេទស្រី និងភេទប្រុសដែលបានមកបង្កជម្លោះជាមួយនឹងលោក។ 

 

តែដោយសារតែសក់របស់ជនជាតិទាំងនោះមានលក្ខណៈវែង ហើយពួកគេប្រើប្រាស់ដើមរុក្ខជាតិជាសំលៀកបំពាក់ (ស្រដៀងសំពត់) លោក Orellana បានភ័នច្រលំថាពួកគេទាំងនោះជាមនុស្សស្រី។ ទើបលោកហៅក្រុមជនជាតិទាំងនោះថា«Amazon»ក្រោយពីតួរអង្គនៅក្នុងប្រទេសក្រិក ដែលបកស្រាយពីក្រុមស្រ្តីមួយក្រុមដែលមានភាពក្លាហានខ្លាំងក្នុងការប្រយុទ្ធ។ 

 

មតិផ្សេងទៀតបាននិយាយថា ឈ្មោះទន្លេអាម៉ាហ្សូនគួរតែបានគេហៅជា Rio Santa Maria de La Mar Dulce ដោយជនជាតិអេស្ប៉ាញក្នុងអំឡុង១៥០០។ Mar Dulce បានន័យថា«ទឹកសាប» និងធំធេងហាក់បីដូចជាសមុទ្រ។ 

 

មួយវិញទៀត ឈ្មោះអាម៉ាហ្សូនបានដើមកំណើតមកពីភាសាដើមនៅទីនោះ ដែលបកទៅជាភាសាអេស្ប៉ាញថា Amassona ឬមានន័យថា«Boat Breaker» ឬ «អ្នកកម្ចេចទូក» ដោយសារតែរុក្ខជាតិធំៗដែលដុះនៅខាងក្រោមផ្ទៃទឹកនៃទន្លេ៕