ជាតិ
ឥទ្ធិពលសម្ពាធខ្ពស់ពីចិនភាគខាងជើងធ្លាក់ភ្លៀងនៅតំបន់មួយចំនួននៅកម្ពុជាដល់ថ្ងៃទី២២ វិច្ឆិកា
×![]()
ដោយ: ផាត ដាណេ
ភ្នំពេញ៖ ឥទ្ធិពលសម្ពាធខ្ពស់ពីប្រទេសចិនភាគខាងជើង រួមទាំងខ្យល់មូសុងឦសានខ្សោយ នឹងធ្វើឲ្យបណ្ដាលខេត្តដែលនៅតំបន់វាលទំនាបកណ្ដាល និងតំបន់មាត់សមុទ្ររបស់កម្ពុជា អាចនឹងមានភ្លៀងធ្លាក់ពីកម្រិតខ្សោយទៅមធ្យម។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយមចេញផ្សាយថ្ងៃទី១៧ វិច្ឆិកា។
សេចក្ដីជូនដំណឹងដដែល បានបញ្ជាក់ថា បណ្ដាលខេត្តនៅតំបន់វាលទំនាបកណ្ដាល នឹងមានសីតុណ្ហភាពអប្បបរមា ពី២២-២៤អង្សារ ហើយសីតុណ្ហភាពអតិបរមា ពី២៩-៣១អង្សារ ដែលអាចនឹងមានភ្លៀងធ្លាក់កម្រិតខ្សោយ ទៅមធ្យម ចាប់ពីថ្ងៃទី១៨ ដល់២២ វិច្ឆិកា។
ចំណែកឯ បណ្ដាលខេត្តដែលនៅជាប់ជួរភ្នំដងរែក និងខ្ពង់រាបឦសាន នឹងមានសីតុណ្ហភាពអប្បបរមាពី ២១-២៣អង្សារ ហើយសីតុណ្ហភាពអតិបរមាពី ២៨-៣០អង្សារ។ តំបន់ជាប់ជួរភ្នំដងរែក និងខ្ពស់រាបឦសាននេះដដែល នឹងមានភ្លៀងធ្លាក់តិចបំផុត ឬគ្មានទាំងស្រុង។
រីឯ តំបន់មាត់សមុទ្រវិញ នឹងមានសីតុណ្ហភាពអប្បបរមា ពី២៣-២៥អង្សារ ហើយសីតុណ្ហភាពអតិបរមាពី ២៨-៣០អង្សារ ដែលអាចនឹងមានភ្លៀងពីខ្សោយទៅមធ្យម និងរលកសមុទ្រអាចមានកម្ពស់ចន្លោះពី ០,៥ ទៅ១ម៉ែត្រផងដែរ៕
Tag:
អាកាសធាតុ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
