ជាតិ
សុខភាព
ក្រសួងរំឭកម្ចាស់សេវាសុខាភិបាលឲ្យចេញវេជ្ជបញ្ជាតាមកុំព្យូទ័រ កុំសរសេរដៃដោយអានមិនដាច់
×![]()
ដោយ: ថ្មីៗ
លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល ក្នុងនាមរដ្ឋមន្ត្រី បានសរសេរលិខិតក្រើនរំឭកម្ចាស់សេវាសុខាភិបាលឯកជនទាំងអស់ឲ្យចេញវេជ្ជបញ្ជា និងលទ្ធផលពីមន្ទីរបទពិសោធន៍ ឬសេវាអមវេជ្ជសាស្ត្រតាមកុំព្យូទ័រ។
«កន្លែងព្យាបាលជំងឺឯកជនមួយចំនួននៅតែមិនព្រមអនុវត្តតាមការណែនាំរបស់ក្រសួងសុខាភិបាល ក្នុងការចេញវេជ្ជបញ្ជាដោយកុំព្យូទ័រ ដោយនៅតែបន្តសរសេរដោយដៃ ខ្ជីខ្ជា អានមិនដាច់ និងមិនត្រឹមត្រូវតាមក្បួនខ្នាតវេជ្ជសាស្ត្រ»។ នេះជាការកត់សម្គាល់របស់ក្រសួងសុខាភិបាល ដោយយោងតាមសារាចរណែនាំ កាលពីខែមិថុនា ឆ្នាំ២០១៦ ស្តីពីការចេញវេជ្ជបញ្ជា និងលទ្ធផលអមមន្ទីរពិសោធន៍ ឬសេវាអមវេជ្ជសាស្ត្រ។
រដ្ឋលេខាធិការ និងជាអ្នកនាំពាក្យក្រសួងសុខាភិបាល បានតម្រូវដល់ម្ចាស់សេវាសុខាភិបាលឯកជនទាំងអស់ចេញវេជ្ជបញ្ជាតាមកុំព្យូទ័រទាំងអស់គ្នា ក្នុងករណីមិនគោរពតាម ក្រសួងនឹងចាត់វិធានការយ៉ាងម៉ឺងម៉ាត់។
វិធានការនោះ គឺការផាកពិន័យជាប្រាក់៥លានរៀល តាមការប្រកាសអន្តរក្រសួងរវាងក្រសួងសេដ្ឋកិច្ច និងហិរញ្ញវត្ថុ ជាមួយក្រសួងសុខាភិបាល ឬឈានទៅដកអាជ្ញាបណ្ណ ព្រមទាំងបិទកន្លែងព្យាបាលតែម្តង។ នេះបើតាមលិខិតរបស់លោកស្រី ឱ វណ្ណឌីន ចុះកាលពីថ្ងៃទី២១ ខែធ្នូ ឆ្នាំ២០២០៕
«កន្លែងព្យាបាលជំងឺឯកជនមួយចំនួននៅតែមិនព្រមអនុវត្តតាមការណែនាំរបស់ក្រសួងសុខាភិបាល ក្នុងការចេញវេជ្ជបញ្ជាដោយកុំព្យូទ័រ ដោយនៅតែបន្តសរសេរដោយដៃ ខ្ជីខ្ជា អានមិនដាច់ និងមិនត្រឹមត្រូវតាមក្បួនខ្នាតវេជ្ជសាស្ត្រ»។ នេះជាការកត់សម្គាល់របស់ក្រសួងសុខាភិបាល ដោយយោងតាមសារាចរណែនាំ កាលពីខែមិថុនា ឆ្នាំ២០១៦ ស្តីពីការចេញវេជ្ជបញ្ជា និងលទ្ធផលអមមន្ទីរពិសោធន៍ ឬសេវាអមវេជ្ជសាស្ត្រ។
រដ្ឋលេខាធិការ និងជាអ្នកនាំពាក្យក្រសួងសុខាភិបាល បានតម្រូវដល់ម្ចាស់សេវាសុខាភិបាលឯកជនទាំងអស់ចេញវេជ្ជបញ្ជាតាមកុំព្យូទ័រទាំងអស់គ្នា ក្នុងករណីមិនគោរពតាម ក្រសួងនឹងចាត់វិធានការយ៉ាងម៉ឺងម៉ាត់។
វិធានការនោះ គឺការផាកពិន័យជាប្រាក់៥លានរៀល តាមការប្រកាសអន្តរក្រសួងរវាងក្រសួងសេដ្ឋកិច្ច និងហិរញ្ញវត្ថុ ជាមួយក្រសួងសុខាភិបាល ឬឈានទៅដកអាជ្ញាបណ្ណ ព្រមទាំងបិទកន្លែងព្យាបាលតែម្តង។ នេះបើតាមលិខិតរបស់លោកស្រី ឱ វណ្ណឌីន ចុះកាលពីថ្ងៃទី២១ ខែធ្នូ ឆ្នាំ២០២០៕
© រក្សាសិទ្ធិដោយ thmeythmey.com
