បញ្ហាខេត្តព្រះសីហនុ ស្ថិតនៅក្នុងប្រធានបទពិភាក្សារវាងនាយករដ្ឋមន្ត្រីកម្ពុជា-ចិន

ជាតិ

សេដ្ឋកិច្ច

បញ្ហាខេត្តព្រះសីហនុ ស្ថិតនៅក្នុងប្រធានបទពិភាក្សារវាងនាយករដ្ឋមន្ត្រីកម្ពុជា-ចិន

04, Nov 2019 , 10:20 am

រូបភាព

សម្ដេចនាយករដ្ឋមន្រ្តី ហ៊ុន សែន បានជួបពិភាក្សាការងារជាមួយ ឯកឧត្តម លី ខឺឈាង នាយករដ្ឋមន្ត្រីចិន ក្នុងឱកាសចូលរួមកិច្ចប្រជុំកំពូលអាស៊ានលើកទី៣៥ នៅទីក្រុងបាងកក ប្រទេសថៃ កាលពីថ្ងៃទី៣ វិច្ឆិកា ឆ្នាំ២០១៩

ដោយ: ធឿន បញ្ញាឬទិ្ធ

ភ្នំពេញ៖ សម្ដេចនាយករដ្ឋមន្ត្រី ហ៊ុន សែន និងនាយករដ្ឋមន្ត្រីចិន លោក លី ខឺឈាង បានលើកយកបញ្ហាអភិវឌ្ឍន៍ខេត្តព្រះសីហនុ យកទៅពិភាក្សាគ្នានៅក្នុងជំនួបទ្វេភាគីមួយ កាលពីថ្ងៃទី៣ វិច្ឆិកា ក្រោយកិច្ចប្រជុំកំពូលអាស៊ានលើកទី៣៥ នៅទីក្រុងបាងកក ប្រទេសថៃ។

បញ្ហា៣ចំណុច ដែលសម្ដេច ហ៊ុន សែន ស្នើទៅភាគីចិនឱ្យជួយដោះស្រាយនោះ រួមមាន បញ្ហាអភិវឌ្ឍន៍ខេត្តព្រះសីហនុ ជាពិសេសជំនួយឥតសំណងដើម្បីជួយដល់ខេត្តមួយនេះ, កិច្ចប្រជុំលើកទី៥គណៈកម្មាធិការនៃអន្តររដ្ឋាភិបាលកម្ពុជា-ចិន ដែលគ្រោងរៀបចំឡើងនៅខេត្តព្រះសីហនុ មុនបំណាច់ឆ្នាំ២០១៩, កិច្ចប្រជុំអនុតំបន់ដែលមានយន្តការពីរ ក្នុងនោះមានយន្តការនៃកិច្ចសហប្រតិបត្តិការទន្លេឡានឆាង និងទន្លេមេគង្គ ដែលគ្រោងធ្វើនៅទីក្រុងវៀងច័ន្ទប្រទេសឡាវ និងកិច្ចប្រជុំកំពូលអនុតំបន់ទន្លេមេគង្គ ដែលត្រូវប្រជុំនៅឆ្នាំក្រោយ។ បើតាមហ្វេសប៊ុកសម្ដេច ហ៊ុន សែន ភាគីកម្ពុជា និងចិន នឹងសហការគ្នាដើម្បីឱ្យកិច្ចប្រជុំអនុតំបន់នៅឆ្នាំក្រោយនេះ ទទួលបានភាពល្អប្រសើរ តាមរយៈក្រសួងការបរទេសនៃប្រទេសទាំងពីរ។

នាយករដ្ឋមន្ត្រីចិន លោក លី ខឺឈាង បានឯកភាពនិងគាំទ្រ លើសំណើរបស់លោកនាយករដ្ឋមន្ត្រីកម្ពុជា ។ រាល់បញ្ហាថវិកា ជាពិសេសជំនួយឥតសំណង់ដើម្បីជួយអភិវឌ្ឍន៍ខេត្តព្រះសីហនុនោះ ត្រូវបានលោក លី ខឺឈាង សន្យាយកទៅពិភាក្សាគ្នាបន្តទៀត។ សារព័ត៌មានចិន Xinhua បានស្រង់សម្តីលោក លី នៅក្នុងកិច្ចប្រជុំទ្វេភាគីនោះ យ៉ាងដូច្នេះថា ៖«ប្រទេសចិននិងកម្ពុជាគឺជាប្រទេសជិតខាងដែលមានភាពរួសរាយរាក់ទាក់។ ប្រទេសចិនគាំទ្ររាល់ជម្រើសរបស់ប្រទេសកម្ពុជាលើផ្លូវអភិវឌ្ឍន៍ ដែលសមស្របនឹងលក្ខខណ្ឌជាតិរបស់ខ្លួន និងកិច្ចខិតខំប្រឹងប្រែងរបស់រដ្ឋាភិបាលកម្ពុជា ក្នុងការការពារអធិបតេយ្យភាពនិងសន្តិសុខ ក៏ដូចជាការរីកចម្រើនសេដ្ឋកិច្ចរបស់ប្រទេសនិងកែប្រែការរស់នៅរបស់ប្រជាជនរបស់ខ្លួន»។

អត្ថបទទាក់ទង

បញ្ហាបង្ហូរទឹកកខ្វក់ចូលសមុទ្រ!

ផ្លូវ៣៤ខ្សែ នៅខេត្តព្រះសីហនុ ខូចស្ទើរទាំងស្រុង!

លោក ឃាង ភារម្យ៖ ខេត្តព្រះសីហនុ នឹងផ្លាស់ប្ដូរមុខមាត់ថ្មី ក្រោយដោះស្រាយបញ្ហាជាកញ្ចប់

សំរាមកំពុងបំផ្លាញសោភណ្ឌភាពខេត្តព្រះសីហនុ!

ប្រធានមន្ទីរទេសចរណ៍ខេត្តព្រះសីហនុ៖ បញ្ហាសណ្ដាប់ធ្នាប់ ហេដ្ឋារចនាសម្ព័ន្ធ និងសេវាកម្ម ធ្វើឱ្យភ្ញៀវជាតិថយចុះ

ពាក់ព័ន្ធនឹងខេត្តព្រះសីហនុនេះ ភាគីកម្ពុជា និងចិន បានឯកភាពគ្នាអនុវត្តកិច្ចសហប្រតិបត្តិការទៅលើច្បាប់ផងដែរ នៅឆ្នាំ២០១៩នេះ។ ហ្វេសប៊ុកសម្ដេច ហ៊ុន សែន បានសង្កត់ធ្ងន់យ៉ាងដូច្នេះថា៖«ប្រទេសទាំងពីរបានឯកភាពគ្នា ហើយកន្លងមកបានឯកភាពនិងរួមគ្នាក្នុងការអនុវត្តច្បាប់នៃប្រទេសទាំងពីរផងដែរ»៕