អន្តរជាតិ
របាយការណ៍ថា អ្នកសារព័ត៌មាន និងសកម្មជន ក្លាយជាទិសដៅនៃការរឹតបន្តឹងដោយសារជំងឺកូវីដ១៩
រូបឯកសារ៖ ប៉ូលិសបានរារាំងអ្នកសារព័ត៌មានចិនមិនឲ្យថតវីដេអូអំពីដំណើរការកាត់ទោសអ្នកសារព័ត៌មានម្នាក់គឺអ្នកស្រី Zhang Zhan នៅទីក្រុងសៀងហៃ ប្រទេសចិន កាលពីថ្ងៃទី២៨ ខែធ្នូ ឆ្នាំ២០២០។
×![]()
ដោយ: VOA
វ៉ាស៊ីនតោន — រដ្ឋាភិបាលក្នុងប្រទេសប្រមាណជាង ៨០ នៅជុំវិញពិភពលោក បានប្រើប្រាស់ការរាតត្បាតជំងឺកូវីដ១៩ ធ្វើជាហេតុផលក្នុងការរឹតបន្តឹងសេរីភាពសារព័ត៌មាន និងការប្រឆាំងតវ៉ាដោយសន្តិវិធី។ នេះបើតាមការលើកឡើងនៅក្នុងរបាយការណ៍ថ្មី ដែលទើបបានចេញផ្សាយ។
របាយការណ៍ដែលចេញផ្សាយដោយអង្គការសិទ្ធិមនុស្ស Human Rights Watch នៅថ្ងៃព្រហស្បតិ៍ បានផ្តោតទៅលើទិន្នន័យដែលបានកើតមានឡើងក្នុងរយៈពេលជិតមួយឆ្នាំកន្លងទៅ ពីការដែលរដ្ឋាភិបាលនានាប្រើប្រាស់ច្បាប់ក្នុងគ្រាមានអាសន្ន ការចាប់ចង ការគំរាមកំហែង និងការរឹតបន្តឹងជាដើមក្នុងការបង្ក្រាបអ្នកប្រឆាំងរិះគន់។
នៅក្នុងប្រទេសចិន អាជ្ញាធរបានចាត់វិធានការជាបន្ទាន់ក្នុងការចាប់ឃុំខ្លួ ននិងដាក់ពិរុទ្ធក្រុមវេជ្ជបណ្ឌិត អ្នកសារព័ត៌មាននិងសកម្មជន ដែលបានផ្សព្វផ្សាយព័ត៌មានពីដំបូងៗ ជុំវិញវីរុសកូរ៉ូណា។
កាលពីខែមុន រដ្ឋាភិបាលក្រុងប៉េកាំងបានប្រកាសថា ខ្លួនកំពុងស៊ើបអង្កេតមនុស្សប្រមាណ ១៧.០០០ នាក់ ដែលបានផ្សព្វផ្សាយព័ត៌មានក្លែងក្លាយតាមប្រព័ន្ធអនឡាញ ស្តីពីការឆ្លងរាតត្បាតនៃនៃជំងឺកូវីដ១៩។ នេះបើតាមរបាយការណ៍របស់អង្គការសិទ្ធិមនុស្ស Human Rights Watch៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
