ព័ត៍មានសុខភាព
× ម៉ាសបិទមុខ ក៏ជាអាវុធសំខាន់ សម្រាប់សម្រស់នារីដែរ។ វាជួយធ្វើឱ្យមុខអ្នក មានសំណើម និងមានភាពភ្លឺរលោង។ លើសពីនេះទៅទៀត បើអ្នកប្រើត្រូវរបៀប វានឹងជួយបង្កើនសម្រស់អ្នក ថែមមួយកម្រិតទៀត។ តើគួរប្រើដូចម្តេច ទើបត្រូវរបៀបនោះ?
1. មុននឹងបិទម៉ាសមុខ អ្នកត្រូវតែលាងសម្អាតដៃ និងមុខ ឱ្យបានស្អាតសិន គឺត្រូវសម្អាតខ្លាញ់ និងធូលីលើមុខចេញឱ្យអស់។
2. អ្នកអាចងូតទឹកក្តៅបណ្តើរ បិទម៉ាសមុខបណ្តើរ ព្រោះនៅពេលដែលស្បែកអ្នកត្រូវទឹកក្តៅ រន្ធញើសនឹងបើក នោះវានឹងអាចស្រូបយកសារធាតុ ពីក្នុងម៉ាសបិទមុខលឿន។ បើអ្នករវល់ ហើយងូតទឹកមិនទាន់ អ្នកអាចយកកន្សែងទៅជ្រលក់ទឹកក្តៅអ៊ុនៗ មកដាក់លើមុខពី ៣ ទៅ ៥ នាទី ទើបបិទម៉ាសមុខក៏បានដែរ។
3. អ្នកអាចបិទ នៅមុនពេលគេងបាន ហើយរយៈពេល នៃការបិទ គឺ ៣ ថ្ងៃ ធ្វើការបិទមួយដង (ម្តង ១៥ ដល់ ២០ នាទី)។
ដូចនេះ អ្នកអាចអនុវត្ត តាមវិធីបិទម៉ាសខាងលើ ដើម្បីសុខភាពស្បែកមុខអ្នក៕ © រក្សាសិទ្ធិដោយ thmeythmey.com