អន្តរជាតិ
×![]()
កងទ័ពរំដោះប្រជាជនចិនបានធ្វើសមយុទ្ធយោធាបាញ់គ្រាប់ពិតនៅឯមូលដ្ឋានក្នុងខេត្តភាគអាគ្នេយ៍ដែលស្ថិតក្បែរកោះតៃវ៉ាន់។ សមយុទ្ធនេះធ្វើឡើងតែរយៈពេលប៉ុន្មានថ្ងៃប៉ុណ្ណោះក្រោយការបោះឆ្នោតនៅតៃវ៉ាន់ដែលបក្សប្រឆាំងជាអ្នកទទួលជោគជ័យលើសលប់។ ចិនតែងចាត់ទុកតៃវ៉ាន់ជាដែនដីរបស់ខ្លួន ហើយចិនក៏មិនញញើតនឹងប្រើកម្លាំងទ័ពដើម្បីគ្រប់គ្រងតៃវ៉ាន់ដែរ។
ទូរទស្សន៍រដ្ឋចិនបានរាយការណ៍ពីសមយុទ្ធយោធារបស់កងទ័ពរំដោះប្រជាជនចិនដែលធ្វើនៅភាគអាគ្នេយ៍ប្រទសចិននៅថ្ងៃ ព្រហស្បតិ៍ទី ២១ ខែមករានេះ។ សមយុទ្ធដែលធ្វើនៅទីក្រុង Xiamen មានការបាញ់គ្រាប់ពិតនិងលំហាត់លោតឆ័ត្រយោងផង។ ទូរទស្សន៍រដ្ឋដដែលបន្តថា អង្គភាពកងទ័ពទី៣១ ប្រចាំនៅទីក្រុង Xiamen បានចូលរួមក្នុងសមយុទ្ធនេះ តែគេមិនបានបញ្ជាក់ពីតាំងជាក់លាក់នោះទេ។
គេសង្កេតឃើញមានយានយន្តយោធាដែលអាចបើកបានទាំងលើគោកនិងក្នុងទឹកបានបើកសំដៅច្រាំងសមុទ្រ និងការបាញ់គ្រាប់មីស៊ីលពិតចេញពីឧទ្ធម្ភាគចក្រសំដៅទីតាំងលើគោក ព្រមទាំងមានក្រុមទាហានឆ័ត្រយោងលោតចេញពីយន្តហោះផងដែរ។
ចំណែកទីតាំងរបស់ទីក្រុង Xiamen គឺស្ថិតនៅឈមមុខនឹងទឹកដីតៃវ៉ាន់តែម្ដង ហើយនៅផុតពីនៅបន្តិចទៅគឺកោះ Kimnen ដែលគ្រប់គ្រងដោយកងកម្លាំងតៃវ៉ាន់ចាប់តាំងពីឆ្នាំ១៩៤៩មក ពោលគឺចាប់តាំងពីក្រុមជាតិនិយមរត់ភៀសខ្លួនពីចិនដីគោកទៅកាន់កោះតៃវ៉ាន់។
គេអាចយល់បានថា សមយុទ្ធចិននេះគឺដើម្បីបង្ហាញសាច់ដុំដាក់កោះតៃវ៉ាន់តែម្ដង។ នេះក៏ព្រោះថា សមយុទ្ធកើត ចំពេលដែលបក្សប្រឆាំងតៃវ៉ាន់ដែលមាននិន្នាការរកឯករាជ្យ បានឈ្នះការបោះឆ្នោតប្រធានាធិបតី។ លទ្ធផលបោះឆ្នោតថ្ងៃទី១៦ ខែមករា បង្ហាញថា បេក្ខជនប្រធានាធិបតីលោកស្រី Tsai Ing-wenរបស់ គណបក្សប្រជាធិបតេយ្យជឿនលឿន បានទទួលជោគជ័យលើបក្សគូមីងតាំង។
ចាប់តាំងពីការបោះឆ្នោតនោះមក ចិនតែងគំរាមតៃវ៉ាន់មិនឲ្យប្រកាសឯករាជ្យចេញពីខ្លួនទេ ហើយថា ចិននឹងធ្វើគ្រប់បែបយ៉ាងដើម្បីការពារអធិបតេយ្យរបស់ខ្លួនដោយរួមទាំងការប្រើប្រាស់កម្លាំងទ័ពផងដែរ។ ប៉ុន្តែលោកស្រី Tsai Ing-wen ក៏បានប្រកាសហើយថា លោកស្រីនឹងបន្តរក្សាសន្តិភាពដែលមានជាមួយចិនសព្វថ្ងៃ។
យ៉ាងណាក្ដី នេះមិនមែនជាលើកដំបូងទេដែលចិនធ្វើសមយុទ្ធយោធានៅក្បែរតៃវ៉ាន់។ ជាញឹកញយ ចិនតែងពង្រាយទ័ពទៅក្បែរតៃវ៉ាន់ ក៏ដូចជាធ្វើលំហាត់បាញ់គ្រាប់ពិតជាដើម។ លើសពីនេះ ចិនដាក់ពង្រាយកាំជ្រួចរាប់រយដើមសំដៅទៅកោះតៃវ៉ាន់ ដើម្បីគំរាមតៃវ៉ាន់មិនឲ្យប្រកាសឯករាជ្យ៕
ទូរទស្សន៍រដ្ឋចិនបានរាយការណ៍ពីសមយុទ្ធយោធារបស់កងទ័ពរំដោះប្រជាជនចិនដែលធ្វើនៅភាគអាគ្នេយ៍ប្រទសចិននៅថ្ងៃ ព្រហស្បតិ៍ទី ២១ ខែមករានេះ។ សមយុទ្ធដែលធ្វើនៅទីក្រុង Xiamen មានការបាញ់គ្រាប់ពិតនិងលំហាត់លោតឆ័ត្រយោងផង។ ទូរទស្សន៍រដ្ឋដដែលបន្តថា អង្គភាពកងទ័ពទី៣១ ប្រចាំនៅទីក្រុង Xiamen បានចូលរួមក្នុងសមយុទ្ធនេះ តែគេមិនបានបញ្ជាក់ពីតាំងជាក់លាក់នោះទេ។
គេសង្កេតឃើញមានយានយន្តយោធាដែលអាចបើកបានទាំងលើគោកនិងក្នុងទឹកបានបើកសំដៅច្រាំងសមុទ្រ និងការបាញ់គ្រាប់មីស៊ីលពិតចេញពីឧទ្ធម្ភាគចក្រសំដៅទីតាំងលើគោក ព្រមទាំងមានក្រុមទាហានឆ័ត្រយោងលោតចេញពីយន្តហោះផងដែរ។
ចំណែកទីតាំងរបស់ទីក្រុង Xiamen គឺស្ថិតនៅឈមមុខនឹងទឹកដីតៃវ៉ាន់តែម្ដង ហើយនៅផុតពីនៅបន្តិចទៅគឺកោះ Kimnen ដែលគ្រប់គ្រងដោយកងកម្លាំងតៃវ៉ាន់ចាប់តាំងពីឆ្នាំ១៩៤៩មក ពោលគឺចាប់តាំងពីក្រុមជាតិនិយមរត់ភៀសខ្លួនពីចិនដីគោកទៅកាន់កោះតៃវ៉ាន់។
គេអាចយល់បានថា សមយុទ្ធចិននេះគឺដើម្បីបង្ហាញសាច់ដុំដាក់កោះតៃវ៉ាន់តែម្ដង។ នេះក៏ព្រោះថា សមយុទ្ធកើត ចំពេលដែលបក្សប្រឆាំងតៃវ៉ាន់ដែលមាននិន្នាការរកឯករាជ្យ បានឈ្នះការបោះឆ្នោតប្រធានាធិបតី។ លទ្ធផលបោះឆ្នោតថ្ងៃទី១៦ ខែមករា បង្ហាញថា បេក្ខជនប្រធានាធិបតីលោកស្រី Tsai Ing-wenរបស់ គណបក្សប្រជាធិបតេយ្យជឿនលឿន បានទទួលជោគជ័យលើបក្សគូមីងតាំង។
ចាប់តាំងពីការបោះឆ្នោតនោះមក ចិនតែងគំរាមតៃវ៉ាន់មិនឲ្យប្រកាសឯករាជ្យចេញពីខ្លួនទេ ហើយថា ចិននឹងធ្វើគ្រប់បែបយ៉ាងដើម្បីការពារអធិបតេយ្យរបស់ខ្លួនដោយរួមទាំងការប្រើប្រាស់កម្លាំងទ័ពផងដែរ។ ប៉ុន្តែលោកស្រី Tsai Ing-wen ក៏បានប្រកាសហើយថា លោកស្រីនឹងបន្តរក្សាសន្តិភាពដែលមានជាមួយចិនសព្វថ្ងៃ។
យ៉ាងណាក្ដី នេះមិនមែនជាលើកដំបូងទេដែលចិនធ្វើសមយុទ្ធយោធានៅក្បែរតៃវ៉ាន់។ ជាញឹកញយ ចិនតែងពង្រាយទ័ពទៅក្បែរតៃវ៉ាន់ ក៏ដូចជាធ្វើលំហាត់បាញ់គ្រាប់ពិតជាដើម។ លើសពីនេះ ចិនដាក់ពង្រាយកាំជ្រួចរាប់រយដើមសំដៅទៅកោះតៃវ៉ាន់ ដើម្បីគំរាមតៃវ៉ាន់មិនឲ្យប្រកាសឯករាជ្យ៕
Tag:
ចិន
តៃវ៉ាន់
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
7 ថ្ងៃ
