អន្តរជាតិ
យន្តហោះចំបាំងជាច្រើនគ្រឿងហោះអមយន្តហោះលោកស៊ីក្នុងដំណើរនៅមជ្ឈិមបូព៌ា
×![]()
ប្រធានាធិបតីចិនលោក ស៊ី ជិនពីង កំពុងតែស្ថិតនៅតំបនមជ្ឈិមបូព៌ាសម្រាប់ទស្សនកិច្ចផ្លូវការបីប្រទសនៅទីនោះ។ អ្វីដែលគួរឲ្យចាប់អារម្មណ៍នោះ គឺនៅពេលដល់យន្តហោះពិសេសរបស់លោក ស៊ី ចូលដល់ដែនអាកាសអារ៉ាប៊ី សាអូឌីត និងអេហ្ស៊ីប គេសង្កេតឃើញមានយន្តហោះចំបាំងជាច្រើនគ្រឿងហោះអមយន្តហោះពិសេសដឹកមេដឹកនាំចិន។
នៅថ្ងៃព្រហស្បតិ៍នេះ ប្រធានាធិបតីចិនលោក ស៊ី ជិនពីង កំពុងតែបំពេញទស្សនកិច្ចចំនួនបីប្រទេសនៅមជ្ឈិមបូព៌ាដើម្បីពង្រឹងឥទ្ធិពលចិនក្នុងតំបន់នេះ។ កិច្ចព្រមព្រៀងពាណិជ្ជកម្មដែលមានតម្លៃរាប់ពាន់លានដុល្លារត្រូវបានចុះហត្ថលេខាក្នុងពេលទស្សនកិច្ចនេះ ដែលបានបង្ហាញពីឥទ្ធិពលនយោបាយការទូតរបស់ចិនមកលើប្រទេសនៅតំបន់សំបូរធនធានប្រេងនេះ។
អ្វីដែលគូរឲ្យកត់សម្គាល់នោះ រដ្ឋាភិបាលក្រុងរីយ៉ាដបានបញ្ជូនយន្តហោះចម្បាំងបួនគ្រឿងទៅអមយន្តហោះលោក ស៊ី ជិនពីង ពេលឆ្លងចូលដែនអាកាសអារ៉ាប៊ីសាអូឌីតផង។ ហើយនៅពេលលោក ស៊ី ចាកចេញពីអារ៉ាប៊ី សាអូឌីត ទៅកាន់អេហ្ស៊ីប យន្តហោះចម្បាំងប្រភេទ F-15 ចំនួនបួនគ្រឿងទៀតក៏បានការពារយន្តហោះលោក ស៊ី ចេញពីដែនអាកាសខ្លួនផងដែរ។
នៅពេលដែលយន្តហោះប្រមុខរដ្ឋចិនទៅដល់ដែនអាកាសអេហ្ស៊ីប រដ្ឋាភិបាលអេហ្ស៊ីបក៏បានបញ្ជូនយន្តហោះចម្បាំងប្រភេទF-16 ចំនួនដល់ទៅប្រាំបីគ្រឿងទៅទទួលប្រធានាធិបតីចិន ស៊ី ជិនពីង។ ចំណែកប្រធានាធិបតីអេហ្ស៊ីប Abdel Fattah al Sisi ថែមទាំងមកទទួលដល់ព្រលានយន្តហោះទៀតផង។ ហើយនៅពេលលោក ស៊ី ចាកចេញពីអេហ្ស៊ីប គេក៏រំពឹងថា នឹងមានយន្តហោះចម្បាំងជាច្រើនគ្រឿនជូនដំណើរដូចពេលមកដល់ដែរ។
គេអាចយល់បានថា មូលហេតុដែលមានការយកមកយន្តហោះអមដំណើរបែបនេះ អាចថាជាការទទួលបដិសណ្ឋារកិច្ចផ្លូវការក្នុងនាមជាប្រមុខរដ្ឋនៃប្រទេសមហាអំណាចមួយលើពិភពលោក។ ម្យ៉ាងទៀត ការការពារសន្តិសុខក៏អាចជាមូលហេតុមួយផងដែរ។ សព្វថ្ងៃនេះ តំបន់មជ្ឈិមបូព៌ាមិនសូវជាមានសន្តិសុខល្អប៉ុន្មាននោះទេ ហើយការវាយប្រហារភេរវកម្មអាចកើតមានគ្រប់ពេលវេលា។
ជាក់ស្ដែងនោះ គឺកាលពីខែវិច្ឆិកា ឆ្នាំ២០១៥ ក្រុមជ្រុលនិយមរដ្ឋឥស្លាមបានបំផ្ទុះយន្តហោះដឹកអ្នកដំណើររបស់រុស្សី ដែលធ្វើដំណើរក្នុងទិសដៅទៅកាន់រុស្សី បណ្ដាលឲ្យអ្នកដំណើរស្លាប់ទាំងអស់។ ហេតុនេះហើយ បានជាមានការបញ្ជូនយន្តហោះជាច្រើនទៅអមដំណើរ៕
នៅថ្ងៃព្រហស្បតិ៍នេះ ប្រធានាធិបតីចិនលោក ស៊ី ជិនពីង កំពុងតែបំពេញទស្សនកិច្ចចំនួនបីប្រទេសនៅមជ្ឈិមបូព៌ាដើម្បីពង្រឹងឥទ្ធិពលចិនក្នុងតំបន់នេះ។ កិច្ចព្រមព្រៀងពាណិជ្ជកម្មដែលមានតម្លៃរាប់ពាន់លានដុល្លារត្រូវបានចុះហត្ថលេខាក្នុងពេលទស្សនកិច្ចនេះ ដែលបានបង្ហាញពីឥទ្ធិពលនយោបាយការទូតរបស់ចិនមកលើប្រទេសនៅតំបន់សំបូរធនធានប្រេងនេះ។
អ្វីដែលគូរឲ្យកត់សម្គាល់នោះ រដ្ឋាភិបាលក្រុងរីយ៉ាដបានបញ្ជូនយន្តហោះចម្បាំងបួនគ្រឿងទៅអមយន្តហោះលោក ស៊ី ជិនពីង ពេលឆ្លងចូលដែនអាកាសអារ៉ាប៊ីសាអូឌីតផង។ ហើយនៅពេលលោក ស៊ី ចាកចេញពីអារ៉ាប៊ី សាអូឌីត ទៅកាន់អេហ្ស៊ីប យន្តហោះចម្បាំងប្រភេទ F-15 ចំនួនបួនគ្រឿងទៀតក៏បានការពារយន្តហោះលោក ស៊ី ចេញពីដែនអាកាសខ្លួនផងដែរ។
នៅពេលដែលយន្តហោះប្រមុខរដ្ឋចិនទៅដល់ដែនអាកាសអេហ្ស៊ីប រដ្ឋាភិបាលអេហ្ស៊ីបក៏បានបញ្ជូនយន្តហោះចម្បាំងប្រភេទF-16 ចំនួនដល់ទៅប្រាំបីគ្រឿងទៅទទួលប្រធានាធិបតីចិន ស៊ី ជិនពីង។ ចំណែកប្រធានាធិបតីអេហ្ស៊ីប Abdel Fattah al Sisi ថែមទាំងមកទទួលដល់ព្រលានយន្តហោះទៀតផង។ ហើយនៅពេលលោក ស៊ី ចាកចេញពីអេហ្ស៊ីប គេក៏រំពឹងថា នឹងមានយន្តហោះចម្បាំងជាច្រើនគ្រឿនជូនដំណើរដូចពេលមកដល់ដែរ។
គេអាចយល់បានថា មូលហេតុដែលមានការយកមកយន្តហោះអមដំណើរបែបនេះ អាចថាជាការទទួលបដិសណ្ឋារកិច្ចផ្លូវការក្នុងនាមជាប្រមុខរដ្ឋនៃប្រទេសមហាអំណាចមួយលើពិភពលោក។ ម្យ៉ាងទៀត ការការពារសន្តិសុខក៏អាចជាមូលហេតុមួយផងដែរ។ សព្វថ្ងៃនេះ តំបន់មជ្ឈិមបូព៌ាមិនសូវជាមានសន្តិសុខល្អប៉ុន្មាននោះទេ ហើយការវាយប្រហារភេរវកម្មអាចកើតមានគ្រប់ពេលវេលា។
ជាក់ស្ដែងនោះ គឺកាលពីខែវិច្ឆិកា ឆ្នាំ២០១៥ ក្រុមជ្រុលនិយមរដ្ឋឥស្លាមបានបំផ្ទុះយន្តហោះដឹកអ្នកដំណើររបស់រុស្សី ដែលធ្វើដំណើរក្នុងទិសដៅទៅកាន់រុស្សី បណ្ដាលឲ្យអ្នកដំណើរស្លាប់ទាំងអស់។ ហេតុនេះហើយ បានជាមានការបញ្ជូនយន្តហោះជាច្រើនទៅអមដំណើរ៕
Tag:
ចិន
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
6 ថ្ងៃ
