ជាតិ
អត្ថបទពាណិជ្ជកម្ម
អាចារ្យអេ ចូលរួមជាមួយលោក សោម ឆាយា ជាអ្នកអត្ថាធិប្បាយនៅក្នុងកម្មវិធី មតិផ្ទុយ
× អ្នកធ្វើអត្ថាធិប្បាយបុស្តិ៍វិទ្យុ អេប៊ីស៊ីដ៏ល្បីល្បាញ ដែលគេស្គាល់ថា អាចារ្យអេ នឹងចូលរួមជាមួយ លោក សោម ឆាយា នៅក្នុងកម្មវិធី មតិផ្ទុយ ដែលនឹងធ្វើការផ្សាយផ្ទាល់នៅលើកញ្ចក់ទូរទស្សន៍ ភីអិនអិន នៅសប្តាហ៍ក្រោយនេះ។
កម្មវិធី ដែលមានឈ្មោះថា «មតិផ្ទុយ» នឹងចាប់ផ្តើមធ្វើការផ្សាយផ្ទាល់នៅថ្ងៃ ចន្ទ ទី១៦ ខែឧសភា ដែលនេះគឺជាលើកដំបូងរបស់ អ្នកធ្វើអត្ថាធិប្បាយបុស្តិ៍វិទ្យុ លោកអាចារ្យអេ មានវត្តមាននៅលើកញ្ចក់ទូរទស្សន៍។ កម្មវិធីនេះ ក៏នឹងធ្វើការផ្សាយផ្ទាល់ក្នុងពេលតែមួយទៅកាន់ បុស្តិ៍វិទ្យុ អេប៊ីស៊ី ផងដែរ។
សព្វថ្ងៃនេះ អាចារ្យអេ មានប្រជាប្រិយភាព និងមានអ្នកចូលចិត្តស្តាប់គាត់ជាច្រើននៅលើបុស្តិ៍វិទ្យុ អេប៊ីស៊ី កម្ពុជា (Radio ABC Cambodia) ដែលយើងរំពឹងថា ប្រិយមិត្តដែលចូលចិត្តស្តាប់វិទ្យុ អេប៊ីស៊ី នឹងធ្វើការតាមដានទស្សនាកម្មវិធី មតិផ្ទុយ នៅលើកញ្ចក់ទូរទស្សន៍ PNN ផងដែរ។
បើតាមការលើកឡើងរបស់លោកអគ្គនាយករង សោម ឆាយា ៖«យើងមានសេចក្តីសោមនស្សរីករាយជាខ្លាំង ដែលអាចារ្យអេ នឹងចូលរួមជាមួយពួកយើង»។ លោកបន្តថា៖«យើងនឹងធ្វើការផ្សាយផ្ទាល់ អំពីកិច្ចពិភាក្សាទៅលើប្រធានបទសំខាន់ៗប្រចាំថ្ងៃ»។
តាមរយៈកម្មវិធីនេះ នឹងផ្តល់ឱកាសដល់សាធារៈណជន ទូរស័ព្ទចូលរួម ដើម្បីចែករំលែកអំពី មតិយោបល់ និងសំណួរផ្សេងៗផងដែរ។ សម្រាប់ទូរទស្សនិកជន និងប្រិយមិត្តបុស្តិ៍វិទ្យុទាំងអស់ ដែលចង់ចូលរួមជាមួយកម្មវិធី អាចហៅទូរសព្ទចូលរួមតាមរយៈលេខ 070 23 10 10 / 012 23 10 10 ។
លោកអាចារ្យអេ បានមានប្រសាសន៍ថា៖«“ខ្ញុំមានសេចក្តីសប្បាយរីករាយ ដែលនឹងក្លាយទៅជាផ្នែកមួយ របស់គម្រោងកម្មវិធីគួរជាទីចាប់អារម្មណ៍មួយនេះ។ ពួកយើងរំពឹងថា ពួកយើងនឹងធ្វើជាប្រយោជន៍សំខាន់មួយ ជូនដល់សង្គមតាមរយៈកម្មវិធីមួយនេះ»។
លោកអាចារ្យអេ និងលោក សោម ឆាយា ដែលកន្លងមកជាបុគ្គលដែលមានការមើលឃើញបញ្ហា នៃរឿងខុសគ្នា ហើយកត្តានេះ អាចនឹងបង្កបរិយាកាសកម្មវិធី ប្រកបទៅដោយការជជែកដេញដោលគ្នា គួរជាទីចាប់អារម្មណ៍។
ភីអិនអិន បានចាប់ផ្តើមចាក់ផ្សាយជាផ្លូវការ ពីខែ កក្កដា ២០១៥ ដែលបានទាក់ទាញចំណាប់អារម្មណ៍ពីប្រភពផ្សេងៗជាច្រើន។
បុស្តិ៍វិទ្យុ អេប៊ីស៊ី ធ្វើការផ្សាយតាមរយៈរលកធាតុអាកាស (ហ្វ្រេកង់) 107.5 MHz ចាប់តាំងពីឆ្នាំ ២០០៧ មក ដែលមានប្រិយមិត្តគាំទ្រជាច្រើនលាននាក់៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com