ពលករខ្មែររងគ្រោះ៦នាក់ នឹងត្រូវបញ្ជូនមកកម្ពុជា

ជាតិ

ពលករខ្មែររងគ្រោះ៦នាក់ នឹងត្រូវបញ្ជូនមកកម្ពុជា

13, Sep 2016 , 9:59 pm

រូបភាព

រដ្ឋមន្ត្រីការបរទេសកម្ពុជា លោក ប្រាក់ សុខុន

ដោយ: ថ្មីៗ

ភ្នំពេញ៖ ពលករខ្មែរចំនួន៦នាក់ នឹងត្រូវបញ្ជូនមកកម្ពុជាវិញ ក្រោយពីស្ថានទូតខ្មែរប្រចាំម៉ាឡេស៊ី បានអន្តរាគមន៍ជួយសង្គ្រោះពួកគេ ដែលបានចាញ់បោកមេខ្យល់ទៅធ្វើការនៅម៉ាឡេស៊ី។

បើតាមក្រសួងការបរទេស និងសហប្រតិបត្តិការអន្តរជាតិ ពលករខ្មែរចំនួន៤នាក់ បានចាញ់បោកមេខ្យល់ ដែលនាំពួកគេទៅបម្រើការងារតាមផ្ទះនៅប្រទេសម៉ាឡេស៊ី។ ក្រោយពីពួកគេបម្រើការងារនៅទីនោះជួបលំបាកពេក ពលករទាំង៤នាក់នេះ ក៏បានស្នើសុំមកស្ថានទូតខ្មែរប្រចាំម៉ាឡេស៊ី ជួយអន្តរាគមន៍សង្គ្រោះ និងបញ្ជូនពួកគេមកកម្ពុជាវិញ។ ហើយខាងភាគីថៅកែ ក៏បានប្រគល់ប្រាក់ខែ ជូនពលករទាំងនេះ តាមសំណើរបស់ស្ថានទូតខ្មែរផងដែរ។

ពលករទាំង៤នាក់នេះ នឹងត្រូវបញ្ជូនមកកម្ពុជាវិញ នៅថ្ងៃទី១៥ កញ្ញា។

ជាមួយគ្នានេះ ពលករខ្មែរចំនួន២នាក់ទៀត ដែលជាប់ពន្ធនាគារ Juru និងពន្ធនាគារ Lenggen ដោយសារតែគ្មានលិខិតឆ្លងដែន និងលិខិតឆ្លងដែនផុតសុពលភាព នឹងត្រូវបញ្ជូនត្រឡប់មកកម្ពុជាវិញដែរ។ នេះបើតាមក្រសួងការបរទេសកម្ពុជា ដែលបានបញ្ជាក់ថា ពលករទាំង២នាក់នេះ ម្នាក់បញ្ជូនមកកម្ពុជានៅថ្ងៃទី២១ កញ្ញា និងម្នាក់ទៀតមកកម្ពុជាវិញនៅថ្ងៃទី២៣ កញ្ញា៕