អ្នកនាំពាក្យ៖សម្តេចក្រុមព្រះ ធូរស្បើយពីជំងឺទឹកនោមផ្អែមហើយ

ជាតិ

អ្នកនាំពាក្យ៖សម្តេចក្រុមព្រះ ធូរស្បើយពីជំងឺទឹកនោមផ្អែមហើយ

20, Jul 2017 , 8:39 pm

រូបភាព

ដោយ:

សម្តេចក្រុមព្រះ នរោត្តម រណឫទ្ធិ ប្រធានគណបក្សហ្វ៊ុនស៊ិនប៉ិច បានធូរស្បើយពីជំងឺវិញហើយ ក្រោយពីទ្រង់សម្រាកព្យាបាលជំងឺនៅមន្ទីរពេទ្យក្នុងប្រទេសកម្ពុជាអស់រយៈពេលជិត ២ សប្តាហ៍។

លោក ញ៉េប ប៊ុនជិន អនុប្រធានគណបក្សហ្វ៊ុនស៊ិនប៉ិច ប្រាប់សារព័ត៌មានថ្មីៗថា សម្តេចក្រុមព្រះ នរោត្តម រណឫទ្ធិ មានព្រះសុខភាពល្អឡើងវិញហើយ។ លោកថា ព្រះអង្គអាចដើរ និងជួបសំណេះសំណាលជាមួយថ្នាក់ដឹកនាំគណបក្សដូចធម្មតា។ អ្នកនាំពាក្យគណបក្សហ្វ៊ុនស៊ិនប៉ិចរូបនេះ បញ្ជាក់ពីការយកចិត្តទុកដាក់របស់ព្រះអង្គចំពោះជាតិយ៉ាងនេះថា៖«កន្លងមក ទោះបីសម្តេច ប្រឈួនក្តី ក៏ទ្រង់គិតជាតិជានិច្ច។ ព្រះអង្គតែងតែគិតថា ធ្វើយ៉ាងណា ដើម្បីឲ្យជាតិរីកចម្រើនទៅមុខ»។

បើតាមលោក ប៊ុនជិន សម្តេចក្រុមព្រះ មានជំងឺទឹកនោមផ្អែម ហើយដោយសារជាតិស្ករនៅក្នុងព្រះកាយទ្រង់ឡើងខ្ពស់ពេកកាលពីពេលកន្លងទៅ ទើបអ្នកម្នាងព្រះអង្គបញ្ជូនទៅព្យាបាលនៅមន្ទីរពេទ្យ។

បច្ចុប្បន្នសម្តេចក្រុមព្រះ នរោត្តម រណឫទ្ធិ មានព្រះជន្ម ៧៤ ព្រះវស្សា៕