អន្តរជាតិ
ឥណ្ឌា ប្រកាសមិនទទួលជំនួយបរទេសដើម្បីដោះស្រាយទឹកជំនន់នៅរដ្ឋកេរ៉ាឡា
ទឹកជំនន់នៅរដ្ឋកេរ៉ាឡា (រូបភាព AP)
×![]()
ដោយ: តន ចាន់រិទ្ធារ៉ា
ឥណ្ឌា នៅថ្ងៃទី២២ ខែសីហា បានប្រកាសមិនទទួលយកជំនួយបរទេសដើម្បីដោះស្រាយបញ្ហាទឹកជំន់នៅរដ្ឋកេរ៉ាឡាឡើយ។ ការបដិសេធទទួលជំនួយនេះ ធ្វើឡើងបន្ទាប់ពីរដ្ឋមជ្ឈិមបូព៌ាចំនួនពីរបានប្រកាសផ្ដល់ជំនួយជាង១០០លានដុល្លារដល់រដ្ឋាភិបាលឥណ្ឌា សំដៅជួយប្រជាជនដែលកំពុងរងគ្រោះ។ ក្រុងញូវដែលីអះអាងថា ខ្លួនចង់ប្រើយន្តការក្នុងស្រុកដើម្បីដោះស្រាយវិបត្តិនេះ ប៉ុន្តែបក្សប្រឆាំងបានរិះគន់រដ្ឋាភិបាលយ៉ាងខ្លាំង។
ស្ថានភាពទឹកជំនន់នៅរដ្ឋកេរ៉េឡា នៅតែធ្ងន់ធ្ងរដដែល ខណៈមនុស្ស២៣១បានបាត់បង់ជីវិតក្នុងគ្រោះធម្មជាតិដ៏សាហាវនេះ ចាប់តាំងពីការធ្លាក់ភ្លៀងខ្លាំងនៅដើមខែសីហារហូតដល់ចុងសប្ដាហ៍មុនទើបអន់ថយវិញ។ ផ្ទះជាច្រើនត្រូវបានបំផ្លាញ ហើយស្ពាន ផ្លូវថ្នល់ក៏រងការខូចខាតធ្ងន់ធ្ងរដែរ ដែលការខូចខាតត្រូវបានប៉ាន់ប្រមាណថា មានដល់ទៅ២.៨៥ពាន់លានដុល្លារឯណោះ។ ប្រតិបត្តិការជួយសង្គ្រោះ កំពុងធ្វើញាប់ដៃញាប់ជើងផងដែរ។
អេមីរ៉ាតអារ៉ាប់រួម បានប្រកាសផ្ដល់ជំនួយចំនួន១០០លានដុល្លារ ឯកាតាក៏បានស្នើផ្ដល់ជំនួយចំនួន៥លានដុល្លារដែរ។ យ៉ាងណាមិញ ឥណ្ឌាបានប្រកាសមិនទទួលជំនួយពីរដ្ឋាភិបាលឡើយ ដោយរដ្ឋាភិបាលនាយករដ្ឋមន្ត្រី នារិន្ទ្រា ម៉ូឌី បានប្រកាសថា ការជួយសង្គ្រោះជនរងគ្រោះ នឹងធ្វើឡើងតាមការប្រឹងប្រែងក្នុងស្រុកវិញ។ ក្រុងញូវដែលីបានផ្ដល់ជំនួយ៨៥លានដុល្លាររួចហើយទៅកាន់រដ្ឋកេរ៉ាឡា តែចំនួននេះមិនគ្រប់ឡើយ។
បើតាមទីភ្នាក់ងារព័ត៌មាន Reuters ក្រសួងការបរទេសឥណ្ឌាបានបង្ហាញការអរគុណចំពោះរដ្ឋាភិបាលបរទេសដែលចង់ផ្ដល់ជំនួយសង្គ្រោះ និងស្ដារឡើងវិញ បន្ទាប់ពីគ្រោះធម្មជាតិនៅកេរ៉ាឡា។ ក្រសួងការបរទេសដដែលបន្តថា យោងតាមនយោបាយមានធរមាន រដ្ឋាភិបាលមានការប្ដេជ្ញាចិត្តក្នុងការបំពេញតម្រូវការជួយសង្គ្រោះតាមការប្រឹងប្រែងរបស់ខ្លួនឯងសិន។
ការបដិសេធជំនួយពីសំណាក់រដ្ឋាភិបាល បានរងការរិះគន់យ៉ាងខ្លាំងពីសំណាក់បក្សប្រឆាំង Congress ។ បក្សប្រឆាំងបានចោទរដ្ឋាភិបាលលោក ម៉ូឌី ថា ធ្វើឲ្យស្ថានភាពកាន់តែធ្ងន់ធ្ងរ ព្រោះមិនអាចផ្ដល់ជំនួយបន្ទាន់ទៅកាន់ជនរងគ្រោះ និងបង្កើតឧបសគ្គសម្រាប់ការទទួលជំនួយពីបរទេស។ ក្នុងសំបុត្រទៅកាន់លោក ម៉ូឌី ប្រធានបក្ស Congress ប្រចាំរដ្ឋកេរ៉ាឡាលោក Oommen Chandy ចាត់ទុកការសម្រេចចិត្តរបស់រដ្ឋាភិបាល ជារឿងខកចិត្តរបស់ប្រជាជនកេរ៉ាឡា និងស្នើឲ្យកែប្រែបញ្ហារាំងស្ទះចោល។
យ៉ាងណាមិញ ក្រសួងការបរទេសឥណ្ឌាបានស្វាគមន៍ការផ្ដល់ជំនួយតាមរយៈមូលនិធិសង្គ្រោះរបស់នាយករដ្ឋមន្ត្រី ម៉ូឌី និងមូលនិធិប្រធានរដ្ឋមន្ត្រីរដ្ឋកេរ៉ាឡា ពីមូលនិធិនានា ជនជាតិឥណ្ឌានៅបរទេស និងពីប្រជាជនមានប្រភពជាឥណ្ឌាជាដើម។ ដោយសាររដ្ឋាភិបាលកណ្ដាលបដិសេធជំនួយបរទេសបែបនេះ រដ្ឋមន្ត្រីហិរញ្ញវត្ថុរដ្ឋកេរ៉ាឡា Thomas Isaac និយាយថា ក្រុងញូវដែលីគួរផ្ដល់សំណងដល់រដ្ឋកេរ៉ាឡា ចំពោះការមិនយកការជួយរបស់បរទេស៕
ស្ថានភាពទឹកជំនន់នៅរដ្ឋកេរ៉េឡា នៅតែធ្ងន់ធ្ងរដដែល ខណៈមនុស្ស២៣១បានបាត់បង់ជីវិតក្នុងគ្រោះធម្មជាតិដ៏សាហាវនេះ ចាប់តាំងពីការធ្លាក់ភ្លៀងខ្លាំងនៅដើមខែសីហារហូតដល់ចុងសប្ដាហ៍មុនទើបអន់ថយវិញ។ ផ្ទះជាច្រើនត្រូវបានបំផ្លាញ ហើយស្ពាន ផ្លូវថ្នល់ក៏រងការខូចខាតធ្ងន់ធ្ងរដែរ ដែលការខូចខាតត្រូវបានប៉ាន់ប្រមាណថា មានដល់ទៅ២.៨៥ពាន់លានដុល្លារឯណោះ។ ប្រតិបត្តិការជួយសង្គ្រោះ កំពុងធ្វើញាប់ដៃញាប់ជើងផងដែរ។
អេមីរ៉ាតអារ៉ាប់រួម បានប្រកាសផ្ដល់ជំនួយចំនួន១០០លានដុល្លារ ឯកាតាក៏បានស្នើផ្ដល់ជំនួយចំនួន៥លានដុល្លារដែរ។ យ៉ាងណាមិញ ឥណ្ឌាបានប្រកាសមិនទទួលជំនួយពីរដ្ឋាភិបាលឡើយ ដោយរដ្ឋាភិបាលនាយករដ្ឋមន្ត្រី នារិន្ទ្រា ម៉ូឌី បានប្រកាសថា ការជួយសង្គ្រោះជនរងគ្រោះ នឹងធ្វើឡើងតាមការប្រឹងប្រែងក្នុងស្រុកវិញ។ ក្រុងញូវដែលីបានផ្ដល់ជំនួយ៨៥លានដុល្លាររួចហើយទៅកាន់រដ្ឋកេរ៉ាឡា តែចំនួននេះមិនគ្រប់ឡើយ។
បើតាមទីភ្នាក់ងារព័ត៌មាន Reuters ក្រសួងការបរទេសឥណ្ឌាបានបង្ហាញការអរគុណចំពោះរដ្ឋាភិបាលបរទេសដែលចង់ផ្ដល់ជំនួយសង្គ្រោះ និងស្ដារឡើងវិញ បន្ទាប់ពីគ្រោះធម្មជាតិនៅកេរ៉ាឡា។ ក្រសួងការបរទេសដដែលបន្តថា យោងតាមនយោបាយមានធរមាន រដ្ឋាភិបាលមានការប្ដេជ្ញាចិត្តក្នុងការបំពេញតម្រូវការជួយសង្គ្រោះតាមការប្រឹងប្រែងរបស់ខ្លួនឯងសិន។
ការបដិសេធជំនួយពីសំណាក់រដ្ឋាភិបាល បានរងការរិះគន់យ៉ាងខ្លាំងពីសំណាក់បក្សប្រឆាំង Congress ។ បក្សប្រឆាំងបានចោទរដ្ឋាភិបាលលោក ម៉ូឌី ថា ធ្វើឲ្យស្ថានភាពកាន់តែធ្ងន់ធ្ងរ ព្រោះមិនអាចផ្ដល់ជំនួយបន្ទាន់ទៅកាន់ជនរងគ្រោះ និងបង្កើតឧបសគ្គសម្រាប់ការទទួលជំនួយពីបរទេស។ ក្នុងសំបុត្រទៅកាន់លោក ម៉ូឌី ប្រធានបក្ស Congress ប្រចាំរដ្ឋកេរ៉ាឡាលោក Oommen Chandy ចាត់ទុកការសម្រេចចិត្តរបស់រដ្ឋាភិបាល ជារឿងខកចិត្តរបស់ប្រជាជនកេរ៉ាឡា និងស្នើឲ្យកែប្រែបញ្ហារាំងស្ទះចោល។
យ៉ាងណាមិញ ក្រសួងការបរទេសឥណ្ឌាបានស្វាគមន៍ការផ្ដល់ជំនួយតាមរយៈមូលនិធិសង្គ្រោះរបស់នាយករដ្ឋមន្ត្រី ម៉ូឌី និងមូលនិធិប្រធានរដ្ឋមន្ត្រីរដ្ឋកេរ៉ាឡា ពីមូលនិធិនានា ជនជាតិឥណ្ឌានៅបរទេស និងពីប្រជាជនមានប្រភពជាឥណ្ឌាជាដើម។ ដោយសាររដ្ឋាភិបាលកណ្ដាលបដិសេធជំនួយបរទេសបែបនេះ រដ្ឋមន្ត្រីហិរញ្ញវត្ថុរដ្ឋកេរ៉ាឡា Thomas Isaac និយាយថា ក្រុងញូវដែលីគួរផ្ដល់សំណងដល់រដ្ឋកេរ៉ាឡា ចំពោះការមិនយកការជួយរបស់បរទេស៕
Tag:
ឥណ្ឌា
នារិន្ទ្រា ម៉ូឌី
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
