ជាតិ
នយោបាយជាតិ
លោក ផៃ ស៊ីផាន ស្នើឲ្យចំណាត់ការផ្លូវច្បាប់លើអ្នកជេមន្ត្រីរដ្ឋាភិបាលតាមបណ្តាញសង្គម
×![]()
ដោយ: ម៉ៅ សុផា
អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានសរសេរលិខិតស្នើសុំទៅរដ្ឋមន្ត្រីក្រសួងមហាផ្ទៃ និងរដ្ឋមន្ត្រីក្រសួងទូរគមនាគមន៍ ឲ្យចាត់វិធានការផ្លូវច្បាប់ ចំពោះអ្នកប្រើប្រាស់ប្រព័ន្ធព័ត៌មានសង្គម (Online)ដែលលោកអះអាងថា វាយប្រហារ និងបរិហារកេរ្តិ៍ ទៅលើមន្ត្រីរាជការ និងថ្នាក់ដឹកនាំរាជរដ្ឋាភិបាលដោយបំពាន។
លោក ផៃ ស៊ីផាន បានចាត់ទុកអ្នកប្រាស់បណ្តាញព័ត៌មានសង្គម (Online)ក្នុងការវាយប្រហារ និងការប្រមាថមើលងាយទៅលើរាជរដ្ឋាភិបាល ដោយការបំផ្លើស តាមពាក្យសម្តី (អក្សរ) និងបំពានដោយការកាត់តរូបភាពផ្សេងៗថា ជាជនអគតិ និងអសីលធម៌។ នេះបើតាមលិខិតចំនួនពីរច្បាប់ក្នុងន័យដូចគ្នារបស់អ្នកនាំពាក្យទីស្តីការគណៈរដ្ឋមន្ត្រី នៅថ្ងៃទី២១ ខែឧសភា ឆ្នាំ២០១៥ ដែលបានផ្ញើទៅកាន់រដ្ឋមន្ត្រីក្រសួងមហាផ្ទៃ និងក្រសួងប្រៃសណីយ៍ និងទូរគមនាគមន៍ នៅថ្ងៃទី២២ ខែឧសភា ឆ្នាំ២០១៥ ។ លោក ផៃ ស៊ីផាន បានស្នើឲ្យ លោក ស ខេង និងលោក ប្រាក់ សុខុន ចាត់វិធានការផ្លូវច្បាប់ តាមលក្ខណៈបច្ចេកទេសដ៏សមស្របណាមួយ ទៅលើជនទាំងនោះ។
លិខិតរបស់លោក ផៃ ស៊ីផាន ខាងលើបានបញ្ជាក់ដូច្នេះថា៖«ការប្រមាថ ដោយការប្រើពាក្យអសុរោះ បំពានការពិតក្នុងបណ្តាញសង្គមបែបនេះ មិនស្ថិតក្នុងសេរីភាពនៃការបញ្ចេញយោបល់ឡើយ តែវាជាការរំលោភសិទ្ធិ និងនិងប៉ះពាល់ដល់សេចក្តីថ្លៃថ្នូររបស់បុគ្គលដទៃទៅវិញទេ។ លោក ផៃ ស៊ីផាន បានបន្តតាមរយៈលិខិតខ្លួនទៀតថា ក្នុងការធ្វើអន្តរាគមន៍ ដើម្បីការពារសិទ្ធិ និងសេចក្តីថ្លៃថ្នូររបស់បុគ្គលដទៃ ដែលត្រូវបានការពារដោយច្បាប់ជាតិ និងច្បាប់អន្តរជាតិ និងជាពិសេដើម្បីចៀសវាងកុំឲ្យប៉ះពាល់ដល់វប្បធម៌សន្ទនាដែលប្រកាន់គោលជំហរអហិង្សាក្នុងការកសាងសង្គមជាតិ។
សំណើរបស់អ្នកនាំពាក្យទីស្តីការគណៈរដ្ឋមន្ត្រី ដែលស្នើសុំឲ្យរដ្ឋមន្ត្រីក្រសួងមផ្ទៃ និងរដ្ឋមន្ត្រីក្រសួងទូរគមនាគមន៍នៅពេលនេះ ធ្វើឡើង បន្ទាប់ពីមានអ្នកប្រើប្រាស់បណ្តាញសង្គមហ្វ៊េសប៊ុកមួយចំនួន បានប្រើពាក្យសម្តីជេរប្រមាថលើមន្ត្រីរដ្ឋាភិបាល ជាពិសេសវាយប្រហារលោក ហោ ណាំហុង រដ្ឋមន្ត្រីក្រសួងការបរទេស ពាក្យព័ន្ធនឹងបញ្ហាវៀតណាមដុតដំណាំកសិករខ្មែរកន្លងទៅ៕
លោក ផៃ ស៊ីផាន បានចាត់ទុកអ្នកប្រាស់បណ្តាញព័ត៌មានសង្គម (Online)ក្នុងការវាយប្រហារ និងការប្រមាថមើលងាយទៅលើរាជរដ្ឋាភិបាល ដោយការបំផ្លើស តាមពាក្យសម្តី (អក្សរ) និងបំពានដោយការកាត់តរូបភាពផ្សេងៗថា ជាជនអគតិ និងអសីលធម៌។ នេះបើតាមលិខិតចំនួនពីរច្បាប់ក្នុងន័យដូចគ្នារបស់អ្នកនាំពាក្យទីស្តីការគណៈរដ្ឋមន្ត្រី នៅថ្ងៃទី២១ ខែឧសភា ឆ្នាំ២០១៥ ដែលបានផ្ញើទៅកាន់រដ្ឋមន្ត្រីក្រសួងមហាផ្ទៃ និងក្រសួងប្រៃសណីយ៍ និងទូរគមនាគមន៍ នៅថ្ងៃទី២២ ខែឧសភា ឆ្នាំ២០១៥ ។ លោក ផៃ ស៊ីផាន បានស្នើឲ្យ លោក ស ខេង និងលោក ប្រាក់ សុខុន ចាត់វិធានការផ្លូវច្បាប់ តាមលក្ខណៈបច្ចេកទេសដ៏សមស្របណាមួយ ទៅលើជនទាំងនោះ។
លិខិតរបស់លោក ផៃ ស៊ីផាន ខាងលើបានបញ្ជាក់ដូច្នេះថា៖«ការប្រមាថ ដោយការប្រើពាក្យអសុរោះ បំពានការពិតក្នុងបណ្តាញសង្គមបែបនេះ មិនស្ថិតក្នុងសេរីភាពនៃការបញ្ចេញយោបល់ឡើយ តែវាជាការរំលោភសិទ្ធិ និងនិងប៉ះពាល់ដល់សេចក្តីថ្លៃថ្នូររបស់បុគ្គលដទៃទៅវិញទេ។ លោក ផៃ ស៊ីផាន បានបន្តតាមរយៈលិខិតខ្លួនទៀតថា ក្នុងការធ្វើអន្តរាគមន៍ ដើម្បីការពារសិទ្ធិ និងសេចក្តីថ្លៃថ្នូររបស់បុគ្គលដទៃ ដែលត្រូវបានការពារដោយច្បាប់ជាតិ និងច្បាប់អន្តរជាតិ និងជាពិសេដើម្បីចៀសវាងកុំឲ្យប៉ះពាល់ដល់វប្បធម៌សន្ទនាដែលប្រកាន់គោលជំហរអហិង្សាក្នុងការកសាងសង្គមជាតិ។
សំណើរបស់អ្នកនាំពាក្យទីស្តីការគណៈរដ្ឋមន្ត្រី ដែលស្នើសុំឲ្យរដ្ឋមន្ត្រីក្រសួងមផ្ទៃ និងរដ្ឋមន្ត្រីក្រសួងទូរគមនាគមន៍នៅពេលនេះ ធ្វើឡើង បន្ទាប់ពីមានអ្នកប្រើប្រាស់បណ្តាញសង្គមហ្វ៊េសប៊ុកមួយចំនួន បានប្រើពាក្យសម្តីជេរប្រមាថលើមន្ត្រីរដ្ឋាភិបាល ជាពិសេសវាយប្រហារលោក ហោ ណាំហុង រដ្ឋមន្ត្រីក្រសួងការបរទេស ពាក្យព័ន្ធនឹងបញ្ហាវៀតណាមដុតដំណាំកសិករខ្មែរកន្លងទៅ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
