Sevillaទទួលបានកំណត់ត្រាថ្មីក្នុងនាមជាក្រុមដែលឈ្នះ Europa League ៤លើក

កីឡាអន្តរជាតិ

អន្តរជាតិ

Sevillaទទួលបានកំណត់ត្រាថ្មីក្នុងនាមជាក្រុមដែលឈ្នះ Europa League ៤លើក

28, May 2015 , 11:10 am

រូបភាព

ដោយ: ថ្មីៗ

ក្លិប Sevilla រក្សាតំណែងជើងឯក Europa League របស់ខ្លួនបានសម្រេច បន្ទាប់ពីទទួលបានជ័យជម្នះ ៣-២ លើក្រុមអ៊ុយក្រែន DniproDnipropetrovsk នាជំនួបវគ្គផ្តាច់ព្រ័ត្រកាលពីរាត្រីថ្ងៃពុធ នៅទីក្រុងវ៉ាសូវី ប្រទេសប៉ូឡូញ។ នេះជាការទទួលបានកំណត់ត្រាថ្មីរបស់ក្លិបអេស្ប៉ាញដែលឈ្នះពានលំដាប់ទីពីរនៅតំបន់អឺរ៉ុបរហូតដល់ទៅ៤លើក។

Nikola Kalinicជួយក្រុម Dnipro នាំមុខមុននៅដើមតង់ទីមួយ ប៉ុន្តែ Sevillaវាយបក២គ្រាប់វិញជាបន្តបន្ទាប់ដែលសម្រេចបានដោយ GrzegorzKrychowiakនិង Carlos Bacca។ តង់ទីមួយ បានបញ្ចប់ក្នុងលទ្ធផលស្មើ ២-២ ក្រោយពី Ruslan Rotan ទាត់ហ្វ្រីឃីក ចូលទីបានសម្រេចសម្រាប់ក្រុម Sevilla។

នៅនាទី ទី៧៣ ខ្សែប្រយុទ្ធកូឡុំប៊ី Baccaរកបានគ្រាប់បាល់ទី២ និងជាគ្រាប់ជ័យជម្នះដែលនាំឲ្យ Sevillaលើកពាន Europa League (ឈ្មោះដើម UEFA Cup) ជាលើកទី៤ (ឆ្នាំ២០០៦, ២០០៧, ២០១៤ និង២០១៥ ) ដោយឈរពីលើ Juventus, Inter Milan និង Liverpolដែលធ្លាប់ឈ្នះ៣លើក។

ជាមួយនឹងការឈ្នះពាន Europa League ក្លិប Sevillaនឹងចូលរួមជាមួយក្លិបអេស្ប៉ាញ៤ផ្សេងទៀតនៅក្នុងក្របខណ្ឌ Champions League នារដូវកាលក្រោយ។ Sevillaទទួលបានកៅអីនៅវគ្គចាប់ពូលដូចBarcelona ម្ចាស់ជើងឯក La Liga, ជើងឯករង Real Madrid និងក្រុមលេខបី Atletico Madrid ខណៈ ក្រុមលេខ៤ Valencia មានកៅអីនៅវគ្គជម្រុះ៕

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

2 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

1 សប្តាហ៍

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

1 ថ្ងៃ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

5 ថ្ងៃ

តើពាក្យ «ដុតដៃដុតជើង» មានន័យដូចម្តេច?

4 ថ្ងៃ

អត្ថបទពេញនិយមបន្ថែម