សង្គមអន្តរជាតិ
អន្តរជាតិ
×![]()
ដោយ: ធីតា
Nick Vujicic បុរសគ្មានអវយវៈ ត្រូវបានគេស្គាល់ក្នុងពិភពលោក ដោយសារភាពក្លាហាន និងបទពិសោធន៍របស់គាត់ដែលសម្លឹងមើលតែផ្លូវល្អក្នុងជីវិត។ កាលពីថ្ងៃពុធកន្លងទៅនេះ គាត់បានបង្ហោះរូបថតគាត់ជាមួយនឹងគ្រួសារដ៏តូចរបស់គាត់នៅលើទំព័រ Facebook ។ រូបថតទាំងនោះមិនត្រឹមតែបង្ហាញថា គ្រួសាររបស់គាត់មានភាពកក់ក្តៅប៉ុណ្ណោះទេ ថែមទាំងប្រាប់ឲ្យមនុស្សទាំងឡាយដឹងទៀតថា គាត់ជិតមានកូនម្នាក់ទៀតហើយ។
បុរសគ្មានអវយវៈវ័យ ៣២ ឆ្នាំរូបនេះមានដើមកំណើតជាជនជាតិ Serbia តែមានសញ្ជាតិអូស្ត្រាលី។ គាត់បានរៀបការជាមួយភរិយារបស់គាត់ Kanae Miyahara កាលពីឆ្នាំ២០១២ ។ មួយឆ្នាំក្រោយមក ស្វាមីភរិយានេះបង្កើតបានកូនប្រុសមួយឈ្មោះ Kiyoshi ។
Nick មានជើងខ្លីពីរ ដោយជើងម្ខាងមានម្រាមពីរ គាត់បានខិតខំប្រឹងប្រែងយ៉ាងខ្លាំងដើម្បីឲ្យខ្លួនឯងមានភាពម្ចាស់ការនៅក្នុងវិស័យជាច្រើន។ គាត់បានបង្កើតឧបករណ៍ពិសេសម្យ៉ាងដែលអាចឲ្យគាត់សរសេរជាមួយនឹងជើងឆ្វេងរបស់គាត់ ហើយដោយប្រើប្រាស់ឧបករណ៍នេះ គាត់ក៏អាចចាប់វត្ថុផ្សេងៗបានផងដែរ។ គាត់ចេះប្រើកុំព្យូទ័រ អាចសិតសក់ ដុសធ្មេញ កក់សក់ដោយខ្លួនឯង ឆ្លើយតបទូរស័ព្ទ និងចាក់ទឹកផឹកខ្លួនឯងផងដែរ។
នៅក្នុងជីវិតកុមារភាព Nick ពិតជាពិបាកខ្លាំងណាស់ ហើយមិនដឹងថាខ្លួនត្រូវប្រឈមមុខនឹងអនាគតបែបណានោះទេ។ ដោយសារឆន្ទៈ ភាពក្លាហាន និងការតាំងចិត្តដ៏មុតមាំបានជួយឲ្យគាត់ក្លាយទៅជាមនុស្សដ៏រឹងមាំ។ មិនតែប៉ុណ្ណោះ គាត់ក្លាយទៅជាអ្នកផ្តល់ដំបូន្មានដល់អ្នកដទៃពីវិធីក្រោកឈរសាជាថ្មីក្នុងជីវិត៕
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
