ជាតិ
នយោបាយជាតិ
គណបក្សប្រជាធិបតេយ្យមូលដ្ឋាន ដាក់លិខិតស្នើសុំបង្កើតបក្សទៅក្រសួងមហាផ្ទៃនៅថ្ងៃនេះ
× បើមិនមានអ្វីប្រែប្រួលទេ នៅថ្ងៃទី៣ ខែសីហានេះ គណបក្សប្រជាធិបតេយ្យមូលដ្ឋាន (គ.ប.ម) នឹងដាក់លិខិតស្នើសុំទៅក្រសួងមហាផ្ទៃ ដើម្បីបង្កើតគណបក្សប្រជាធិបតេយ្យមូលដ្ឋានជាផ្លូវការ ។
កាលពីថ្ងៃទី២ ខែសីហា សមាជិកបណ្តាញសង្គមខ្មែរដើម្បីខ្មែរជាង ១០០នាក់ បានជួបជុំគ្នា ដើម្បីបោះឆ្នោតជ្រើសរើស និងអនុម័តគោលការណ៍សំខាន់ៗ ព្រមទាំង គណៈកម្មការបណ្តោះអាសន្នមួយ ដែលជាផ្នែកមួយនៃដំណើរការរៀបចំបង្កើតគណបក្សប្រជាធិបតេយ្យមូលដ្ឋាន។
ប្រធានមជ្ឈមណ្ឌលអប់រំច្បាប់សម្រាប់សហគមន៍លោក យ៉េង វីរៈ បានក្លាយជាប្រធាន គណបក្សប្រជាធិបតេយ្យមូលដ្ឋាន រីឯអនុប្រធានគឺ លោក សាម ស៊ុនឌឿន ។ ដោយឡែក លោក សាម អ៊ីន ជាសមាជិក បណ្តាញសង្គមខ្មែរដើម្បីខ្មែរ ក្លាយជាអគ្គលេខាធិការគណបក្ស។ ជាមួយគ្នានេះ សមាជិកពីររូបទៀត ក្លាយជាអគ្គហិរញ្ញិកនោះ គឺលោក ប៉ោ សេដ្ឋា និងលោក ស៊ុន សុគន្ធី៕
© រក្សាសិទ្ធិដោយ thmeythmey.com