ជាតិ
សុវត្តិភាព ចរាចរណ៍
ចរាចរណ៍នៅផ្លូវមុខអង្គរត្រូវបានបិទដោយទុកសម្រាប់តែអ្នកថ្មើរជើងចាប់ពីខែឧសភាទៅ
×![]()
សៀមរាប៖ ដើម្បីធានានូវសណ្តាប់ធ្នាប់ សុវត្ថិភាពប្រាសាទ និងភ្ញៀវទេសចរ ក៏ដូចជាលើកកម្ពស់គុណតម្លៃប្រាសាទបុរាណ និងសោភ័ណភាពមុខប្រាសាទអង្គរវត្ត អាជ្ញាធរជាតិអប្សរា បានសម្រេចបិទផ្លូវ លែងឲ្យធ្វើចរាចរណ៍ដូចពេលមុនទៀតហើយ។ គ្រប់យានជំនិះទាំងអស់ តម្រូវឲ្យវៀងតាមផ្លូវចាប់ពីកែងប៉ុស្តិ៍នគរបាលបេតិកភណ្ឌ ទៅតាមត្រពាំងសេះ។
អ្នកនាំពាក្យអាជ្ញាធរជាតិអប្សរា លោកស្រី ចៅ ស៊ុនកិរិយា បានប្រាប់សារព័ត៌មានថ្មីៗនៅព្រឹកថ្ងៃទី៣ ឧសភានេះថា គម្រោងបិទចរាចរណ៍ផ្លូវមុខអង្គរនេះ គឺមានការពិភាក្សាគ្នាយូរមកហើយ ហើយកន្លងមកក៏ធ្លាប់មានការសាកល្បងហើយដែរ។ អ្នកនាំពាក្យអាជ្ញាធរជាតិអប្សរាពន្យល់ថា គោលបំណងសំខាន់ គឺដើម្បីលើកសោភ័ណភាពប្រាង្គប្រាសាទបុរាណ ជាពិសេសប្រាសាទអង្គរវត្ត ដែលកន្លងមកមានចរាចរណ៍មិនល្អ បង្កការកកស្ទះ ក្នុងនោះក៏អាចបង្កគ្រោះថ្នាក់ដល់ភ្ញៀវទេសចរផងដែរ។
តាមការបញ្ជាក់របស់លោកស្រី ចៅ ស៊ុនកិរិយា ការចរាចរណ៍របស់យានយន្តនាពេលកន្លងមក ក៏បានធ្វើឲ្យប្រាសាទញ័រផងដែរ ដែលបង្កើតជាហានិភ័យដល់ប្រាសាទបុរាណ។ យ៉ាងណា អ្នកនាំពាក្យរូបនេះបញ្ជាក់ថា អាជ្ញាធរជាតិអប្សរាមិនមានគម្រោងលុបផ្លូវមុខអង្គរចោលនោះទេ ហើយវានឹងបើកចរាចរណ៍ម្តងម្កាល នៅពេលមានគណៈអធិបតីមកទស្សនកិច្ច។
គួរបញ្ជាក់ថា ផ្លូវមុខប្រាសាទអង្គរវត្ត បានចាប់ផ្តើមបិទចរាចរណ៍ចាប់ពីខែឧសភាតទៅ ដោយទុកសម្រាប់តែដំណើរថ្មើរជើងតែប៉ុណ្ណោះ។ ក្រៅពីនេះ អាជ្ញាធរជាតិអប្សរា បាននិងកំពុងរៀបចំកន្លែងទទួលបដិសណ្ឋារកិច្ច សម្រាប់ទទួលស្វាគមន៍ដល់ភ្ញៀវទេសចរជាតិ និងអន្តរជាតិផងដែរ។ ការរៀបចំត្រូវបានអ្នកនាំពាក្យអាជ្ញាធរជាតិអប្សរាបញ្ជាក់ថា ដើម្បីឲ្យសក្តិសមនឹងតម្លៃប្រាសាទអង្គរវត្ត ដែលជាសម្បត្តិបេតិកភណ្ឌពិភពលោក៕
អ្នកនាំពាក្យអាជ្ញាធរជាតិអប្សរា លោកស្រី ចៅ ស៊ុនកិរិយា បានប្រាប់សារព័ត៌មានថ្មីៗនៅព្រឹកថ្ងៃទី៣ ឧសភានេះថា គម្រោងបិទចរាចរណ៍ផ្លូវមុខអង្គរនេះ គឺមានការពិភាក្សាគ្នាយូរមកហើយ ហើយកន្លងមកក៏ធ្លាប់មានការសាកល្បងហើយដែរ។ អ្នកនាំពាក្យអាជ្ញាធរជាតិអប្សរាពន្យល់ថា គោលបំណងសំខាន់ គឺដើម្បីលើកសោភ័ណភាពប្រាង្គប្រាសាទបុរាណ ជាពិសេសប្រាសាទអង្គរវត្ត ដែលកន្លងមកមានចរាចរណ៍មិនល្អ បង្កការកកស្ទះ ក្នុងនោះក៏អាចបង្កគ្រោះថ្នាក់ដល់ភ្ញៀវទេសចរផងដែរ។
តាមការបញ្ជាក់របស់លោកស្រី ចៅ ស៊ុនកិរិយា ការចរាចរណ៍របស់យានយន្តនាពេលកន្លងមក ក៏បានធ្វើឲ្យប្រាសាទញ័រផងដែរ ដែលបង្កើតជាហានិភ័យដល់ប្រាសាទបុរាណ។ យ៉ាងណា អ្នកនាំពាក្យរូបនេះបញ្ជាក់ថា អាជ្ញាធរជាតិអប្សរាមិនមានគម្រោងលុបផ្លូវមុខអង្គរចោលនោះទេ ហើយវានឹងបើកចរាចរណ៍ម្តងម្កាល នៅពេលមានគណៈអធិបតីមកទស្សនកិច្ច។
គួរបញ្ជាក់ថា ផ្លូវមុខប្រាសាទអង្គរវត្ត បានចាប់ផ្តើមបិទចរាចរណ៍ចាប់ពីខែឧសភាតទៅ ដោយទុកសម្រាប់តែដំណើរថ្មើរជើងតែប៉ុណ្ណោះ។ ក្រៅពីនេះ អាជ្ញាធរជាតិអប្សរា បាននិងកំពុងរៀបចំកន្លែងទទួលបដិសណ្ឋារកិច្ច សម្រាប់ទទួលស្វាគមន៍ដល់ភ្ញៀវទេសចរជាតិ និងអន្តរជាតិផងដែរ។ ការរៀបចំត្រូវបានអ្នកនាំពាក្យអាជ្ញាធរជាតិអប្សរាបញ្ជាក់ថា ដើម្បីឲ្យសក្តិសមនឹងតម្លៃប្រាសាទអង្គរវត្ត ដែលជាសម្បត្តិបេតិកភណ្ឌពិភពលោក៕
Tag:
ចរាចរណ៍
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
