ជាតិ
នយោបាយជាតិ
ឯកឧត្តម កឹម សុខា រងបទចោទស្តីពី «ការបដិសេធក្នុងការចូលខ្លួន» ដែលអាចជាប់គុក៦ខែ
×![]()
ដោយ: ថ្មីៗ
អយ្យការអមសាលាដំបូងរាជធានីភ្នំពេញ នៅថ្ងៃទី២៦ ខែឧសភា នេះ បានចេញសេចក្តីថ្លែងការណ៍ពីរទំព័រ ទាក់ទងនឹងប្រតិបត្តិការតាមស្វែងរក និងចាប់ខ្លួនឯកឧត្តម កឹម សុខា រយៈពេលពេញមួយថ្ងៃ។ អយ្យការបានអះអាងថា ប្រតិបត្តិការនេះ កើតឡើងបន្ទាប់ពីអនុប្រធានគណបក្សសង្គ្រោះជាតិ បានបដិសេធការកោះហៅពីរលើករបស់តុលាការ ក្នុងនាមជាសាក្សីលើសំណុំរឿងសញ្ចារកម្ម។ អយ្យការបានបញ្ជាក់ថា នេះជាបទល្មើសជាក់ស្តែង ហើយបានសម្រេចចោទប្រកាន់ឯកឧត្តម កឹម សុខា ពីបទ «បដិសេធក្នុងការចូលខ្លួន» តាមមាត្រា៥៣៨នៃក្រមព្រហ្មទណ្ឌ។
មាត្រា ៥៣៨ នៃក្រមព្រហ្មទណ្ឌ ដែលអយ្យការអមសាលាដំបូងរាជធានីភ្នំពេញលើកឡើងជាទឡ្ហីករណ៍នោះ បានចែងថា រាល់បុគ្គលណា ដែលត្រូវបានកោះហៅឲ្យមកឆ្លើយជាសាក្សីនៅមុខអយ្យការ ឬនៅមុខចៅក្រមស៊ើបសួរ ឬនៅមុខតុលាការព្រហ្មទណ្ឌ ហើយមិនព្រមចូលខ្លួនមកតាមដីកាកោះហៅនោះ ដោយគ្មានហេតុផលសមស្រប ត្រូវផ្តន្ទាទោសដាក់ពន្ធនាគារពី ១ ខែទៅ ៦ ខែ និងពិន័យជាប្រាក់ពី ១ សែនរៀលទៅ ១ លានរៀល។ បើផ្អែកតាមមាត្រានេះ ប្រសិនបើតុលាការរកឃើញថា ឯកឧត្តម កឹម សុខា ពិតជាមានកំហុសមែន ប្រធានស្តីទីគណបក្សសង្គ្រោះជាតិ រូបនេះ អាចនឹងជាប់ពន្ធនាគារពី ១ ខែដល់ ៦ ខែដូចដែលច្បាប់បានចែង។
សេចក្តីថ្លែងការណ៍របស់អយ្យការអមសាលាដំបូង ក៏អះអាងថា សកម្មភាពមិនព្រមចូលខ្លួនរបស់ឯកឧត្តម កឹម សុខា នាព្រឹកថ្ងៃទី ២៦ ខែឧសភា គឺជាបទល្មើសជាក់ស្តែង ដែលស្របតាមខ្លឹមសារមាត្រា ៨៦ នៃក្រមនីតិវិធីព្រហ្មទណ្ឌ ដែលកំណត់ពីនិយមន័យបទឧក្រិដ្ឋ និងបទមជ្ឈិមជាក់ស្តែង។
ទន្ទឹមនឹងសម្រេចចោទប្រកាន់ឯកឧត្តម កឹម សុខា ពីបទបដិសេធក្នុងការចូលខ្លួន ហើយបញ្ជូនសំណុំរឿងទៅចៅក្រមស៊ើបសួរ អយ្យការអមសាលាដំបូង បានស្នើឲ្យមន្រ្តីនគរបាលយុត្តិធម៌ ដើម្បីអនុវត្តការស្វែងរក និងចាប់ខ្លួនឯកឧត្តម កឹម សុខា មកចំពោះមុខអយ្យការសាលាដំបូងរាជធានីភ្នំពេញ ក្នុងក្រមខណ្ឌនៃការស៊ើបអង្កេតបទល្មើសជាក់ស្តែង។ ជាមួយគ្នានេះ ស្ថាប័នមួយនេះ ក៏ឆ្លៀតបកស្រាយជុំវិញការបញ្ជាឲ្យនគរបាលយុត្តិធម៌ឃាត់រថយន្តឯកឧត្តម កឹម សុខា កាលពីម៉ោង ១១ កន្លះ ថ្ងៃទី ២៦ ខែឧសភា ដោយចាត់ទុកសកម្មភាពនោះថា ជាសកម្មភាពស្រមតាមក្រមនីតិវិធីព្រហ្មទណ្ឌ។
មាត្រា ៥៣៨ នៃក្រមព្រហ្មទណ្ឌ ដែលអយ្យការអមសាលាដំបូងរាជធានីភ្នំពេញលើកឡើងជាទឡ្ហីករណ៍នោះ បានចែងថា រាល់បុគ្គលណា ដែលត្រូវបានកោះហៅឲ្យមកឆ្លើយជាសាក្សីនៅមុខអយ្យការ ឬនៅមុខចៅក្រមស៊ើបសួរ ឬនៅមុខតុលាការព្រហ្មទណ្ឌ ហើយមិនព្រមចូលខ្លួនមកតាមដីកាកោះហៅនោះ ដោយគ្មានហេតុផលសមស្រប ត្រូវផ្តន្ទាទោសដាក់ពន្ធនាគារពី ១ ខែទៅ ៦ ខែ និងពិន័យជាប្រាក់ពី ១ សែនរៀលទៅ ១ លានរៀល។ បើផ្អែកតាមមាត្រានេះ ប្រសិនបើតុលាការរកឃើញថា ឯកឧត្តម កឹម សុខា ពិតជាមានកំហុសមែន ប្រធានស្តីទីគណបក្សសង្គ្រោះជាតិ រូបនេះ អាចនឹងជាប់ពន្ធនាគារពី ១ ខែដល់ ៦ ខែដូចដែលច្បាប់បានចែង។
សេចក្តីថ្លែងការណ៍របស់អយ្យការអមសាលាដំបូង ក៏អះអាងថា សកម្មភាពមិនព្រមចូលខ្លួនរបស់ឯកឧត្តម កឹម សុខា នាព្រឹកថ្ងៃទី ២៦ ខែឧសភា គឺជាបទល្មើសជាក់ស្តែង ដែលស្របតាមខ្លឹមសារមាត្រា ៨៦ នៃក្រមនីតិវិធីព្រហ្មទណ្ឌ ដែលកំណត់ពីនិយមន័យបទឧក្រិដ្ឋ និងបទមជ្ឈិមជាក់ស្តែង។
ទន្ទឹមនឹងសម្រេចចោទប្រកាន់ឯកឧត្តម កឹម សុខា ពីបទបដិសេធក្នុងការចូលខ្លួន ហើយបញ្ជូនសំណុំរឿងទៅចៅក្រមស៊ើបសួរ អយ្យការអមសាលាដំបូង បានស្នើឲ្យមន្រ្តីនគរបាលយុត្តិធម៌ ដើម្បីអនុវត្តការស្វែងរក និងចាប់ខ្លួនឯកឧត្តម កឹម សុខា មកចំពោះមុខអយ្យការសាលាដំបូងរាជធានីភ្នំពេញ ក្នុងក្រមខណ្ឌនៃការស៊ើបអង្កេតបទល្មើសជាក់ស្តែង។ ជាមួយគ្នានេះ ស្ថាប័នមួយនេះ ក៏ឆ្លៀតបកស្រាយជុំវិញការបញ្ជាឲ្យនគរបាលយុត្តិធម៌ឃាត់រថយន្តឯកឧត្តម កឹម សុខា កាលពីម៉ោង ១១ កន្លះ ថ្ងៃទី ២៦ ខែឧសភា ដោយចាត់ទុកសកម្មភាពនោះថា ជាសកម្មភាពស្រមតាមក្រមនីតិវិធីព្រហ្មទណ្ឌ។
Tag:
ឯកឧត្តម កឹម សុខា
© រក្សាសិទ្ធិដោយ thmeythmey.com
