ជាតិ
នយោបាយជាតិ
ច្បាប់ចរាចរណ៍៖សម្ដេច ហ៊ុន សែន ដកតួនាទីប៉ូលីសផ្កាយ៣ម្នាក់ពីស្ថាប័នអន្តោប្រវេសន៍
×![]()
ដោយ: ធឿន បញ្ញាឬទិ្ធ
សម្ដេចនាយករដ្ឋមន្ត្រី ហ៊ុន សែន បានសម្រេចដកតួនាទីប៉ូលីសផ្កាយ៣ម្នាក់ឈ្មោះ ម៉ម ស្រ៊ីមវណ្ណា ចេញពីអគ្គនាយករងនៃអគ្គនាយកដ្ឋានអន្តោប្រវេសន៍ ដោយសារតែបើកបរមិនគោរពច្បាប់ចរាចរណ៍ និងការប្រើពាក្យសម្ដីមិនគួរសម លើមន្ត្រីនគរបាលចរាចរណ៍។ 
ប្រមុខរដ្ឋាភិបាល ចាត់ទុកទង្វើមិនគោរពច្បាប់ចរាចរណ៍និងពាក្យសម្តីលោក ម៉ម ស្រ៊ីមវណ្ណា ជាពាក្យប្រមាថមើលងាយថ្នាក់ក្រោម និងស្ថាប័ននគរបាលចរាចរណ៌ទាំងមូល។តាមរយៈការសរសេរលើហ្វេសប៊ុកខ្លួនជាបន្តបន្ទាប់នោះប្រមុខរដ្ឋាភិបាល បានអះអាងថា លោកបានសរសេរលិខិតបញ្ជូនទៅក្រសួងមហាផ្ទៃ ដើម្បីដកតួនាទីលោក ម៉ម ស្រ៊ីមវណ្ណា ពីអគ្គនាយករងនៃអគ្គនាយកដ្ឋានអន្តោប្រវេសន៍។ ប៉ុន្តែរក្សាទុកឋានន្តរសក្តិលោក ម៉ម ស្រ៊ីមវណ្ណា ជាឧត្តមសេនីយឯកនៃនគរបាលជាតិដដែល ដោយសម្ដេចចាត់ទុកថា នេះឱកាសសម្រាប់លោក ស្រ៊ីមវណ្ណា កែប្រែខ្លួន។
តែយ៉ាងណាសម្ដេច ហ៊ុន សែន បានប្រាប់ក្រសួងមហាផ្ទៃថា បើសិនជាលោក ម៉ម ស្រ៊ីមវណ្ណា ស្គាល់កំហុសនិងធ្វើការកែប្រែខ្លួន ក្រសួងមហាផ្ទៃអាចលើកសំណើរតែងតាំងក្នុងមុខដំណែងណាមួយសមស្របវិញបាន។
បើតាមការបង្ហោះរូបភាព ដែលមានសរសេរអក្សរនោះ មន្ត្រីនគរបាលចរាចរណ៍ម្នាក់ឈ្មោះ សូត្រ កញ្ញា ដែលបានឃាត់រថយន្តលោក ម៉ម ស្រ៊ីមវណ្ណា កាលពីប៉ុន្មានថ្ងៃនេះ បានសុំអន្តរាគម៍ពីរដ្ឋមន្ត្រីក្រសួងមហាផ្ទៃ សម្ដេច ស ខេង ដោយសារតែរូបគេត្រូវបានអង្គភាពបញ្ឈរជើងមិនឲ្យបំពេញការងារឡើយ។
ត្រង់ចំណុចនេះនាយករដ្ឋមន្ត្រី ហ៊ុន សែន ក៏បានបញ្ជាឲ្យស្នងការនគរបាលរាជធានី ប្រគល់ការងាឲ្យមន្ត្រីនគរបាលចរាចរណ៍ឈ្មោះ សូត្រ កញ្ញា នេះបំពេញការងារឡើងវិញ ដោយគ្រាន់តែអប់រំពាក្យសម្ដីមន្ត្រីនគរបាលចរាចរណ៍រូបនេះឲ្យបានសមរម្យនៅពេលបំពេញការងារ។ ហើយស្នងការនគរបាល ត្រូវអប់រំនគរបាលចរាចរណ៍ទូទាំងប្រទេសឲ្យមានសីលធម៍ សុជីវធម៍ វិន័យ សុភាពរាបសារ ក្នុងការអនុវត្តច្បាប់។
កាលពីថ្ងៃទី២៤ មិថុនា សម្ដេចនាយករដ្ឋមន្ត្រី ហ៊ុន សែន ក៏បានចូលបង់ប្រាក់ផាកពិន័យ១៥០០០រៀល នៅប៉ុស្ដិ៍នគរបាលចតុមុខដែរ ដោយសារជិះម៉ូតូមិនពាក់មួកសុវត្ថិភាព។ សម្ដេច ហ៊ុន សែន បានសុំទោសប្រជាជនកម្ពុជា ដែលរូបលោកជិះម៉ូតូមិនបានពាក់មួកសុវត្ថិភាព ដោយសម្ដេចទទួលយកកំហុសទាំងស្រុង ពីប្រជាពលរដ្ឋ ដែលបានទិតៀនរូបលោក តាមរយៈបណ្ដាញហ្វេសប៊ុកដែរ ។ សម្ដេច ហ៊ុន សែន អំពាវនាវប្រជាពលរដ្ឋជិះម៉ូតូ គោរពច្បាប់ចរាចរណ៍ និងពាក់មួកសុវត្ថិភាពទាំងអស់គ្នា ដោយមិនត្រូវយកគំរូអាក្រក់តាមរូបលោកឡើយ។
សម្ដេច ហ៊ុន សែន ក៏ជំរុញឲ្យសមត្ថកិច្ចទាំងអស់ត្រូវអនុវត្តច្បាប់ ដោយគ្មានការរើសអើង និងគ្មានការលើកលែងឲ្យអ្នកតូច ឬអ្នកធំណា ដែលប្រព្រឹត្តិល្មើសច្បាប់ដែរ៕
ប្រមុខរដ្ឋាភិបាល ចាត់ទុកទង្វើមិនគោរពច្បាប់ចរាចរណ៍និងពាក្យសម្តីលោក ម៉ម ស្រ៊ីមវណ្ណា ជាពាក្យប្រមាថមើលងាយថ្នាក់ក្រោម និងស្ថាប័ននគរបាលចរាចរណ៌ទាំងមូល។តាមរយៈការសរសេរលើហ្វេសប៊ុកខ្លួនជាបន្តបន្ទាប់នោះប្រមុខរដ្ឋាភិបាល បានអះអាងថា លោកបានសរសេរលិខិតបញ្ជូនទៅក្រសួងមហាផ្ទៃ ដើម្បីដកតួនាទីលោក ម៉ម ស្រ៊ីមវណ្ណា ពីអគ្គនាយករងនៃអគ្គនាយកដ្ឋានអន្តោប្រវេសន៍។ ប៉ុន្តែរក្សាទុកឋានន្តរសក្តិលោក ម៉ម ស្រ៊ីមវណ្ណា ជាឧត្តមសេនីយឯកនៃនគរបាលជាតិដដែល ដោយសម្ដេចចាត់ទុកថា នេះឱកាសសម្រាប់លោក ស្រ៊ីមវណ្ណា កែប្រែខ្លួន។
តែយ៉ាងណាសម្ដេច ហ៊ុន សែន បានប្រាប់ក្រសួងមហាផ្ទៃថា បើសិនជាលោក ម៉ម ស្រ៊ីមវណ្ណា ស្គាល់កំហុសនិងធ្វើការកែប្រែខ្លួន ក្រសួងមហាផ្ទៃអាចលើកសំណើរតែងតាំងក្នុងមុខដំណែងណាមួយសមស្របវិញបាន។
បើតាមការបង្ហោះរូបភាព ដែលមានសរសេរអក្សរនោះ មន្ត្រីនគរបាលចរាចរណ៍ម្នាក់ឈ្មោះ សូត្រ កញ្ញា ដែលបានឃាត់រថយន្តលោក ម៉ម ស្រ៊ីមវណ្ណា កាលពីប៉ុន្មានថ្ងៃនេះ បានសុំអន្តរាគម៍ពីរដ្ឋមន្ត្រីក្រសួងមហាផ្ទៃ សម្ដេច ស ខេង ដោយសារតែរូបគេត្រូវបានអង្គភាពបញ្ឈរជើងមិនឲ្យបំពេញការងារឡើយ។
ត្រង់ចំណុចនេះនាយករដ្ឋមន្ត្រី ហ៊ុន សែន ក៏បានបញ្ជាឲ្យស្នងការនគរបាលរាជធានី ប្រគល់ការងាឲ្យមន្ត្រីនគរបាលចរាចរណ៍ឈ្មោះ សូត្រ កញ្ញា នេះបំពេញការងារឡើងវិញ ដោយគ្រាន់តែអប់រំពាក្យសម្ដីមន្ត្រីនគរបាលចរាចរណ៍រូបនេះឲ្យបានសមរម្យនៅពេលបំពេញការងារ។ ហើយស្នងការនគរបាល ត្រូវអប់រំនគរបាលចរាចរណ៍ទូទាំងប្រទេសឲ្យមានសីលធម៍ សុជីវធម៍ វិន័យ សុភាពរាបសារ ក្នុងការអនុវត្តច្បាប់។
កាលពីថ្ងៃទី២៤ មិថុនា សម្ដេចនាយករដ្ឋមន្ត្រី ហ៊ុន សែន ក៏បានចូលបង់ប្រាក់ផាកពិន័យ១៥០០០រៀល នៅប៉ុស្ដិ៍នគរបាលចតុមុខដែរ ដោយសារជិះម៉ូតូមិនពាក់មួកសុវត្ថិភាព។ សម្ដេច ហ៊ុន សែន បានសុំទោសប្រជាជនកម្ពុជា ដែលរូបលោកជិះម៉ូតូមិនបានពាក់មួកសុវត្ថិភាព ដោយសម្ដេចទទួលយកកំហុសទាំងស្រុង ពីប្រជាពលរដ្ឋ ដែលបានទិតៀនរូបលោក តាមរយៈបណ្ដាញហ្វេសប៊ុកដែរ ។ សម្ដេច ហ៊ុន សែន អំពាវនាវប្រជាពលរដ្ឋជិះម៉ូតូ គោរពច្បាប់ចរាចរណ៍ និងពាក់មួកសុវត្ថិភាពទាំងអស់គ្នា ដោយមិនត្រូវយកគំរូអាក្រក់តាមរូបលោកឡើយ។
សម្ដេច ហ៊ុន សែន ក៏ជំរុញឲ្យសមត្ថកិច្ចទាំងអស់ត្រូវអនុវត្តច្បាប់ ដោយគ្មានការរើសអើង និងគ្មានការលើកលែងឲ្យអ្នកតូច ឬអ្នកធំណា ដែលប្រព្រឹត្តិល្មើសច្បាប់ដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
