ជាតិ
ទូតអង់គ្លេសលើកទឹកចិត្តយុវជនឲ្យចូលរួមកម្មវិធីហាត់ការ Chevening លើកដំបូង នៅកម្ពុជា
×![]()
ភ្នំពេញ៖ ស្ថានទូតអង់គ្លេសប្រចាំកម្ពុជា ជ្រើសរើសយុវជនកម្ពុជាទូទាំងប្រទេសចំនួន ១០រូប ចូលរួមកម្មវិធីហាត់ការ Chevening លើកដំបូង ពេញម៉ោង តាមស្ថាប័ននានា រយៈពេលពេល ៣ខែ នៅរាជធានីភ្នំពេញ ដើម្បីទទួលបទពិសោធន៍អាជីពការងារ និងការទំនាក់ទំនងកាន់តែប្រសើរ។
ស្ថានទូតអង់គ្លេសបានផ្តួចផ្តើមបង្កើតកម្មវីធីហាត់ការ Chevening នេះឡើង ក្នុងគោលដៅផ្តល់ឱកាសឲ្យសិស្ស និស្សិតកម្ពុជា ទទួលបានបទពិសោធន៍ការងារ និងភាពជាអ្នកដឹកនាំពីបញ្ញវ័ន្ត និងអ្នកជំនាញតាមស្ថាប័ននានាដោយផ្ទាល់។
កញ្ញា ស្តើង ភារ៉ុង អ្នកគ្រប់គ្រងគម្រោង Chevening Internship Programme ប្រចាំស្ថានទូត អង់គ្លេស បានប្រាប់សារព័ត៌មានថ្មីៗ តាមទូរសព្ទពីបំណងកម្មវិធី Chevening លើកដំបូងនេះថា អង់គ្លេសចង់លើកទឹកចិត្តយុវជនដែលលំបាកការងារ និងការសិក្សាឲ្យចេះទំនាក់ទំនង ស្វែងរកព័ត៌មានការងារ និងការសិក្សាច្បាស់លាស់ ដើម្បីអភិវឌ្ឍសមត្ថភាពពួកគេក្នុងអាជីពការងារ នៅថ្ងៃអនាគត។
«យើងជ្រើសរើសយុវជនមានសមត្ថភាព ១០រូប ចូលរួមកម្មវិធីលើកដំបូងនេះ។ យុវជនកម្ពុជារស់នៅតាមបណ្តាខេត្ត ដែលកំពុងជួបប្រទះការលំបាកក្នុងការស្វែងរកការងារធ្វើ និងបន្តការសិក្សាត្រូវបានលើកទឹកចិត្តខ្ពស់ អោយដាក់ពាក្យចូលកម្មវិធី»។ កញ្ញា ស្តើង ភារ៉ុង លើកទឹកបេក្ខជនដែលចង់ទទួលបានជំនាញ និង បទពិសោធន៍កាងារច្បាស់លាស់ ពីគំនិតផ្តួចផ្តើមរបស់ស្ថានទូត និងសមាគមអតីតនិស្សិតអាហារូបករណ៍ Chevening ក្នុងប្រទេសកម្ពុជា (the British Chevening Alumni Association of Cambodia) ក្រោមការគាំទ្រពីរដ្ឋាភិបាលអង់គ្លេស។
បេក្ខជនមានសមត្ថភាពទាំងពីរភេទ ត្រូវមានភាពជឿជាក់លើខ្លួនឯង ហើយចេះបត់បែនក្នុងការដោះស្រាយបញ្ហា រួមទាំងការគ្រប់គ្រងពេលវេលាបានល្អ។ ស្ថានទូតផ្តល់ឱកាសដល់យុវជនដែលបានបំពេញតាមលក្ខខណ្ឌ ដូចជា បានឬត្រៀមបញ្ចប់ថ្នាក់វិទ្យាល័យ ឬកំពុងបន្តថ្នាក់បរិញ្ញាបត្រ ហើយពួកគេអាចនិយាយ ឬសរសេរភាសាខ្មែរ និងអង់គ្លេសបានល្អ ចំណេះដឹងខ្លះផ្នែកកុំព្យូទ័រ ព្រមទាំងកំណត់ត្រាលទ្ធផលសិក្សាល្អ និងបទពិសោធន៍ការងារ (ប្រសិនបើមាន)។
លើសពីនេះ បេក្ខជនត្រូវមានគោលបំណងច្បាស់លាស់ក្នុងការរៀនសូត្រ និងអាជីពផ្ទាល់ខ្លួនដើម្បីអភិវឌ្ឍន៏ខ្លូន នាពេលអនាគត ព្រមទាំងមានការប្តេជ្ញាចិត្តចូលរួមហាត់ការងារពេញលេញច្បាស់លាស់ពីដំបូងរហូត ដល់ទីបញ្ចប់ ក្នុងរាជធានីភ្នំពេញ។ ក្នុងករណីបេក្ខជនមកពីស្រុកកំណើតឆ្ងាយពីរាជធានីភ្នំពេញ ពួកគេត្រូវធ្វើលិខិតបញ្ជាក់ពីឪពុកម្តាយ ឬអាណាព្យាបាល និងសាលារៀនដែលអនុញ្ញាត ដើម្បីចូលរួមក្នុងកម្មវិធីហាត់ការងារ នៅរាជធានីភ្នំពេញ រយៈពេល ៣ខែ ក្រោយពេលពួកគេជាប់វគ្គសម្ភាសន៍។
ជ័យលាភីនឹងទទួលបានការផ្តល់ប្រឹក្សាបង្កើតទំនាក់ទំនងបែបវិជ្ជាជីវៈក្នុងអាជីពការងារ វគ្គបណ្តុះបណ្តាលភាសាអង់គ្លេសដោយឥតគិតថ្លៃ ព្រមទាំងការផ្គត់ផ្គង់ផ្នែកហិរញ្ញវត្ថុ លើចំណាយថ្លៃស្នាក់នៅ ម្ហូបអាហារ និងមធ្យោបាយធ្វើដំណើរ ក្នុងអំឡុងពេលកម្មវិធីហាត់ការ។
បេក្ខជនត្រូវបំពេញពាក្យស្នើសុំចូលរួម កម្មវិធី Chevening Internship Programme តាមលក្ខខណ្ឌកំណត់ជាភាសាអង់គ្លេស ឬ ខ្មែរ ឲ្យបានមុនថ្ងៃទី៣១ ខែសីហា ឆ្នាំ២០១៦ ។ «រាល់ព័ត៌មានដែលបេក្ខជនផ្តល់អោយនឹងត្រូវបានលាក់ការជាសម្ងាត់»។ ស្ថានទូតជូនដំណឹងបញ្ជាក់ពីការរក្សាជីវប្រវត្តិបេក្ខជន ពុំបែកធ្លាយ។ ស្ថានទូតនឹងទាក់ទងយុវជនដែលមានសមត្ថភាពចូលវគ្គសំភាសន៍ ក្រោយពីពួកគេពិនិត្យពាក្យស្នើសុំ។
សិស្ស និស្សិតមានបំណងទទួលដាក់ពាក្យ ហើយចង់ទទួលបានព័ត៌មានកម្មវិធីបន្ថែមអាចទាក់ទងស្ថានទូតអង់គ្លេសតាមរយៈទូរសព្ទលេខ ០២៣ ៤២៧ ១២៤ (លេខបន្ត ២២១៨), ០១២ ៨៧៣ ៣០៨ ឬអ៊ីម៉ែល Project.[email protected] និងទំព័រហ្វេសប៊ុក British Embassy in Cambodia ឬធ្វីតឺ: @UKinCambodia ៕
ស្ថានទូតអង់គ្លេសបានផ្តួចផ្តើមបង្កើតកម្មវីធីហាត់ការ Chevening នេះឡើង ក្នុងគោលដៅផ្តល់ឱកាសឲ្យសិស្ស និស្សិតកម្ពុជា ទទួលបានបទពិសោធន៍ការងារ និងភាពជាអ្នកដឹកនាំពីបញ្ញវ័ន្ត និងអ្នកជំនាញតាមស្ថាប័ននានាដោយផ្ទាល់។
កញ្ញា ស្តើង ភារ៉ុង អ្នកគ្រប់គ្រងគម្រោង Chevening Internship Programme ប្រចាំស្ថានទូត អង់គ្លេស បានប្រាប់សារព័ត៌មានថ្មីៗ តាមទូរសព្ទពីបំណងកម្មវិធី Chevening លើកដំបូងនេះថា អង់គ្លេសចង់លើកទឹកចិត្តយុវជនដែលលំបាកការងារ និងការសិក្សាឲ្យចេះទំនាក់ទំនង ស្វែងរកព័ត៌មានការងារ និងការសិក្សាច្បាស់លាស់ ដើម្បីអភិវឌ្ឍសមត្ថភាពពួកគេក្នុងអាជីពការងារ នៅថ្ងៃអនាគត។
«យើងជ្រើសរើសយុវជនមានសមត្ថភាព ១០រូប ចូលរួមកម្មវិធីលើកដំបូងនេះ។ យុវជនកម្ពុជារស់នៅតាមបណ្តាខេត្ត ដែលកំពុងជួបប្រទះការលំបាកក្នុងការស្វែងរកការងារធ្វើ និងបន្តការសិក្សាត្រូវបានលើកទឹកចិត្តខ្ពស់ អោយដាក់ពាក្យចូលកម្មវិធី»។ កញ្ញា ស្តើង ភារ៉ុង លើកទឹកបេក្ខជនដែលចង់ទទួលបានជំនាញ និង បទពិសោធន៍កាងារច្បាស់លាស់ ពីគំនិតផ្តួចផ្តើមរបស់ស្ថានទូត និងសមាគមអតីតនិស្សិតអាហារូបករណ៍ Chevening ក្នុងប្រទេសកម្ពុជា (the British Chevening Alumni Association of Cambodia) ក្រោមការគាំទ្រពីរដ្ឋាភិបាលអង់គ្លេស។
បេក្ខជនមានសមត្ថភាពទាំងពីរភេទ ត្រូវមានភាពជឿជាក់លើខ្លួនឯង ហើយចេះបត់បែនក្នុងការដោះស្រាយបញ្ហា រួមទាំងការគ្រប់គ្រងពេលវេលាបានល្អ។ ស្ថានទូតផ្តល់ឱកាសដល់យុវជនដែលបានបំពេញតាមលក្ខខណ្ឌ ដូចជា បានឬត្រៀមបញ្ចប់ថ្នាក់វិទ្យាល័យ ឬកំពុងបន្តថ្នាក់បរិញ្ញាបត្រ ហើយពួកគេអាចនិយាយ ឬសរសេរភាសាខ្មែរ និងអង់គ្លេសបានល្អ ចំណេះដឹងខ្លះផ្នែកកុំព្យូទ័រ ព្រមទាំងកំណត់ត្រាលទ្ធផលសិក្សាល្អ និងបទពិសោធន៍ការងារ (ប្រសិនបើមាន)។
លើសពីនេះ បេក្ខជនត្រូវមានគោលបំណងច្បាស់លាស់ក្នុងការរៀនសូត្រ និងអាជីពផ្ទាល់ខ្លួនដើម្បីអភិវឌ្ឍន៏ខ្លូន នាពេលអនាគត ព្រមទាំងមានការប្តេជ្ញាចិត្តចូលរួមហាត់ការងារពេញលេញច្បាស់លាស់ពីដំបូងរហូត ដល់ទីបញ្ចប់ ក្នុងរាជធានីភ្នំពេញ។ ក្នុងករណីបេក្ខជនមកពីស្រុកកំណើតឆ្ងាយពីរាជធានីភ្នំពេញ ពួកគេត្រូវធ្វើលិខិតបញ្ជាក់ពីឪពុកម្តាយ ឬអាណាព្យាបាល និងសាលារៀនដែលអនុញ្ញាត ដើម្បីចូលរួមក្នុងកម្មវិធីហាត់ការងារ នៅរាជធានីភ្នំពេញ រយៈពេល ៣ខែ ក្រោយពេលពួកគេជាប់វគ្គសម្ភាសន៍។
ជ័យលាភីនឹងទទួលបានការផ្តល់ប្រឹក្សាបង្កើតទំនាក់ទំនងបែបវិជ្ជាជីវៈក្នុងអាជីពការងារ វគ្គបណ្តុះបណ្តាលភាសាអង់គ្លេសដោយឥតគិតថ្លៃ ព្រមទាំងការផ្គត់ផ្គង់ផ្នែកហិរញ្ញវត្ថុ លើចំណាយថ្លៃស្នាក់នៅ ម្ហូបអាហារ និងមធ្យោបាយធ្វើដំណើរ ក្នុងអំឡុងពេលកម្មវិធីហាត់ការ។
បេក្ខជនត្រូវបំពេញពាក្យស្នើសុំចូលរួម កម្មវិធី Chevening Internship Programme តាមលក្ខខណ្ឌកំណត់ជាភាសាអង់គ្លេស ឬ ខ្មែរ ឲ្យបានមុនថ្ងៃទី៣១ ខែសីហា ឆ្នាំ២០១៦ ។ «រាល់ព័ត៌មានដែលបេក្ខជនផ្តល់អោយនឹងត្រូវបានលាក់ការជាសម្ងាត់»។ ស្ថានទូតជូនដំណឹងបញ្ជាក់ពីការរក្សាជីវប្រវត្តិបេក្ខជន ពុំបែកធ្លាយ។ ស្ថានទូតនឹងទាក់ទងយុវជនដែលមានសមត្ថភាពចូលវគ្គសំភាសន៍ ក្រោយពីពួកគេពិនិត្យពាក្យស្នើសុំ។
សិស្ស និស្សិតមានបំណងទទួលដាក់ពាក្យ ហើយចង់ទទួលបានព័ត៌មានកម្មវិធីបន្ថែមអាចទាក់ទងស្ថានទូតអង់គ្លេសតាមរយៈទូរសព្ទលេខ ០២៣ ៤២៧ ១២៤ (លេខបន្ត ២២១៨), ០១២ ៨៧៣ ៣០៨ ឬអ៊ីម៉ែល Project.[email protected] និងទំព័រហ្វេសប៊ុក British Embassy in Cambodia ឬធ្វីតឺ: @UKinCambodia ៕
Tag:
អង់គ្លេស
កម្ពុជា
Chevening Internship Programme
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
