ជាតិ
នយោបាយជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ នៅថ្ងៃទី០៩ កញ្ញានេះ តុលាការរាជធានីភ្នំពេញ នឹងបើកសវនាការជំនុំជម្រះករណីឯកឧត្តម កឹម សុខា ដែលរងបទចោទ«បដិសេធក្នុងការចូលខ្លួន» ក្នុងនាមជាសាក្សីលើសំណុំរឿង សញ្ចារកម្ម តាមមាត្រា៥៣៨នៃក្រមព្រហ្មទណ្ឌ ដោយអយ្យការបញ្ជាក់ថា ជាបទល្មើសជាក់ស្តែង។ តើឯកឧត្តម កឹម សុខា នឹងអាចត្រូវបានសមត្ថកិច្ចចាប់ខ្លួន ក្រោយពីតុលាការកាត់ទោស?
ត្រង់ចំណុចនេះគេអាចមើលទៅលើបទចោទ «បដិសេធក្នុងការចូលខ្លួន»តាមមាត្រា៥៣៨ នៃក្រមព្រហ្មទណ្ឌនេះ ចែងថា រាល់បុគ្គលណាដែលត្រូវបានកោះហៅឲ្យមកឆ្លើយជាសាក្សីនៅមុខអយ្យកា ឬចៅក្រមស៊ើបសួរ ឬ តុលាការព្រហ្មទណ្ឌ ហើយមិនព្រមចូលខ្លួនតាមដីកាកោះហៅនោះ ដោយគ្មានមូលហេតុសមស្រម ត្រូវផ្តន្ទាទោសដាក់ពន្ធនាគារពី១ ខែ ទៅ៦ខែ និងពិន័យជាប្រាក់ពី១ សែនរៀល ទៅ១លានរៀល។
បើដូច្នេះមែននោះ យោងតាមបទចោទរបស់ឯកឧត្តម កឹម សុខា ក្នុងមាត្រា៥៣៨ នៃក្រមព្រហ្មទណ្ឌនេះ ប្រធានស្តីទីបក្សប្រឆាំងរូបនេះ ទំនងអាចប្រឈមនឹងការផ្ដន្ទាទោសជាប់ពន្ធនាគាររហូតដល់ ៦ ខែ និងត្រូវបង់ប្រាក់ពិន័យតាមការសម្រេចរបស់តុលាការ។
តែយ៉ាងណាបើទោះជាគេមិនទាន់អាចដឹងច្បាស់ថា តើឯកឧត្តម កឹម សុខា នឹងត្រូវតុលាការសម្រេចកាត់ទោស នៅថ្ងៃទី០៩ កញ្ញានោះ បែបណាក្ដី តែសម្ដេច ហ៊ុន សែន ធ្លាប់លើកទឡ្ហីករណ៍ច្បាប់ពាក់ព័ន្ធនឹងករណីឯកឧត្តម កឹម សុខា នេះកាលពីខែមិថុនាកន្លងមក ត្រង់មាត្រា ២០៤ នៃក្រមនីតិវិធីព្រហ្មទណ្ឌថា ការឃុំខ្លួនបណ្ដោះអាសន្ន អាចអនុវត្តបានតែក្នុងករណីចោទប្រកាន់ពីបទឧក្រិដ្ឋ ឬបទមជ្ឈិម ដែលច្បាប់កំណត់ផ្តន្ទាទោសដាក់ពន្ធនាគារស្មើ ឬលើសពី១ឆ្នាំ។ ត្រង់ចំណុចនេះសម្ដេច ហ៊ុន សែន ពន្យល់ថា បុគ្គលដែលជាប់ទោសក្រោម១ឆ្នាំនោះ នឹងមិនត្រូវជាប់ឃុំខ្លួនបណ្ដោះអាសន្នទេ។
បន្ថែមពីលើនេះ លោកនាយករដ្ឋមន្ត្រី ហ៊ុន សែន ធ្លាប់បាននិយាយប្រយោលដោយមិនចំឈ្មោះថា លោកគ្មានសិទ្ធិអំណាចបញ្ជាលើប្រព័ន្ធតុលាការ ដែលកំពុងបន្តនីតិវិធីទេ លុះត្រាតែតុលាការសម្រេចសាលក្រមស្ថាពរ ទើបលោកនាយករដ្ឋមន្ត្រី អាចមានសិទ្ធិស្នើទៅព្រះមហាក្សត្រ សុំឡាយព្រះហស្ថលេខាលើកលែងទោសឲ្យបាន។
ជុំវិញបញ្ហានេះដែរមេធាវីការពារក្ដីឲ្យឯកឧត្តម កឹម សុខា បានដាក់ពាក្យទៅសាលាឧទ្ធរណ៍ដើម្បីជំទាស់នីតិវិធីបើកការជំនុំជម្រះរបស់សាលាដំបូងដែរ តែត្រូវបានឧទ្ធរណ៍ ច្រានចោលក្រោមហេតុផលថា នីតិវិធីរបស់សាលាដំបូងលើដំណើការបើកសវនាការជំនុំជម្រះសំណុំរឿងលោក កឹម សុខា នៅថ្ងៃទី៩ កញ្ញានោះ នឹងមិនមាននីតិវិធីណាមួយរាំងស្ទះឡើយ។ ក្រុមមេធាវីបានតែត្រឹមពោលពាក្យថា តុលាការបន្តនីតិវិធីលើដំណើរការករណីឯកឧត្តម កឹម សុខា លឿនជាងករណីផ្សេងទៀត។
ប្រធានស្តីទីគណបក្សសង្គ្រោះជាតិឯកឧត្តម កឹម សុខា បានឃុំខ្លួនឯងនៅទីស្នាក់ការគណបក្សជាង៣ខែមកហើយ ក្រោយពីរងការចាប់ខ្លួនក្រោមបទចោទ «បដិសេធក្នុងការចូលខ្លួន» ពីសំណាក់តុលាការ ចាប់តាំងពីថ្ងៃទី២៦ ឧសភា ឆ្នាំ២០១៦មក។ ។ ឯកឧត្តម កឹម សុខា មិនបានចុះជួបពលរដ្ឋតាមមូលដ្ឋានដោយផ្ទាល់នោះទេ ពោលគឺបានត្រឹមតែជួបពលរដ្ឋនៅក្នុងទីស្នាក់ការបក្សប៉ុណ្ណោះ ។
ដូច្នេះថាតើឯឧត្តម កឹម សុខា នឹងត្រូវតុលាការកាត់ទោសបែបណា នៅថ្ងៃទី០៩ កញ្ញានោះ? តើឯកឧត្តម កឹម សុខា នឹងអាចត្រូវបានសមត្ថកិច្ចចាប់ខ្លួន ក្រោយពីតុលាការកាត់ទោស? ឬ មួយមានផ្លូវដំណោះស្រាយនយោបាយលើកលែងទោស តាមរយៈការចរចានយោបាយ ដែលខាងគណបក្សកាន់អំណាចធ្លាប់អះអាងថា នឹងអាចមានការជជែកគ្នាក្រោយតុលាការសម្រេចសាលក្រម៕
ត្រង់ចំណុចនេះគេអាចមើលទៅលើបទចោទ «បដិសេធក្នុងការចូលខ្លួន»តាមមាត្រា៥៣៨ នៃក្រមព្រហ្មទណ្ឌនេះ ចែងថា រាល់បុគ្គលណាដែលត្រូវបានកោះហៅឲ្យមកឆ្លើយជាសាក្សីនៅមុខអយ្យកា ឬចៅក្រមស៊ើបសួរ ឬ តុលាការព្រហ្មទណ្ឌ ហើយមិនព្រមចូលខ្លួនតាមដីកាកោះហៅនោះ ដោយគ្មានមូលហេតុសមស្រម ត្រូវផ្តន្ទាទោសដាក់ពន្ធនាគារពី១ ខែ ទៅ៦ខែ និងពិន័យជាប្រាក់ពី១ សែនរៀល ទៅ១លានរៀល។
បើដូច្នេះមែននោះ យោងតាមបទចោទរបស់ឯកឧត្តម កឹម សុខា ក្នុងមាត្រា៥៣៨ នៃក្រមព្រហ្មទណ្ឌនេះ ប្រធានស្តីទីបក្សប្រឆាំងរូបនេះ ទំនងអាចប្រឈមនឹងការផ្ដន្ទាទោសជាប់ពន្ធនាគាររហូតដល់ ៦ ខែ និងត្រូវបង់ប្រាក់ពិន័យតាមការសម្រេចរបស់តុលាការ។
តែយ៉ាងណាបើទោះជាគេមិនទាន់អាចដឹងច្បាស់ថា តើឯកឧត្តម កឹម សុខា នឹងត្រូវតុលាការសម្រេចកាត់ទោស នៅថ្ងៃទី០៩ កញ្ញានោះ បែបណាក្ដី តែសម្ដេច ហ៊ុន សែន ធ្លាប់លើកទឡ្ហីករណ៍ច្បាប់ពាក់ព័ន្ធនឹងករណីឯកឧត្តម កឹម សុខា នេះកាលពីខែមិថុនាកន្លងមក ត្រង់មាត្រា ២០៤ នៃក្រមនីតិវិធីព្រហ្មទណ្ឌថា ការឃុំខ្លួនបណ្ដោះអាសន្ន អាចអនុវត្តបានតែក្នុងករណីចោទប្រកាន់ពីបទឧក្រិដ្ឋ ឬបទមជ្ឈិម ដែលច្បាប់កំណត់ផ្តន្ទាទោសដាក់ពន្ធនាគារស្មើ ឬលើសពី១ឆ្នាំ។ ត្រង់ចំណុចនេះសម្ដេច ហ៊ុន សែន ពន្យល់ថា បុគ្គលដែលជាប់ទោសក្រោម១ឆ្នាំនោះ នឹងមិនត្រូវជាប់ឃុំខ្លួនបណ្ដោះអាសន្នទេ។
បន្ថែមពីលើនេះ លោកនាយករដ្ឋមន្ត្រី ហ៊ុន សែន ធ្លាប់បាននិយាយប្រយោលដោយមិនចំឈ្មោះថា លោកគ្មានសិទ្ធិអំណាចបញ្ជាលើប្រព័ន្ធតុលាការ ដែលកំពុងបន្តនីតិវិធីទេ លុះត្រាតែតុលាការសម្រេចសាលក្រមស្ថាពរ ទើបលោកនាយករដ្ឋមន្ត្រី អាចមានសិទ្ធិស្នើទៅព្រះមហាក្សត្រ សុំឡាយព្រះហស្ថលេខាលើកលែងទោសឲ្យបាន។
ជុំវិញបញ្ហានេះដែរមេធាវីការពារក្ដីឲ្យឯកឧត្តម កឹម សុខា បានដាក់ពាក្យទៅសាលាឧទ្ធរណ៍ដើម្បីជំទាស់នីតិវិធីបើកការជំនុំជម្រះរបស់សាលាដំបូងដែរ តែត្រូវបានឧទ្ធរណ៍ ច្រានចោលក្រោមហេតុផលថា នីតិវិធីរបស់សាលាដំបូងលើដំណើការបើកសវនាការជំនុំជម្រះសំណុំរឿងលោក កឹម សុខា នៅថ្ងៃទី៩ កញ្ញានោះ នឹងមិនមាននីតិវិធីណាមួយរាំងស្ទះឡើយ។ ក្រុមមេធាវីបានតែត្រឹមពោលពាក្យថា តុលាការបន្តនីតិវិធីលើដំណើរការករណីឯកឧត្តម កឹម សុខា លឿនជាងករណីផ្សេងទៀត។
ប្រធានស្តីទីគណបក្សសង្គ្រោះជាតិឯកឧត្តម កឹម សុខា បានឃុំខ្លួនឯងនៅទីស្នាក់ការគណបក្សជាង៣ខែមកហើយ ក្រោយពីរងការចាប់ខ្លួនក្រោមបទចោទ «បដិសេធក្នុងការចូលខ្លួន» ពីសំណាក់តុលាការ ចាប់តាំងពីថ្ងៃទី២៦ ឧសភា ឆ្នាំ២០១៦មក។ ។ ឯកឧត្តម កឹម សុខា មិនបានចុះជួបពលរដ្ឋតាមមូលដ្ឋានដោយផ្ទាល់នោះទេ ពោលគឺបានត្រឹមតែជួបពលរដ្ឋនៅក្នុងទីស្នាក់ការបក្សប៉ុណ្ណោះ ។
ដូច្នេះថាតើឯឧត្តម កឹម សុខា នឹងត្រូវតុលាការកាត់ទោសបែបណា នៅថ្ងៃទី០៩ កញ្ញានោះ? តើឯកឧត្តម កឹម សុខា នឹងអាចត្រូវបានសមត្ថកិច្ចចាប់ខ្លួន ក្រោយពីតុលាការកាត់ទោស? ឬ មួយមានផ្លូវដំណោះស្រាយនយោបាយលើកលែងទោស តាមរយៈការចរចានយោបាយ ដែលខាងគណបក្សកាន់អំណាចធ្លាប់អះអាងថា នឹងអាចមានការជជែកគ្នាក្រោយតុលាការសម្រេចសាលក្រម៕
Tag:
កឹម សុខា
© រក្សាសិទ្ធិដោយ thmeythmey.com
