អន្តរជាតិ
អ៊ីរ៉ង់ ហាមពលរដ្ឋអាមេរិកចូលទឹកដីខ្លួន ដើម្បីវាយបកទៅនឹងការសម្រេចរបស់លោកត្រាំ
×![]()
ដោយ: រួបរួម
រដ្ឋាភិបាលអ៊ីរ៉ង់ កាលពីថ្ងៃសៅរ៍ បានប្រកាសបិទទ្វារមិនឲ្យពលរដ្ឋអាមេរិកចូលទៅក្នុងទឹកដីរបស់ខ្លួន។ នេះជាប្រតិកម្មតបតទៅលោក ដូណាល់ ត្រាំ ដែលបានចុះហត្ថលេខាលើបទបទបញ្ជានីតិប្រតិបត្តិដើម្បីព្យួរការទទួលយកជនភៀសខ្លួន និង ដាក់វិធានការថ្មីគ្រប់គ្រងអ្នកដំណើរដែលមកពីប្រទេសឥស្លាមចំនួន៧។ អ៊ីរ៉ង់បានចាត់ទុកការសម្រេចរបស់រដ្ឋបាលថ្មីនៃក្រុងវ៉ាស៊ីនតោន ថាជា «ការប្រមាថ» និង «ខុសច្បាប់»។
បន្ទាប់ពីមើលឃើញថា រដ្ឋបាលដូណាល់ ត្រាំ កំពុងមើលងាយខ្លួន រដ្ឋាភិបាលក្រុងតេអេរ៉ង់ បានធ្វើការសម្រេចចិត្តមួយគ្នា តាមរយៈការប្រកាសបិទច្រកទ្វារសម្រាប់ពលរដ្ឋអាមេរិក។ នេះបើតាមការអះអាងរបស់រដ្ឋមន្ត្រីការបរទេសអ៊ីរ៉ង់ ដែលត្រូវបានដកស្រង់ដោយទីភ្នាក់ងារព័ត៌មាន AFP។
ឡើងកាន់តំណែងមិនទាន់បានមួយសប្តាហ៍ផង ប្រធានាធិបតី ដូណាល់ ត្រាំ បានចុះហត្ថលេខាលើបទបទបញ្ជានីតិប្រតិបត្តិ ដើម្បីព្យួរការទទួលយកជនភៀសខ្លួន និង ដាក់វិធានការថ្មីគ្រប់គ្រងអ្នកដំណើរដែលមកពីប្រទេសឥស្លាមចំនួន ៧ (អ៊ីរ៉ង់,អ៊ីរ៉ាក់,លីប៊ី, សូម៉ាលី, ស៊ូដង់,ស៊ីរី និងយ៉េមែន)។
លោកត្រាំ បានរារាំងពលរដ្ឋពីប្រទេសឥស្លាមទាំង៧ មិនឲ្យចូលអាមេរិក ដោយមិនចេញទិដ្ឋាការឲ្យក្នុងរយៈពេល ៣០ថ្ងៃ ហើយអាមេរិកចាប់ផ្តើមអនុវត្តវិធានការត្រួតពិនិត្យនិងសាកសួរពីជីវប្រវត្តិដ៏តឹងតែងបំផុតដែរ។ លោកបានអះអាងការពារការសម្រេចចិត្តរបស់ខ្លួនថា លោកចង់ធ្វើឲ្យប្រជាជនអាមេរិកមានសុវត្ថិភាពនិងការពារពួកគេពីក្រុមភេរវជនជ្រុលនិយមឥស្លាម (Radical Islam Terrorists)។
នៅក្នុងសេចក្តីថ្លែងការណ៍របស់ក្រសួងការបរទេស ដែលផ្សព្វផ្សាយតាមទូរទស្សន៍រដ្ឋ អ៊ីរ៉ង់ បានអះអាងថា ពួកគេពិតជាគោរពពលរដ្ឋអាមេរិក ប៉ុន្តែដើម្បីការពារសិទ្ធិពលរដ្ឋរបស់ខ្លួន រដ្ឋាភិបាលអ៊ីរ៉ង់ត្រូវតែអនុវត្តដូចគ្នាទៅនឹងការសម្រេចរបស់អាមេរិក។
ក្រសួងការបរទេសអ៊ីរ៉ង់ បានវាយតម្លៃថា ការសម្រេចរបស់អាមេរិក គឺខុសច្បាប់ គ្មានហេតុផល និងផ្ទុយពីវិធានអន្តរជាតិ។ ជាមួយគ្នានេះ រដ្ឋភិបាលលោក Hassan Rouhani បានណែនាំដល់ទូត និងកុងស៊ុលរបស់ខ្លួន ឲ្យយកចិត្តទុកដាក់ឲ្យបានខ្ពស់បំផុតចំពោះពលរដ្ឋអ៊ីរ៉ង់ ដែលជួបបញ្ហានៅលើទឹកដីអាមេរិក៕
បន្ទាប់ពីមើលឃើញថា រដ្ឋបាលដូណាល់ ត្រាំ កំពុងមើលងាយខ្លួន រដ្ឋាភិបាលក្រុងតេអេរ៉ង់ បានធ្វើការសម្រេចចិត្តមួយគ្នា តាមរយៈការប្រកាសបិទច្រកទ្វារសម្រាប់ពលរដ្ឋអាមេរិក។ នេះបើតាមការអះអាងរបស់រដ្ឋមន្ត្រីការបរទេសអ៊ីរ៉ង់ ដែលត្រូវបានដកស្រង់ដោយទីភ្នាក់ងារព័ត៌មាន AFP។
ឡើងកាន់តំណែងមិនទាន់បានមួយសប្តាហ៍ផង ប្រធានាធិបតី ដូណាល់ ត្រាំ បានចុះហត្ថលេខាលើបទបទបញ្ជានីតិប្រតិបត្តិ ដើម្បីព្យួរការទទួលយកជនភៀសខ្លួន និង ដាក់វិធានការថ្មីគ្រប់គ្រងអ្នកដំណើរដែលមកពីប្រទេសឥស្លាមចំនួន ៧ (អ៊ីរ៉ង់,អ៊ីរ៉ាក់,លីប៊ី, សូម៉ាលី, ស៊ូដង់,ស៊ីរី និងយ៉េមែន)។
លោកត្រាំ បានរារាំងពលរដ្ឋពីប្រទេសឥស្លាមទាំង៧ មិនឲ្យចូលអាមេរិក ដោយមិនចេញទិដ្ឋាការឲ្យក្នុងរយៈពេល ៣០ថ្ងៃ ហើយអាមេរិកចាប់ផ្តើមអនុវត្តវិធានការត្រួតពិនិត្យនិងសាកសួរពីជីវប្រវត្តិដ៏តឹងតែងបំផុតដែរ។ លោកបានអះអាងការពារការសម្រេចចិត្តរបស់ខ្លួនថា លោកចង់ធ្វើឲ្យប្រជាជនអាមេរិកមានសុវត្ថិភាពនិងការពារពួកគេពីក្រុមភេរវជនជ្រុលនិយមឥស្លាម (Radical Islam Terrorists)។
នៅក្នុងសេចក្តីថ្លែងការណ៍របស់ក្រសួងការបរទេស ដែលផ្សព្វផ្សាយតាមទូរទស្សន៍រដ្ឋ អ៊ីរ៉ង់ បានអះអាងថា ពួកគេពិតជាគោរពពលរដ្ឋអាមេរិក ប៉ុន្តែដើម្បីការពារសិទ្ធិពលរដ្ឋរបស់ខ្លួន រដ្ឋាភិបាលអ៊ីរ៉ង់ត្រូវតែអនុវត្តដូចគ្នាទៅនឹងការសម្រេចរបស់អាមេរិក។
ក្រសួងការបរទេសអ៊ីរ៉ង់ បានវាយតម្លៃថា ការសម្រេចរបស់អាមេរិក គឺខុសច្បាប់ គ្មានហេតុផល និងផ្ទុយពីវិធានអន្តរជាតិ។ ជាមួយគ្នានេះ រដ្ឋភិបាលលោក Hassan Rouhani បានណែនាំដល់ទូត និងកុងស៊ុលរបស់ខ្លួន ឲ្យយកចិត្តទុកដាក់ឲ្យបានខ្ពស់បំផុតចំពោះពលរដ្ឋអ៊ីរ៉ង់ ដែលជួបបញ្ហានៅលើទឹកដីអាមេរិក៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
