ឆីតែគម្រង់មិនលង់លោភលន់
ពេលនេះទុក្ខធ្ងន់ស្ទើរផុតពូជពង្ស
មិនជាប់អន្ទាក់ក៏ត្រូវធ្លាក់ជង់
ពូជត្មាតអាចគង់ទៀតទេថ្ងៃមុខ?
ត្មាតផេះត្នោតភ្លើងក្រុមយើងជួបទុក្ខ
ព្រៃគេរានរុកថែមទាំងប្រហារ
ត្មាតខ្លះពុលថ្នាំស្លាប់ទាំងខ្លោចផ្សារ
សង្ឃឹមលោការក្សាយើងបាន។
សូមទុកជម្រកឲ្យត្មាតគ្រប់ប្រាណ
អាចជ្រកពួនបានដោយភាពកក់ក្តៅ
ជ្រកពេលព្យុះភ្លៀងឬក៏ថ្ងៃក្តៅ
បង្កើតកូនចៅបន្តពូជត្មាត។
ត្មាតយើងគ្រប់គ្នាធានាសម្អាត
ផែនដីឲ្យស្អាតលែងមានគម្រង់
ពួកយើងជាត្មាតត្រឹមសត្វស្លូតល្ងង់
ចង់តពូជពង្សគង់នៅអង្វែង។