ជាតិ
×![]()
ដោយ: សារព័ត៌មានថ្មីៗ
តាមវចនានុក្រមសម្តេចព្រះសង្ឃរាជ ជួន ណាត ពាក្យ ហទ័យ, ហឫទ័យ, ហ្ឫទ័យ សុទ្ធតែអាចប្រើបានដូចគ្នា។ ពាក្យទាំងនេះ មានន័យថា បេះដូង, ដួងចិត្ត, ចិត្ត; ទ្រូង ។
ហទ័យ (ហៈទៃ) ជាភាសាបាលី, ហឫទ័យ, ហ្ឫទ័យ (ហៈរឺទៃ, ហ្រឺទៃ) ជាភាសាសំស្ក្រឹត។ នៅក្នុងវនានុក្រមអេឡិចត្រូនិច ក៏បានប្រើពាក្យ «ហ្ឬទយ» មួយទៀត ផងដែរ ប៉ុន្តែក្នុងរចនានុក្រមដែលបោះពុម្ពផ្សាយដោយពុទ្ធសាសនបណ្ឌិត្យ កាលពីឆ្នាំ១៩៦៧ មិនបានលើកឡើងពីពាក្យ «ហ្ឬទយ» ឡើយ មានតែ «ហ្ឫទ័យ»។
ពាក្យរាជសព្ទ គឺព្រះហឫទ័យ ឬព្រះរាជហឫទ័យ ។ បើរៀងភ្ជាប់ពីខាងដើមសព្ទដទៃ ត្រូវសរសេរហទយ អ. ថ. ហៈទៈយៈ, ដូចជា ហទយពិការ ឬ—វិការ ពិការបេះដូង, ដំណើរខូចបេះដូង ។ ហទយរូប រូបបេះដូង, តួបេះដូង ។ ហទយរោគ រោគបេះដូង; រោគឈឺចិត្ត ។ ហទយវត្ថុ លំនៅរបស់ចិត្ត( តួបេះដូង )។ ល ។
Tag:
ពន្យល់ពាក្យ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
16 ម៉ោង
