COVID-19
ជាតិ
សម្ដេច ហ៊ុន សែន ស្នើឲ្យពាក់ម៉ាស់នៅទីសារធារណទាំងអស់ ប៉ុន្តែមិនហាមឃាត់ពិធីផ្សេងៗឡើយ
× ភ្នំពេញ៖ សម្ដេច ហ៊ុន សែន បានស្នើឱ្យអ្នកចេញទៅទីសាធារណទាំងអស់ត្រូវពាក់ម៉ាស់ ជាចាំបាច់។ ចំពោះការផ្ទុះក្នុងករណីព្រឹត្តិការណ៍សហគមន៍២០ កុម្ភៈ សម្ដេចមិនបញ្ជារឱ្យបិទរាល់ការជួបជុំ ដូចជាការរៀបអាពាហ៍ពិពាហ៍ ការប្រជុំ ពិធីបុណ្យទាន និងសាលារៀននោះទេ ប៉ុន្តែត្រូវគោរពតាមវិធានសុខាភិបាល។
ក្នុងការថ្លែងសារពិសេស ទាក់ទងព្រឹត្តិការណ៍សហគមន៍ ២០កុម្ភៈ ថ្ងៃសៅរ៍ ២០ ខែកុម្ភៈ ឆ្នាំ២០២១ សម្ដេចអនុញ្ញាតឱ្យមានការជួបជុំ ការហាត់ប្រាណ និង សាលារៀនបើកជាធម្មតា ប៉ុន្តែប្រជាពលរដ្ឋទាំងអស់ត្រូវពាក់ម៉ាស់ និងអនុវត្តវិធានសុវត្ថិភាពជាចាំបាច់។
សម្ដេចនាយករដ្ឋមន្ត្រីក៏បានស្នើឲ្យ ប្រជាពលរដ្ឋទាំងអស់កុំចេញ ទៅខាងក្រៅផ្ទះ និងទីតាំងនានា ក្នុងករណីមិនចាំបាច់ ព្រោះអាជ្ញាធរកំពុងស្រាវជ្រាវរកអ្នកពាក់ព័ន្ធនឹងករណីព្រឹត្តិការណ៍សហគមន៍២០ កុម្ភៈ។
សូមជម្រាបផងដែរថា ក្នុងព្រឹត្តិកាណ៍ ២០កុម្ភៈ មានអ្នកឆ្លងជំងឺកូវីដ-១៩ ចំនួន ៣២នាក់ ដែលធ្វើឱ្យ ក្នុងប្រទេសកម្ពុជា មានករណីឆ្លងជំងឺកូវីដ-១៩ រហូតដល់ ៥១៦នាក់៕
© រក្សាសិទ្ធិដោយ thmeythmey.com