បញ្ហានេះ ធ្វើឲ្យកសិករដាំស្វាយទូទាំងប្រទេស មានកង្វល់យ៉ាងខ្លាំងជុំវិញទិន្នផលស្វាយ។ «ឥឡូវស្វាយកែវរមៀតប្រមាណ ៣០០តោន សល់ក្នុងចម្ការគ្មានអ្នកទិញ។ ស្វាយមានចំនួនច្រើនយើងមិនអាចកែច្នៃនោះទេ ហើយបើកែច្នៃបាន មិនរំពឹងថាមានទីផ្សារដែរ»។ នេះជាប្រសានសន៍ របស់លោក ម៉ុង ឫទ្ធី ប្រាប់សារព័ត៌មានThmeyThmey25 តាមទូរសព្ទនៅថ្ងៃទី១ មីនា។

 

លោក ម៉ុង ឫទ្ធី បានបន្ថែមថា៖«ខ្ញុំមិនបន្ទាសអ្នកណាទេ ព្រោះវាមកពីបញ្ហាកូវីដ-១៩។ កន្លងមកស្វាយខ្ចប់ បេះពីដើមអាចលក់ក្នុងតម្លៃ ៤ ០០០រៀល ក្នុងមួយគីឡូក្រាម ស្វាយខៀវ អាចលក់បាន ១ ០០០រៀល ក្នុងមួយគីឡូក្រាម តែឆ្នាំនេះ គឺអត់មានអ្នកទិញ»។ 

 

បច្ចុប្បន្ន លោក ម៉ុង ឫទ្ធី មានស្វាយប្រមាណ ៥ម៉ឺនដើម ក្នុងតំបន់រមណីយដ្ឋានអភិវឌ្ឍន៍កសិទេសចរណ៍ម៉ុង ឫទ្ធីសែនជ័យ ស្ថិតក្នុងខេត្តកំពង់ស្ពឺ ហើយជាមធ្យមអាចប្រមូលផលប្រមាណ ៣០០តោនក្នុងមួយឆ្នាំ៕