Liverpool ក្លាយជាក្រុមមានតម្លៃថ្លៃជាងគេបំផុតលើលោកក្នុងតម្លៃ ១,៣៥ពាន់ លានដុល្លារអាមេរិក) នៅឆ្នាំ ២០២១។ នេះបើយោងតាមវេបសាយវិភាគកីឡា transfermarkt ខណៈ Manchester City នៅលេខ២ ហើយលេខ៣ Paris Saint-Germain ។ Manchester United ធ្លាក់ទៅចំណាត់ថ្នាក់ទី៩ ក្នុងចំណោមក្រុមថ្លៃជាងគេទាំង១០លើលោក។
ក្លិបពីក្របខណ្ឌ Premier League មានដល់ទៅ៥ក្រុមឯណោះដែលស្ថិតក្នុងចំណោមក្រុមទាំង១០ដែលមានតម្លៃថ្លៃៗបំផុត ខណៈក្រុមអេស្ប៉ាញ មានចំនួន៣ ហើយអាល្លឺម៉ង់មានមួយ និងបារាំងមានមួយ។
សម្រាប់ហង្សក្រហម Liverpool ការឈ្នះជើងឯក Premier League និង Champions League បានធ្វើឲ្យតម្លៃខ្លួនកីឡាកររបស់ពួកគេជាច្រើនកើនឡើងនៅឆ្នាំនេះ រហូតនាំមុខគេក្នុងនាមក្រុមដែលមានសមាជិក្រុមថ្លៃជាងគេលើលោក។
យ៉ាងណាក៏ដោយ ក្នុងចំណោមក្រុមទាំង១០ Manchester United មាន Marcus Rashford ដែលជាកីឡាករមានតម្លៃខ្លួនថ្លៃជាងគេ ២០៨លានដុល្លារអាមេរិក តាមពីក្រោយដោយ Erling Haaland តារាឆ្នើមរបស់ Borussia Dortmund តម្លៃ ១៩២លានដុល្លារអាមេរិក និង Trent Alexander-Arnold ខ្សែការពាររបស់ Liverpool មានតម្លៃខ្លួន១៩០លានដុល្លារអាមេរិក។
ខាងក្រោមនេះជាក្លិបទាំង១០ដែលមានតម្លៃថ្លៃជាងគេលើលោកគិតត្រឹមឆ្នាំ២០២១៖
១- Liverpool តម្លៃ ១,៣៥ ពាន់លានដុល្លារអាមេរិក
២- Manchester City តម្លៃ ១,២៧ ពាន់លានដុល្លារអាមេរិក
៣- Paris Saint-Germain តម្លៃ ១,០៤ ពាន់លានដុល្លារអាមេរិក
៤- Bayern Munich តម្លៃ ៩៩៥ លានដុល្លារអាមេរិក
៥- Barcelona តម្លៃ ៩៦៧ លានដុល្លារអាមេរិក
៦- Chelsea តម្លៃ ៩៦៥ លានដុល្លារអាមេរិក
៧- AT-Madrid តម្លៃ ៩២៣ លានដុល្លារអាមេរិក
៨- Real Madrid តម្លៃ ៨៩៥ លានដុល្លារអាមេរិក
៩- Manchester United តម្លៃ ៨៨៧ លានដុល្លារអាមេរិក
១០- Tottenham Hotspur តម្លៃ ៨៦៤ លានដុល្លារអាមេរិក៕