ក្រុមអ្នកវិទ្យាសាស្រ្តនៃស្ថាប័នរដ្ឋបាលជលផល និងអង្គការ WWF បានកត់ត្រាវត្តមានកូនសត្វផ្សោតថ្មីនេះ ដែលកំពុងហែលជាមួយនឹងសត្វផ្សោតពេញវ័យចំនួន ៤ក្បាលផ្សេងទៀត នៅទីជម្រកធម្មជាតិកាំពី នៃខេត្តក្រចេះ។ ដោយឡែកកូនសត្វផ្សោតទី១ សម្រាប់ឆ្នាំ២០២១ ទើបបានកត់ត្រាដោយក្រុមអ្នកស្រាវជ្រាវកាលពីពេលថ្មីៗ នៅក្នុងទីជម្រកធម្មជាតិនៃខេត្តស្ទឹងត្រែង។

 

ការបង្ហាញខ្លួនរបស់កូនផ្សោតទាំងពីរនេះ គឺជាការលើកទឹកចិត្ត ដល់ក្រុមអ្នកស្រាវជ្រាវ ក្នុងការបន្ដតាមដានស្ថានភាព និងកំណត់អត្តសញ្ញាណសត្វផ្សោតនៅក្នុងតំបន់ទេសភាពមេគង្គ។ បើតាមអង្គការ WWF នៅឆ្នាំ២០២០ ក្រុមស្រាវជ្រាវបានកត់ត្រាកូនសត្វផ្សោតចំនួន ៩ក្បាល ខណៈកូនសត្វផ្សោតចំនួន ១៣ ក្បាលត្រូវបានកត់ត្រាក្នុងឆ្នាំ ២០១៩៕