«ក្នុងឆ្នាំ២០២០ និង ២០២១ ថ្មីៗនេះ «ទឹកឃ្មុំសង្គ្រោះសត្វព្រៃ» មានការពង្រីកទីផ្សារយ៉ាងរហ័ស រហូតដល់បីទៅបួនដង នៃការផ្គត់ផ្គង់កាលពីឆ្នាំមុនៗ នឹងកំពុងបន្តផ្គត់ផ្គង់បន្ថែមទៀត នៅលើទីផ្សារក្នុងស្រុក។ ក្រុមហ៊ុននឹងពង្រីកផលិតភាពផលិតកម្មទឹកឃ្មុំរបស់ពួកយើងបន្ថែមទៀត ដើម្បីបំពេញតម្រូវការទីផ្សារ និងតម្រូវការប្រើប្រាស់ច្រើនរបស់អតិថិជនសម្រាប់យកទៅប្រើប្រាស់ប្រចាំថ្ងៃ»។ នេះបើតាមការលើកឡើងរបស់ លោក ស៊ន ឌីប៉ង់ នាយកគ្រប់គ្រងក្រុមហ៊ុន SCW3PS CO., LTD.  ដែលបានថ្លែងប្រាប់សារព័ត៌មានថ្មីៗ។

 

លោកបន្ថែមទៀតថា៖ «ក្នុងឆ្នាំនេះ យើងនឹងបង្កើនការផលិតទ្រង់ទ្រាយធំ ដើម្បីជួយដល់បងប្អូន នៅតាមបណ្ដាសហគមន៍ ដែលជាដៃគូរបស់យើង ព្រមទាំងបំពេញតម្រូវការ ឱ្យបានគ្រប់គ្រាន់ សម្រាប់ទីផ្សារក្នុងស្រុកផងដែរ។ យើងរីករាយណាស់ ដែលទទួលបានការគាំទ្រយ៉ាងពេញទំហឹង ពីសំណាក់អតិថិជន ដែលពួកគាត់បានបង្ហាញអារម្មណ៍មានទំនុកចិត្ត ក្រោយទិញទឹកឃ្មុំរបស់យើង យកទៅប្រើប្រាស់ គឺសុទ្ធល្អ១០០ភាគរយ»។

 

លោកអ្នកអាចរកជាវទឹកឃ្មុំធម្មជាតិ សុទ្ធ១០០ភាគរយ របស់ក្រុមហ៊ុនដែលមានយីហោលើដប «ទឹកឃ្មុំសង្គ្រោះសត្វព្រៃ» នៅតាមបណ្ដាផ្សារទំនើប ផ្សារលក់ទំនិញគ្រប់មុខ (Grocery Stores) ហាងលក់អាហារសរីរាង្គ (Organic Stores) និងតាមបណ្ដាហាងទូទាំងរាជធានី-ខេត្តជាង៦០០កន្លែង៕