បុរសនោះ មានទីលំនៅ ក្នុងភូមិគគីរ ឃុំភ្នំព្រឹក ស្រុកភ្នំព្រឹក ខេត្តបាត់ដំបង។ តាមរយៈសាររបស់ខ្លួន ដែលបង្ហោះ កាលថ្ងៃទី២៩ ខែមីនា បុរសនោះ បានប្រើពាក្យប្រមាទចំនួនទៅលើនាយករដ្ឋមន្រ្តី ដោយក្នុងនោះ ក៏មានពាក្យ «អា» ផងដែរ។ សមត្ថកិច្ចខេត្តបាត់ដំបង ចាត់ទុកសាររបស់បុរស់នោះ ថាជាកាប្រមាថយ៉ាងធ្ងន់ធ្ងរលើនាយករដ្ឋមន្រ្តី។     

 

បើតាមទំព័រហ្វេសប៊ុកស្នងការដ្ឋាននគរបាលខេត្តបាត់ដំបង បុរសនោះ បានសារភាពនៅចំពោះមុខសមត្ថកិច្ចថា រូបគេ ពិតជាបានបង្ហោះរូបភាពនិងសរសេរសារប្រមាថនាយករដ្ឋមន្រ្តីមែន។ ស្នងការដ្ឋាននគរបាលខេត្តបាត់ដំបង អះអាងថា៖«ក្រោយការសរសេរបង្ហោះតែប៉ុន្មានម៉ោងប៉ុណ្ណោះ ក៏ត្រូវបានសមត្ថកិច្ចស្វែងរកគាត់ឃើញ និងនាំខ្លួនមកសាកសួរ»៕