លោក ឃួង ស្រេង អភិបាលរាជធានីភ្នំពេញ កាលពីយប់ថ្ងៃ៩ មេសា បានប្រកាសបិទខ្ទប់នូវទីតាំងមួយចំនួន ក្នុងសង្កាត់ស្ទឹងមានជ័យទី១ និងស្ទឹងមានជ័យទី២ ដោយសារចំនួននៃអ្នកឆ្លងជំងឺកូវីដ-១៩ មានការកើនឡើងយ៉ាងគំហុក។

 

ដ្បិតការសម្រេចបិទតំបន់មួយចំនួន ដែលជាសម្រេចរបស់រដ្ឋបាលរាជធានីភ្នំពេញ ជាការសម្រេចចិត្តដ៏តឹងតែង តែដើម្បីសុខភាពរបស់ប្រជាពលរដ្ឋ នេះជាយន្តការដ៏ចាំបាច់ក្នុងការទប់ស្កាត់ការឆ្លងរាលដាលនៃជំងឺកូវីដ-១៩។

 

បើតាមសេចក្ដីប្រកាសរបស់រដ្ឋបាលរាជធានីភ្នំពេញយប់ថ្ងៃទី៩ មេសា ការបិទខ្ទប់នេះមានរយៈពេល២សប្តាហ៍ដោយគិតចាប់ពីម៉ោងសូន្យយប់ថ្ងៃទី១០ ខែមេសា ដល់ថ្ងៃទី២៣ ខែមេសា។ សម្រាប់តំបន់ដែលបិទខ្ទប់ទាំងនេះ បុគ្គលគ្រប់រូបត្រូវបានហាមឃាត់ការធ្វើដំណើរចេញពីលំនៅដ្ឋាន ឬទីសំណាក់បច្ចុប្បន្ន លើកលែងតែករណីចាំបាច់ ដែលមានការបញ្ជាក់ពីច្បាស់លាស់៕