គណៈកម្មការប្រយុទ្ធប្រឆាំងនឹងជំងឺកូវីដ-១៩ វៀតណាម បានបញ្ជាក់ថា ស្ត្រីអ្នកជំងឺដែលស្ថិតក្នុងករណីលេខ៣៨៣៩ បានទទួលមរណភាព ដោយសារមានជំងឺជាច្រើនផ្សេងទៀតរួមផ្សំ ដូចជាទឹកនោមផ្អែម និងលើសឈាម។

 

ករណីស្លាប់៣៥នាក់កន្លងមក សុទ្ធតែទាក់ទងនឹងការឆ្លងក្នុងសហគមន៍ដាណាង កាលពីអំឡុងខែកក្កដា និងសីហា ឆ្នាំមុន ហើយភាគច្រើនជាមនុស្សចាស់ ដែលមានជំងឺទឹកនោមផ្អែម ក្រពះ ពោះវៀន។

 

គិតមកដល់ពេលនេះ វៀតណាម មានករណីសរុប៣៩៨៥ ស្លាប់៣៦នាក់ និងសះស្បើយ២៦៥៧នាក់។ វៀតណាមបានចាត់ទុកការរាលដាលឡើងវិញនារយៈពេលប៉ុន្មានថ្ងៃចុងក្រោយនេះ ជារលកទី៤ ដែលមានអ្នកឆ្លងសហគមន៍ជាង៨០០នាក់នៅបណ្តាខេត្តក្រុងចំនួន២៦៕