ជាតិ
សង្គមជាតិ
អាជ្ញាធរសម្រេចបិទបញ្ចប់តំបន់លឿងទុំ នៅសង្កាត់ទាំង៤ក្នុងក្រុងសៀមរាប ការបិទខ្ទប់សង្កាត់ទាំង៤ក្នុងក្រងសៀមរាប នៅថ្ងៃទី១ ខែ សីហា ឆ្នាំ២០២១
× សៀមរាប៖ រដ្ឋបាលខេត្តសៀមរាប បានចេញសេចក្ដីសម្រេច ដោយបិទបញ្ចប់ការកំណត់ តំបន់លឿងទុំ នៅសង្កាត់ទាំង៤ ក្នុងក្រុងសៀមរាប។
តាមសេចក្ដីសម្រេចដែលចេញផ្សាយយប់ថ្ងៃទី១២ ខែ សីហា ការបញ្ចប់ដាក់ជាតំបន់លឿងទុំ ក្នុងសង្កាត់ទាំង៤មានសង្កាត់ស្លក្រាម សាលាកំរើក គោកចក និងស្វាយដង្គំ នឹងអនុវត្តចាប់ពីពេលនេះតទៅ។
គួរបញ្ជាក់ថា អាជ្ញាធរបានកំណត់ភូមិសាស្ដ្រខាងលើជាតំបន់លឿងទុំ និងបិទខ្ទប់រយៈពេល២សប្ដាហ៍ ចាប់ពីថ្ងៃទី៣០ ខែ កក្កដា មក។ ក្នុងលិខិតដាច់ដោយឡែកផ្សេងទៀត អាជ្ញាធរក៏បានសម្រេចបើកផ្សារចំនួន៣ ឱ្យដំណើរការឡើងវិញផងដែរ មានផ្សារលើធំថ្មី ផ្សារកំពង់ក្ដី និងផ្សារដំដែក។ យ៉ាងណា អាជ្ញាធរប្រកាសពីការបន្តអនុវត្តបម្រាបគោចរពេលយប់រយៈពេល១៤ថ្ងៃទៀត គឺចាប់ពីថ្ងៃទី១២ រហូតដល់ថ្ងៃទី២៥ ខែ សីហា៕
© រក្សាសិទ្ធិដោយ thmeythmey.com