អគ្គស្នង​ការនគរបាលជាតិ បានប្រគល់រថយន្តទំនើបនេះ ១គ្រឿង​ជូននាយកដ្ឋាននគរ​បាលបង្ការ ពន្លត់អគ្គិភ័យ និងសង្រ្គោះ និង១​ គ្រឿងទៀតប្រគល់ជូនស្នងការដ្ឋាននគរបាលរាជធានីភ្នំពេញ។ ពិធីប្រគល់រថយន្តពន្លត់អគ្គិភ័យទាំង២គ្រឿងនេះ ធ្វើឡើងកាលពីថ្ងៃទី២៦ ខែសីហា នៅឃ្លាំងស្នងការដ្ឋានហិរញ្ញកិច្ច និងភស្តុភារ ក្នុងខណ្ឌច្បារអំពៅ។

 

លោក នេត វត្ថា ប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្រ្គោះ ដែលបានថ្លែងក្នុងនៅក្នុងពិធីប្រគល់រថយន្តនេះថា អង្គភាពទាំង២ នឹងប្រើប្រាស់រថយន្តដ៏ទំនើបនេះ ​ឱ្យចំទិសដៅ ព្រមទាំងត្រួតពិនិត្យ ថែទាំ​ និងហ្វឹកហាត់ជាប្រចាំ ដើម្បីត្រៀមជួយសង្រ្គោះ​ជីវិត និងទ្រព្យសម្បត្តិប្រជាពលរដ្ឋបានទាន់ពេលវេលា។ 

 

សូមជម្រាបថា រថយន្តពន្លត់អគ្គិភ័យទំនើបទាំង២គ្រឿងនេះ ជាប្រភេទរថយន្តជណ្តើរ សម្រាប់​ខួងទម្លុះទម្លាយជញ្ជាំង ​ដែលអាច​មូមបាញ់ទឹកដោយស្វ័យប្រវត្តិសង្គ្រោះ​ ហើយដងលើកឡើងបានប្រវែង​ ៥២ម៉ែត្រ និងបាញ់ទឹកចេញបាន៤០ម៉ែត្រ​។ រថយន្តនេះ ​អាចផ្ទុកទឹកបាន​ចំណុះ៣.៥០០លីត្រ៕